ମାଲକାନଗିରିରେ କଲରାପତରିଆ ବାଘ ଆତଙ୍କ : ମୋଶନ ସେନସର କ୍ୟାମେରାରେ କଏଦ ହେଲା କଲରାପତରିଆ
ମାଲକାନଗିରି : ଗାଁ ରେ ବୁଲୁଛି କଲରା ପତରିଆ ବାଘ । କଥା ଟା ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ସୁଦ୍ଧା ସତ । ରାତିରେ ଗାଁରେ କଲରା ପତରିଆ ବାଘ ବୁଲିବା ଯୋଗୁଁ ଲୋକେ ଆତଙ୍କିତ ହୋଇପଡିଛନ୍ତି । ମାଲକାନଗିରି ଜିଲ୍ଲାର ଗୋବିନ୍ଦପାଲି ଘାଟି ମଝିରେ ଥିବା ଡକରିଯୋଡି ଗାଁ ମାସେ ହେବ ବାଘ ଆତଙ୍କ ଲାଗି ରହିଛି । ପ୍ରତିଦିନ ରାତିରେ ବାଘ ଗର୍ଜନ ଶୁଭୁଥିବା କହୁଛନ୍ତି ସ୍ଥାନୀୟ ବାସିନ୍ଦା । ଏନେଇ ଜଙ୍ଗଲ ବିଭାଗ ଜାଣିବା ପରେ ଜଙ୍ଗଲରେ କ୍ୟାମେରା ଲଗାଯାଇଛି । ତେବେ ବାଘଟିକୁ ଠାବ କରିବାରେ ସଫଳ ହୋଇଛି ଜଙ୍ଗଲ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ମୋଶନ ସେନସର କ୍ୟାମେରା ଉତୋଳନ ହୋଇଥିବା ଫଟୋରୁ ସ୍ପଷ୍ଟ ହେଉଛି ଏହା ଏକ ଶକ୍ତିଶାଳି କଲରା ପତରିଆ ବାଘ । କଲରା ପତରିଆ ବାଘ ଗାଁ ସମେତ ଆଖ ପାଖ ଜଙ୍ଗଲରେ ବୁଲୁ ଥିବା ବେଳେ ଡୋକକ୍ରି ଯୋଡି ଓ ଏହାର ଆଖ ପାଖ ଗାଁ ଲୋକଙ୍କ ନିଦ ହଜି ଯାଇଛି । ପିଲା ଛୁଆ ଓ ଗାଇ ଗୋରୁଙ୍କୁ ନେଇ କିପରି ସୁରକ୍ଷିତ ରହିବେ ସେ ନେଇ ଚିନ୍ତାରେ ଅଛନ୍ତି । କେବଳ ଗୋଟିଏ ନୁହଁ ଆହୁରି କିଛି କଲରା ପତରିଆ ବାଘ ଛୁଆ ଗାଁ ଆଖ ପାଖ ଜଙ୍ଗଲରେ ଥିବା ଅନୁମାନ କରୁଛି ବନ ବିଭାଗ । ଉଭୟ ଗ୍ରାମବାସୀ ଓ କଲପତରିଆ ବାଘକୁ କିପରି ସୁରକ୍ଷିତ ରଖା ଯିବ ସେ ନେଇ ଚିନ୍ତାରେ ବନ ବିଭାଗ ।
ଏହା ସହ ଦେଖନ୍ତୁ ଏହି ଭିଡିଓ –