ଇଂଲଣ୍ଡ ସହ ଆସେସ୍ ସିରିଜ୍ ପୂୂର୍ବରୁ ଅଷ୍ଟ୍ରେଲିଆକୁ ବଡ ଝଟକା । ଟେଷ୍ଟ ଦଳର ଅଧିନାୟକ ପଦ ଛାଡିଲେ ଟିମ୍ ପେନ୍ ।
କନକ ବ୍ୟୁରୋ: ଇଂଲଣ୍ଡ ସହ ଆସେସ୍ ସିରିଜ୍ ଆରମ୍ଭ ହେବା ପୂର୍ବରୁ ଅଷ୍ଟ୍ରେଲିଆ ଟିମକୁ ଲାଗିଛି ବଡ ଝଟକା । ଦଳର ଅଧିନାୟକ ଟିମ୍ ପେନ୍ ନିଜ ପଦରୁ ଇସ୍ତଫା ଦେଇ ଦେଇଛନ୍ତି । ଶୁକ୍ରବାର ସାମ୍ବାଦିକ ସମ୍ମିଳନୀ କରି ଅଷ୍ଟ୍ରେଲୀୟ ଖେଳାଳି ଟିମ୍ ପେନ୍ ଦଳର ଟେଷ୍ଟ ଅଧିନାୟକ ପଦରୁ ଇସ୍ତଫା ଦେଇଛନ୍ତି । ତେବେ ତାଙ୍କର ଇସ୍ତଫା ପଛରେ ଏକ ବଡ କାରଣ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଟିମ୍ ପେନ୍ ଅଷ୍ଟ୍ରେଲିଆ ଟେଷ୍ଟ ଟିମର କ୍ୟାପଟେନ୍ ପଦ ଛାଡିବା ପଛରେ ଏକ ଅଶ୍ଲୀଳ ସ୍କାଣ୍ଡାଲ ହିଁ ପ୍ରମୁଖ କାରଣ ସାଜିଛି । ଟିମ୍ ପେନ୍ ୨୦୧୭ରେ କ୍ରିକେଟ ତସ୍ମାନିଆର ଜଣେ କର୍ମଚାରୀଙ୍କୁ ଅଶ୍ଲୀଳ ଫଟୋ ଛାଡିବା ଓ ଅଶ୍ଲୀଳ ମେସେଜ ପଠାଇଥିବା ନେଇ ଅଭିଯୋଗ ଆସିଛିି । ତେବେ ଏହାପୂର୍ବରୁ ତାଙ୍କୁ ଏହି ମାମଲାରେ କ୍ଲିନ୍ ଚିଟ୍ ମିଳିଥିଲେ ମଧ୍ୟ, ଏବେ ଏହି ମାମଲା ପୁଣିଥରେ ସାମ୍ନାକୁ ଆସିଥିବାରୁ ଟିମ୍ ପେନ୍ ଏପରି ନିଷ୍ପତ୍ତି ନେଇଛନ୍ତି । ଏବଂ ଠିକ୍ ଆସେସ୍ ସିରିଜ ପୂର୍ବରୁ ଟିମ୍ ପେନ ଅଷ୍ଟ୍ରେଲିଆ ଦଳର ଅଧିନାୟକ ପଦ ଛାଡିବାକୁ ବାଧ୍ୟ ହୋଇଛନ୍ତି ।
JUST IN: Tim Paine stands down as captain of the Australian Men’s Test team…
More to come… #Ashes
— cricket.com.au (@cricketcomau) November 19, 2021
ସାମ୍ବାଦିକ ସମ୍ମିଳନୀ କରି ପେନ୍ କହିଛନ୍ତି, ସେ ଆଜି ଅଷ୍ଟ୍ରେଲିଆ ପୁରୁଷ କ୍ରିକେଟ ଦଳର ଅଧିନାୟକ ପଦ ଛାଡୁଛନ୍ତି । ଏହା ତାଙ୍କ ପାଇଁ ଏକ କଠିନ ନିଷ୍ପତ୍ତି । ତେବେ ତାଙ୍କ ପରିବାର ଓ କ୍ରିକେଟ୍ ଅଷ୍ଟ୍ରେଲିଆ ପାଇଁ ଏହା ସଠିକ୍ ନିଷ୍ପତ୍ତି ବୋଲି ପେନ୍ କହିଛନ୍ତି । ତେବେ ୪ ବର୍ଷ ତଳେ ସେ ସେହି ମହିଳାଙ୍କୁ ଟେକ୍ସଟ୍ ମେସେଜ କରିଥିଲେ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଖାଲି ସେତିକି ନୁହେଁ, ସେ ଏହି ଘଟଣା ପାଇଁ ପୂର୍ବରୁ କ୍ଷମା ମାଗିଛନ୍ତି ଏବଂ ଆଜି ମଧ୍ୟ କ୍ଷମା ମାଗୁଛନ୍ତି ବୋଲି କହିଛନ୍ତି । ତାଙ୍କ ପତ୍ନୀ ଓ ପରିବାର ସହ ମଧ୍ୟ ସେ ଏହି ସମ୍ଭନ୍ଧରେ କଥା ହୋଇସାରିଛନ୍ତି ବୋଲି ସାମ୍ବାଦିକ ସମ୍ମିଳନୀରେ ଟିମ୍ ପେନ୍ ସୂଚନା ଦେଇଛନ୍ତି । ତେବେ ଆଗାମୀ ଆସେସ୍ ସିରିଜରେ ସେ ଅଷ୍ଟ୍ରେଲିଆ ଦଳର କ୍ୟାପଟେନ୍ ନରହିଲେ ମଧ୍ୟ ଖେଳାଳି ଭାବେ ଦଳରେ ରହିବେ ବୋଲି କୁହାଯାଇଛି ।
ରିପୋର୍ଟ ମୁତାବକ, କ୍ରିକେଟ୍ ତସ୍ମାନିଆର ଜଣେ ମହିଳା କର୍ମଚାରୀ ଦାବି କରିଛନ୍ତି ଯେ, ଟିମ୍ ପେନ୍ ତାଙ୍କୁ ଅଶ୍ଲୀଳ ମେସେଜ ଓ ଫଟୋ ସେଣ୍ଡ କରିଥିଲେ । ଏବେ ଏହି ଘଟଣା ପୁଣି ସାମ୍ନାକୁ ଆସିଥିବାରୁ ଟିମ୍ ପେନ୍ କ୍ରିକେଟ୍ ଅଷ୍ଟ୍ରେଲିଆର ଅଧିନାୟକ ପଦରୁ ଇସ୍ତଫା ଦେଇଛନ୍ତି । ଯାହାକି ଆସେସ୍ ସିରିଜ୍ ପୂର୍ବରୁ ଅଷ୍ଟ୍ରେଲିଆ ଦଳ ପାଇଁ ଏକ ବଡ ଝଟକା କୁହାଯାଉଛି ।