ଏବେ ଓଡିଶାରେ ରହିବ ‘ସୁନ୍ଦରୀ’ । ମଧ୍ୟପ୍ରଦେଶ କାହ୍ନା ଅଭୟାରଣ୍ୟରେ ଅଛନ୍ତି ଆଉ ୨ଟି ବାଘ । ଦୁଇ ବାଘଙ୍କ ଅନ୍ୟତ୍ର ସ୍ଥାନାନ୍ତର ପରେ ‘ବାଘୁଣୀ’କୁ କରାଯିବ ସ୍ଥାନାନ୍ତର
ଚିଫ ୱାଇଲ୍ଡଲାଇଫ ୱାର୍ଡ଼ନ ହରିଶଙ୍କର ଉପାଧ୍ୟାୟଙ୍କ ସୂଚନା
କନକ ବ୍ୟୁରୋ: ଏବେ ଓଡିଶା ଛାଡିବନି ‘ସୁନ୍ଦରୀ’ । ଓଡିଶାରେ ରହିବ ବାଘୁଣୀ ସୁନ୍ଦରୀ । ତେବେ ମଧ୍ୟପ୍ରଦେଶ କାହ୍ନା ବ୍ୟାଘ୍ର ଅଭାୟରଣ୍ୟର ଘୋରେଲାରେ ବର୍ତ୍ତମାନ ଅନ୍ୟ ଦୁଇଟି ବାଘ ଅଛନ୍ତି । ତେଣୁ ସେମାନଙ୍କୁ ଅନ୍ୟତ୍ର ସ୍ଥାନାନ୍ତର ପରେ ସୁନ୍ଦରୀକୁ ସ୍ଥାନାନ୍ତରିତ କରାଯିବ ବୋଲି କହିଛନ୍ତି ଚିଫ୍ ୱାଇଲ୍ଡ ଲାଇଫ୍ ୱାଡେନ ହରିଶଙ୍କର ଉପାଧ୍ୟାୟ ।
Kanak News is now on WhatsApp
Join and get latest news updates delivered to you via WhatsApp
ମଣିଷ ମାରିବା ଅଭିଯୋଗରେ ନିୟମ ଉଲ୍ଲଘଂନ କରି ସୁନ୍ଦରୀକୁ ବର୍ଷାଧିକ କାଳ ଛୋଟ ଏନକ୍ଲୋଜରରେ ବନ୍ଦୀ କରି ରଖାଯାଇଥିବା ଭଳି ରାଜ୍ୟ ବନ ବିଭାଗର ଚରମ ଅବହେଳା ପାଇଁ ବ୍ୟାଘ୍ର ସ୍ଥାନାନ୍ତରଣ ପ୍ରକଳ୍ପକୁ ବନ୍ଦ କରିଦେଇଥିଲା ଏନଟିସିଏ । ବଡ କଥା ହେଉଛି, ସାତକୋଶିଆ ବ୍ୟାଘ୍ର ଅଭୟାରଣ୍ୟର ଏନକ୍ଲୋଜରରେ ବନ୍ଦୀ ଥିବା ବାଘୁଣୀ ସୁନ୍ଦରୀକୁ ମଧ୍ୟପ୍ରଦେଶକୁ ଫେରାଇନିଆଯିବାକୁ ଚାଲିଥିଲା ଯୋଜନା ।
ଆଉ ତୁରନ୍ତ ଏହି ବାଘୁଣୀକୁ କାହ୍ନା ଅଭୟାରଣ୍ୟର ଘୋରେଲା କେନ୍ଦ୍ରକୁ ନେବା ପାଇଁ କଡା ଚିଠି ମଧ୍ୟ ଲେଖି ଜଣାଇଥିଲା ଏନଟିସିଏ । ତେବେ କାହ୍ନା ଅଭୟାରଣ୍ୟରେ ବର୍ତ୍ତମାନ ଦୁଇଟି ବାଘ ରହିଥିବା ବେଳେ ସେମାନଙ୍କୁ ଅନ୍ୟତ୍ର ସ୍ଥାନାନ୍ତର କରାଯିବ ପରେ ଯାଇ ସୁନ୍ଦରୀକୁ ସ୍ଥାନାନ୍ତରିତ କରାଯିବ ବୋଲି ଆଜି ଚିଫ ୱାଇଲ୍ଡଲାଇଫ ୱାର୍ଡ଼ନ ହରିଶଙ୍କର ଉପାଧ୍ୟାୟ ସୂଚନା ଦେଇଛନ୍ତି ।