ବିଷ୍ଣୁଙ୍କୁ ରାଜଶ୍ରୀଙ୍କ ଆହ୍ୱାନ । ନିଜ ନିର୍ବାଚନୀ କ୍ଷେତ୍ରରେ ଚିରଞ୍ଜିବୀଙ୍କୁ ହରାଇ ପରାକାଷ୍ଠା ଦେଖାନ୍ତୁ ବିଷ୍ଣୁ ବାବୁ ।
କନକ ବ୍ୟୁରୋ: ଉପକୂଳ ନିର୍ବାଚନ କ୍ଷେତ୍ରରେ ବିଜେଡିର ଦୁଇ ଚର୍ଚ୍ଚିତ ନାଁ ତିର୍ତ୍ତୋଲ ବିଧାୟିକା ରାଜଶ୍ରୀ ମଲ୍ଲିକ ଓ ବରିଷ୍ଠ ବିଜେଡି ନେତା ବିଷ୍ଣୁ ଦାସ । ବିଭିନ୍ନ ସମୟରେ ଦୁହେଁ ଦୁହିଁଙ୍କ ମଧ୍ୟରେ କଥା କଟାକଟିକୁ ନେଇ ରାଜ୍ୟ ରାଜନୀତିକୁ ଖୋରାକ ଯୋଗାଇଥାନ୍ତି । ଏବେ ଟିକେଟ୍ ପାଇଁ ରାଜନୀତି କସରତ ଚାଲିଥିବା ବେଳେ ବିଷ୍ଣୁଙ୍କୁ ନେଇ ତିର୍ତ୍ତୋଲ ବିଧାୟିକା ଦେଇଥିବା ବୟାନ ଏବେ ଚର୍ଚ୍ଚାର ବିଷୟ ପାଲଟିଛି । ରାଜଶ୍ରୀ କହିଛନ୍ତି କି, ବିଷ୍ଣୁ ଦାସ କେତେବେଳେ କ’ଣ କହୁଛନ୍ତି ସେ ନିଜେ ଜାଣି ପାରୁନାହାନ୍ତି, କାରଣ କେତେବେଳେ ପାରାଦୀପ ତ କେତେବେଳେ ତିର୍ତ୍ତୋଲ ବିଧାନସଭା କ୍ଷେତ୍ରରୁ ଲଢ଼ିବାକୁ କହୁଛନ୍ତି କିନ୍ତୁ କେବେବି ଜଗତସିଂହପୁରରୁ ଲଢ଼ିବାକୁ କାହିଁକି କହୁ ନାହାନ୍ତି ବୋଲି ପ୍ରଶ୍ନ କରିଛନ୍ତି ରାଜଶ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ବିଷ୍ଣୁଦାସଙ୍କୁ ଆହ୍ୱାନ ଦେଇ ରାଜଶ୍ରୀ କହିଛନ୍ତି ଯେ, ବିଷ୍ଣୁ ବାବୁ ସବୁଠି ଲଢ଼ିବେ ବୋଲି କହୁଛନ୍ତି ନିଜ ନିର୍ବାଚନ ମଣ୍ଡଳୀରେ ଆଗେ ଚିରଞ୍ଜିବୀ ବିଶ୍ୱାଳଙ୍କୁ ହାରାଇ ନିଜର ପରାକାଷ୍ଠା ଦେଖାନ୍ତୁ ବୋଲି କହିଛନ୍ତି ରାଜଶ୍ରୀ । ବାରମ୍ବାର ଚାରିଆଡ଼େ କହି ବୁଲୁଛନ୍ତି ସେ ମୋତେ ୨୦୧୪ରେ ଟିକେଟ୍ ଦେଇଥିଲେ କିନ୍ତୁ ସେ ଭୂଲ କହୁଛନ୍ତି ମୋତେ ଗତ ନିର୍ବାଚନରେ ବିଷ୍ଣୁ ବାବୁ ଟିକେଟ୍ ଦେଇନଥିଲେ ।
ସେହିପରି ତାଙ୍କ ଟିକେଟ୍ ପାଇବା ନେଇ ରାଜଶ୍ରୀ କହିଛନ୍ତି କି, ୫ବର୍ଷ ଧରି ଲୋକଙ୍କ ପାଇଁ କାମ କରିଛି । ଯେଉଁ କାର୍ଯ୍ୟ ଦୀର୍ଘ ୫୦ ବର୍ଷ ମଧ୍ୟରେ ହୋଇନଥିଲା ତାହା ମୋ ସମୟରେ ହୋଇଛି । ତେଣୁ ଟିକେଟ ପାଇବା ପାଇଁ ନିଶ୍ଚୟ ଆଶା କରିବି । ଏଠାରେ ବିଷ୍ଣୁ ଦାସଙ୍କୁ ଟିକେଟ୍ ମିଳେ, ଲୋକେ ପ୍ରସ୍ତୁତ ହୋଇଅଛନ୍ତି । ବିଜେଡି ସୁପ୍ରିମୋ ନବୀନ ପଟ୍ଟନାୟକ ଯାହା ନିଷ୍ପତି ନେବେ ମାନିବି ବୋଲି କହିଛନ୍ତି ରାଜଶ୍ରୀ ।