କନକ ବ୍ୟୁରୋ : ପ୍ରଧାନମନ୍ତ୍ରୀ ମୋଦୀ ବାରଣାସୀରେ ପହଞ୍ଚି କାଶୀ ବିଶ୍ୱନାଥ ଧାମରେ ପୂଜାର୍ଚ୍ଚନା କରିଛନ୍ତି । ଏହାସହ ଏକ ଜନସଭାକୁ ସମ୍ବୋଧିତ କରି ମୋଦୀ କହିଛନ୍ତି, ବିଶ୍ୱନାଥ ଧାମର ଲୋକାର୍ପଣ ସମୟରେ ମୋ ମୃତ୍ୟୁର କାମନା କରାଯାଇଥିଲା । ମୋଦୀ ନାଁ ନନେଇ ବିରୋଧୀଙ୍କ ଉପରେ ବର୍ଷିବା ସହ କହିଛନ୍ତି, ରାଜନୀତି ପାଇଁ କିଛି ଲୋକ ଏତେ ନିମ୍ନସ୍ତରକୁ ଚାଲି ଯାଇଥିଲେ ଯେ, କାଶୀରେ ମୋର ମୃତ୍ୟୁର କାମନା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଭାବବିହ୍ୱଳ ହୋଇ ମୋଦୀ କହିଥିଲେ ଯେ, ବିରୋଧୀ ଯେତେବେଳେ ଏଭଳି କାମନା କରିଥିଲେ ସେତେବେଳେ ମୁଁ ବହୁତ ଖୁସି ହୋଇଥିଲି । କାରଣ ମୋ ମନରେ ଯାହା ଇଚ୍ଛା ଥିଲା ତାହାକୁ ପୂରା କରିବାକୁ ମୋ ବିରୋଧୀ କାମନା କରୁଥିଲେ । ଯଦି କାଶୀବାସୀଙ୍କ ସେବା କରୁ କରୁ ଜୀବନ ଚାଲିଯାଏ ତେବେ ଏହାଠାରୁ ଆଉ ଭଲ କଣ ବା ହୋଇପାରିବ । ମୋର ମୃତ୍ୟୁ ପର୍ଯ୍ୟନ୍ତ ନା କାଶୀ ମୋତେ ଛାଡିବ ନା କାଶୀର ଲୋକ ମୋତେ ଛାଡିବେ ।
We have seen how much people have stooped low in Indian politics but when in Kashi prayers for my death were done, I felt elated. This meant that till my death neither I will leave Kashi nor its people will leave me: PM Narendra Modi at a rally in Varanasi, Uttar Pradesh pic.twitter.com/bwlFRxeCoh
— ANI UP/Uttarakhand (@ANINewsUP) February 27, 2022
ମୋଦୀ ବିଜେପି କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରି କହିଛନ୍ତି ବନାରସ ହେଉଛି ଜୀବନ୍ତ ସହର । ପରିବାରବାଦରେ ବିଶ୍ୱାସ କରୁଥିବା ଲୋକ ଏହାକୁ ବୁଝିପାରିବେନି । କାରଣ ଏହିଠାରୁ ହିଁ ମୁକ୍ତିର ମାର୍ଗ ଖୋଲିଥାଏ । ଏହାପୂର୍ବରୁ କାଶୀ ବିଶ୍ୱନାଥ ଧାମର ଲୋକାର୍ପଣ ଉତ୍ସବ ସମୟରେ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ କହିଥିଲେ ଯେ, ଶେଷ ସମୟରେ ଲୋକେ କାଶୀରେ ରହିବା ଉଚିତ୍ । ଅଖିଳେଶଙ୍କ ଏଭଳି ବୟାନର ଜବାବ ଆଜି ପରୋକ୍ଷରେ ଦେଇଛନ୍ତି ପ୍ରଧାନମନ୍ତ୍ରୀ ମୋଦୀ ।