ପଟିଆଲା ହାଉସକୋର୍ଟର ରାୟକୁ ଚ୍ୟାଲେଞ୍ଜ କଲା ତିହାର ଜେଲ୍ । ସେପଟେ ରାଜକ୍ଷମା ଆବେଦନ କଲା ଦୋଷୀ ଅକ୍ଷୟ ଠାକୁର, ବିନୟର ଆବେଦନକୁ ଖାରଜ କଲେ ରାଷ୍ଟ୍ରପତି ।
କନକ ବ୍ୟୁରୋ : ନିର୍ଭୟା ଗଣଦୁଷ୍କର୍ମ ଘଟଣାରେ ଦୋଷୀ ବିନୟର ରାଜକ୍ଷମା ଆବେଦନ ଖାରଜ ହେବା ପରେ ଏବେ ଅନ୍ୟତମ ଦୋଷୀ ଅକ୍ଷୟ ଠାକୁର ରାଜକ୍ଷମା ଆବେଦନ କରିଛି । ସେପଟେ ଫେବ୍ରୁଆରୀ ୧ତାରିଖ ଫାଶୀ ତାରିଖ ଉପରେ ରହିତାଦେଶ ଲଗାଇଥିବା ପଟିଆଲା ହାଉସ କୋର୍ଟଙ୍କ ରାୟକୁ ଚ୍ୟାଲେଞ୍ଜ କରି ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ତିହାର ଜେଲ କର୍ତ୍ତୃପକ୍ଷ ।
Kanak News is now on WhatsApp
Join and get latest news updates delivered to you via WhatsApp
ନିର୍ଭୟା ଗଣଦୁଷ୍କର୍ମ ଘଟଣାରେ ଦୋଷୀ ବିନୟର ରାଜକ୍ଷମା ଆବେଦନ ଖାରଜ ହେବା ପରେ ଏବେ ଅନ୍ୟତମ ଦୋଷୀ ଅକ୍ଷୟ ଠାକୁର ରାଜକ୍ଷମା ଆବେଦନ କରିଛି । ତିହାର ଜେଲରେ ଫାଶୀ ଅପେକ୍ଷାରେ ଥିବା ଅକ୍ଷୟ ଠାକୁର ଫାଶୀରୁ ବର୍ତିବାକୁ ଶେଷ ବାଟ ଆପଣାଇଛି । ଏହି କ୍ରମରେ ସେ ରାଷ୍ଟ୍ରପତିଙ୍କ ନିକଟରେ ରାଜକ୍ଷମା ଆବେଦନ କରିଛି ।
ଅପରପକ୍ଷରେ ବିନୟ ଶର୍ମାଙ୍କୁ ଏହି ମାମଲାରେ ବଡ ଝଟକା ଲାଗିଛି । ବିନୟର ରାଜକ୍ଷମା ଆବେଦନକୁ ଖାରଜ କରିଦେଇଛନ୍ତି ରାଷ୍ଟ୍ରପତି । ପୂର୍ବରୁ ଦୋଷୀ ମୁକେଶର ରାଜକ୍ଷମା ମଧ୍ୟ ଖାରଜ ହୋଇସାରିଛି । ସେ ରାଷ୍ଟ୍ରପତିଙ୍କ ରାଜକ୍ଷମା ଆବେଦନକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଛି । ଏବେ ବିନୟ ପାଖରେ ମଧ୍ୟ ଏହି ଗୋଟିଏ ବିକଳ୍ପ ବାକି ରହିଛି । ବିନୟ ମଧ୍ୟ ସୁପ୍ରିମକୋର୍ଟରେ ରାଜକ୍ଷମା ଆବେଦନକୁ ଚ୍ୟାଲେଞ୍ଜ କରିପାରିବ । ଘଟଣାର ଅନ୍ୟତମ ଦୋଷୀ ପୱନ କୁମାର ନିକଟରେ ରାଜକ୍ଷମା ଓ କ୍ୟୁରେଟିଭ ପିଟିସନ ଦାଖଲ କରିବାର ଦୁଇଟି ବିକଳ୍ପ ଏବେ ମଧ୍ୟ ରହିଛି ।
ଫେବ୍ରୁଆରୀ ୧ ତାରିଖ ଅର୍ଥାତ ଆଜି ପାଇଁ ପୂର୍ବରୁ ପଟିଆଲା ହାଉସ କୋର୍ଟ ଡେଥ ୱାରେଂଟ ଜାରି କରିଥିଲେ । ତେବେ ନିଜେ ଜାରି କରିଥିବା ଡେଥ ୱାରେଂଟ୍ ଉପରେ ଶୁକ୍ରବାର ରୋକ ଲଗାଇଥିଲେ ଦିଲ୍ଲୀ ପଟିଆଲା ହାଉସ କୋର୍ଟ । କୋର୍ଟରେ ଦୋଷୀଙ୍କ ଆବେଦନ ଲମ୍ବି ଥିବା ଯୋଗୁଁ ଫେବ୍ରୁଆରୀ ୧ରେ ଫାଶୀ ଦିଆଯାଇପାରିବ ନାହିଁ ବୋଲି କୋର୍ଟ କହିଥିଲେ । ଦେଶର ନ୍ୟାୟ ବ୍ୟବସ୍ଥାରେ ଥିବା ଗଳାବାଟକୁ ବ୍ୟବହାର କରି ବାରମ୍ବାର ଫାଶୀ ତାରିଖ ଗଡାଇ ଚାଲିଛନ୍ତି ନିର୍ଭୟା ଦୋଷୀ ।