ପାକିସ୍ତାନ ଗସ୍ତରେ ଯିବାକୁ ଚାହୁଁନାହାନ୍ତି କି ଅଷ୍ଟ୍ରେଲିଆ କ୍ରିକେଟର? ଜାଣନ୍ତୁ କଣ କହିଲେ ଅଷ୍ଟ୍ରେଲିଆ ଅଧିନାୟକ ।
କନକ ବ୍ୟୁରୋ : ପାକିସ୍ତାନରେ ସିରିଜ ଖେଳିବାକୁ ଘୋଷଣା କରିଛି ଅଷ୍ଟ୍ରେଲିଆ । ୨୦୨୨ରେ ସିରିଜ ଖେଳିବାକୁ ପାକିସ୍ତାନ ଗସ୍ତରେ ଯିବ ଅଷ୍ଟ୍ରେଲିଆ । ଆଉ ଏହି ଘୋଷଣା ପରେ କିଛି ପାକିସ୍ତାନୀ ପ୍ରଂଶସକ ଉତ୍ସାହିତ ହୋଇପଡିଛନ୍ତି । କିନ୍ତୁ ଅଷ୍ଟ୍ରେଲିଆ ସିରିଜ ବାବଦରେ ଘୋଷଣା କରିବାର କିଛି ଘଣ୍ଟା ମଧ୍ୟରେ ପୁଣିଥରେ ଏହି ଗସ୍ତ ଉପରେ ସଙ୍କଟର କଳାବାଦଲ ଘୂରି ବୁଲୁଛି । ଅଷ୍ଟ୍ରେଲିଆ ଟିମର ଅ ଅଧିନାୟକ ଟିମ୍ ପାଇନଙ୍କ କହିବା ଅନୁଯାୟୀ, କିଛି ଖେଳାଳୀ ଏହି ଗସ୍ତକୁ ନେଇ ସଂଶୟ ବା ଦ୍ୱନ୍ଦ୍ୱରେ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟିମ୍ ପାଇନ କହିଛନ୍ତି, ଦଳରେ ଏମିତି କିଛି ଖେଳାଳୀ ଅଛନ୍ତି ଯେଉଁମାନେ ଏବେ ବି ବିଶେଷଜ୍ଞଙ୍କ ପରାମର୍ଶ ନେବା ପାଇଁ ଚାହୁଁଛନ୍ତି, ଅନ୍ୟ କିଛି ଖେଳାଳୀ ଗସ୍ତକୁ ନେଇ ବିଚାର କରୁଛନ୍ତି । ଅଥାର୍ତ ପାକିସ୍ତାନ ଗସ୍ତକୁ ନେଇ ଅନେକ ଖେଳାଳୀ ଅସହଜ ମନେ କରୁଛନ୍ତି । ଏହାପୂର୍ବରୁ ନ୍ୟୁଜିଲାଣ୍ଡ ମଧ୍ୟ ପାକିସ୍ତାନ ଗସ୍ତରେ ଯାଇଥିବା ବେଳେ ଶେଷ ମୁହୂର୍ତ୍ତରେ ପାକିସ୍ତାନରୁ ଫେରି ଆସିଥିଲା । ସୁରକ୍ଷା କାରଣରୁ ଏପରି କରାଯାଇଥିବା ନେଇ ନ୍ୟୁଜିଲାଣ୍ଡ ପକ୍ଷରୁ କୁହାଯାଇଥିଲା । ସେହିଭଳି ଇଂଲଣ୍ଡ ମଧ୍ୟ ଗସ୍ତ ବାତିଲ କରି ପାକିସ୍ତାନକୁ ବଡ ଝଟକା ଦେଇଥିଲା ।
ପାକିସ୍ତାନ ବିପକ୍ଷରେ ସିରିଜ ଖେଳିବାକୁ ଘୋଷଣା କରି ଅଷ୍ଟ୍ରେଲିଆ ସମସ୍ତଙ୍କୁ ଚକିତ କରିଥିଲା । ପାଖାପାଖି ୨୪ ବର୍ଷ ପରେ ଦ୍ୱିପାକ୍ଷିକ ସିରିଜ ଖେଳିବାକୁ ପାକିସ୍ତାନ ଯିବ ଅଷ୍ଟ୍ରେଲିଆ । ୧୯୯୮ରେ ଶେଷଥର ପାଇଁ ଦ୍ୱିପାକ୍ଷିକ ସିରିଜ ପାଇଁ ପାକିସ୍ତାନ ଗସ୍ତରେ ଯାଇଥିଲା ଅଷ୍ଟ୍ରେଲିଆ । ସବୁଠୁ ବଡ କଥା ହେଉଛି, ପାକିସ୍ତାନ ଗସ୍ତରେ ମ୍ୟାକ୍ସୱେଲ ଦଳରେ ସାମିଲ ନ ହୋଇପାରନ୍ତି । କାରଣ ଯେଉଁ ସମୟରେ ପାକିସ୍ତାନ ଗସ୍ତରେ ଅଷ୍ଟ୍ରେଲିଆ ଯିବ ସେହି ସମୟରେ ମ୍ୟାକ୍ସୱେଲଙ୍କ ବାହାଘର ହୋଇପାରେ । ବିନି ରମଣଙ୍କ ସହ ମ୍ୟାକ୍ସୱେଲଙ୍କର ବିବାହ ହେବାକୁ ଯାଉଛି । କରୋନା କାରଣରୁ ବାରମ୍ବାର ମ୍ୟାକ୍ସୱେଲଙ୍କ ବାହାଘର ଘୁଞ୍ଚି ଘୁଞ୍ଚି ଯାଉଛି ।