କନକ ବ୍ୟୁରୋ: ଲୋକସଭା ନିର୍ବାଚନର ଫଳାଫଳ ପାଖାପାଖି ସ୍ପଷ୍ଟ ହୋଇସାରିଛି । ଏହା ମଧ୍ୟରେ ମୁମ୍ବାଇ ଉତ୍ତର ପଶ୍ଚିମ ଲୋକସଭା ସିଟରୁ ଶିବସେନାରୁ (ଏକନାଥ ସିନ୍ଦେଙ୍କ ଦଳ) ପ୍ରାର୍ଥୀ ହୋଇଥିବା ରବୀନ୍ଦ୍ର ବାୟକର ହୋଇଛନ୍ତି ବିଜୟୀ । କିନ୍ତୁ ତାଙ୍କ ବିଜୟ ଭାରି ରୋଚକ । କାରଣ ଶେଷ ଦିନରେ ବାୟକରଙ୍କୁ ମିଳିଥିଲା ଟିକେଟ୍ । ତାଙ୍କ ପାଖରେ ପ୍ରଚାର କରିବାକୁ ଥିଲା ମାତ୍ର ୧୩ ଦିନ । ସେହି ୧୩ ଦିନରେ ନିଜର ପାରୁ ପର୍ଯ୍ୟନ୍ତ ଲୋକଙ୍କ ପାଖକୁ ଯାଇ ଭୋଟ ଅପିଲ କରିଥିଲେ । ହେଲେ ତାଙ୍କର ଦୃଢ ମନୋବଳ ତାଙ୍କୁ ସବୁବେଳେ ବିଜୟର ଆଶା ଦେଇଥିଲା ଯାହା ସତ ହୋଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ନିଜ ପ୍ରତିଦ୍ୱନ୍ଦ୍ୱିଙ୍କଠାରୁ ମାତ୍ରେ ୪୮ ଖଣ୍ଡ ଭୋଟରେ ବିଜୟ ପାଇଛନ୍ତି ରବିନ୍ଦ୍ର ବାୟକର, ଯାହା ୨୦୨୪ ଲୋକସଭା ନିର୍ବାଚନରେ ମହାରାଷ୍ଟ୍ରରେ ସବୁଠାରୁ ସର୍ବନିମ୍ନ ମାର୍ଜିନ । ନିର୍ବାଚନ କମିଶନଙ୍କ ଆକଳନ ମୁତାବକ, ବାୟକର ମୁମ୍ବାଇ ଉତ୍ତର ପଶ୍ଚିମ ଲୋକସଭା ଆସନରୁ ୪ ଲକ୍ଷ ୫୨ ହଜାର ୬୪୪ ଖଣ୍ଡ ଭୋଟ ପାଇଛନ୍ତି । , ତାଙ୍କ ପ୍ରତିଦ୍ୱନ୍ଦ୍ୱି (ଶିବସେନା ଦଳ) ଅମୋଲ କାର୍ତ୍ତିକରଙ୍କୁ ୪ ଲକ୍ଷ ୫୨ ହଜାର ୫୯୬ ଖଣ୍ଡ ଭୋଟ ମିଳିଛି ।
ନିଜ ପ୍ରତିଦ୍ୱନ୍ଦ୍ୱିଙ୍କଠାରୁ ମାତ୍ର ୪୮ ଖଣ୍ଡ ଭୋଟରେ ବିଜୟ ପାଇଥିବା ବାୟକର କହିଛନ୍ତି, ‘ଲୋକତନ୍ତ୍ରରେ ଗୋଟିଏ ବି ଭୋଟ ମୂଲ୍ୟବାନ୍ । କାରଣ ଏହି ଗୋଟିଏ ଭୋଟ ପାଇଁ ବାଜପେୟୀ ସରକାର ଭାଙ୍ଗିଯାଇଥିଲା । ମୁଁ କହିଥିଲି ଲଢିବି ଜିତିବି, ଏବଂ ଦେଶର ସେବା କରିବି । ଭଗବାନ ମୋତେ ବାଟ ଦେଖାଇବେ । ଯଦି ଜିତିଛି ତାହେଲେ ଭଲ କାମ କରିବାର ଅଛି’ ।