କଡା ସୁରକ୍ଷା ବଳୟ ଭିତରେ କଳିଙ୍ଗ ଷ୍ଟାଡିୟମ । ଷ୍ଟାଡିୟମ ଭିତରେ ଓ ବାହାରେ ପୁଲିସ୍ ଛାଉଣୀ
କନକ ବ୍ୟୁରୋ: ପୁରୁଷ ହକି ବିଶ୍ୱ କପ୍ ପାଇଁ ସୁରକ୍ଷା ବଳୟ ଭିତରେ କଳିଙ୍ଗ ଷ୍ଟାଡିୟମ୍ । ଆସନ୍ତାକାଲି ହକି ମହାକୁମ୍ଭର ଉଦଘାଟନୀ ଉତ୍ସବ ଥିବା ବେଳେ ଆଜି ଷ୍ଟାଡିୟମରେ ସୁରକ୍ଷା ଯାଂଚ କରାଯାଇଛି । ପଶ୍ଚିମାଂଚଳ ଡିଆଇଜି ସତ୍ୟବ୍ରତ ଭୋଇ, ଭୁବନେଶ୍ୱର ଡିସିପି ଅନୁପ୍ ସାହୁ ଓ ବିଭିନ୍ନ ଥାନାର ଆଇଆଇସି କଳିଙ୍ଗ ଷ୍ଟାଡିୟମ ଭିତରେ ସୁରକ୍ଷା ବ୍ୟବସ୍ଥାର ତଦାରଖ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ଉଦଘାଟନୀ ମଂଚ, ୧୨ ହଜାର ୫୦୦ ଦର୍ଶକଙ୍କ ବସିବା ଉଦ୍ଧିଷ୍ଠ ସ୍ଥାନ, ୨୦୦୦ କଳାକାରଙ୍କ ବସିବା ସ୍ଥାନ ଏବଂ ଏହି ମହାକୁମ୍ଭରେ ସାମିଲ ହୋଇଥିବା ୧୬ଟି ଦେଶର କୋଚ୍ ଓ ଅଫିସଆଲଙ୍କ ପାଇଁ ଉଦ୍ଧିଷ୍ଠ ସ୍ଥାନରେ କଡା ଯାଂଚ କରାଯାଉଛି । କଳିଙ୍ଗ ଷ୍ଟାଡିୟମ୍ ସୁରକ୍ଷା ଦାୟିତ୍ୱର ପୁଲିସ ସହ ଓଏସଏଏଫ ଯବାନ ମଧ୍ୟ ମୁତୟନ ରହିବେ ।
ସେପଟେ, ହକି ବିଶ୍ୱକପର ଉଦଘାଟନୀ ଉତ୍ସବରେ ଯୋଗଦେଇ ପାରନ୍ତି ବଲିଉଡ ସୁପରଷ୍ଟାର ସଲମାନ୍ ଖାନ୍ । କଟକରେ ହେବାକୁ ଥିବା ଏଡି ସମାରୋହରେ ଯୋଗ ଦେବା ପାଇଁ ଓଡ଼ିଶା ସରକାର ସଲମାନଙ୍କ ଅଫିସ ସହ ଯୋଗାଯୋଗ କରିଛନ୍ତି । ଏବଂ ଆଜି ସଲମାନଙ୍କ ଅଫିସ ଏନେଇ ସ୍ପଷ୍ଟୀକରଣ ରଖିବ ବୋଲି କ୍ରୀଡା ସଚିବ ବିଶାଳ ଦେବ କହିଛନ୍ତି । ଭୁବନେଶ୍ୱରରେ ହେବାକୁ ଥିବା ଉଦଘାଟନୀ ଉତ୍ସବରେ ଶାହରୁଖ ଖାନ୍ ଯୋଗ ଦେଉଥିବା ବେଳେ କଟକରେ ହେବାକୁ ଥିବା ଏହି ସମାରୋହରେ ସଲମାନ୍ ଖାନ୍ ଯୋଗଦେବା ନେଇ ସମ୍ଭାବନା ଅଧିକ ରହିଛି ।
କ୍ରୀଡା ସଚିବ ବିଶାଳ ଦେବ କହିଛନ୍ତି, ସଲମାନ୍ ଖାନଙ୍କ ଅଫିସ ଓଡ଼ିଶା ସରକାରଙ୍କ ଅନୁରୋଧକୁ ରକ୍ଷା କରିବ ବୋଲି ସେ ଆଶା ରଖିଛନ୍ତି । ସେପଟେ ଭୁବନେଶ୍ୱରରେ ହେବାକୁ ଥିବ ଉତ୍ସବ ପାଇଁ ଏଆର ରେହମନ ରାଜଧାନୀରେ ପହଂଚି ସାରିଛନ୍ତି । ବିଶ୍ୱକପ ପାଇଁ ସବୁ ଦଳ ପହଂଚି ସାରିଥିବାବେଳେ ଆସନ୍ତାକାଲି ଉଦଘାଟନୀ ଉତ୍ସବ ପାଇଁ ପ୍ରବଳ ଉକ୍ରଣ୍ଠା ଦେଖିବାକୁ ମିଳିଛି ।