ଚେନ୍ନାଇ ରେଳମଣ୍ଡଳରେ ଆଦାୟ ହେଲା କୋଟି କୋଟି ଟଙ୍କାର ଜରିମାନା। ୩ ଅଧିକାରୀଙ୍କୁ ସମ୍ବର୍ଦ୍ଧିତ କଲା ରେଳ ବିଭାଗ।
କନକ ବ୍ୟୁରୋ: ଟ୍ରେନରେ ଯିବାବେଳେ ଆପଣ ଦେଖିଥିବେ ଯେ ଯାତ୍ରୀମାନେ ବିନା ଟିକଟରେ ଯାତ୍ରା କରିଥାନ୍ତି । ବିଶେଷ କରି ନିକଟ ଷ୍ଟେସନକୁ ଯିବା ବେଳେ ଅନେକ ଲୋକ ଏହିଭଳି କରିଥାନ୍ତି । ଅନେକ ଥର ସେମାନେ ଜାଣିଶୁଣି ମଧ୍ୟ ଏଭଳି କରିଥାନ୍ତି । ତେବେ ଆପଣଙ୍କୁ କହିରଖିବାକୁ ଚାହୁଁବି ଯେ ଦେଶର ଗୋଟିଏ ରାଜ୍ୟ ଏଭଳି ଏକ ରେକର୍ଡ କରିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେବ । ଏଠାରେ ତିନିଜଣ ଟିକେଟ ଯାଞ୍ଚ କରୁଥିବା ଅଧିକାରୀ କୋଟି କୋଟି ଟଙ୍କାର ଜରିମାନା ଆଦାୟ କରିଛନ୍ତି । ଏ ସମସ୍ତ ଅଧିକାରୀଙ୍କୁ ଏଥିପାଇଁ ବିଭାଗ ତରଫରୁ ସମ୍ବର୍ଦ୍ଧିତ ମଧ୍ୟ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଚେନ୍ନାଇ ଡିଭିଜନରେ ଟ୍ରେନରେ ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ଠାରୁ ଜରିମାନା ଆଦାୟ କରୁଥିବା ଅଧିକାରୀଙ୍କ ରେକର୍ଡ । ଏସମସ୍ତ ଅଧିକାରୀ ପାଖପାଖି ଏକ କୋଟି ଟଙ୍କାର ଜରିମାନା ଆଦାୟ କରିଛନ୍ତି । ବିନା ଟିକେଟରେ ଯାଉଥିବା ଯାତ୍ରୀଙ୍କୁ ଧରିବା ସହ ସେମାନଙ୍କ ଠାରୁ ଏତେ ପରିମାଣର ଫାଇନ ଆଦାୟ କରିଛନ୍ତି । ଚେନ୍ନାଇ ଡିଭିଜନର ରେଳ ଅଧିକାରୀ ଏସ. ନନ୍ଦ କୁମାର ବିନା ଟିକେଟରେ ଯାତ୍ରା କରୁଥିବା ୨୭, ୭୮୭ ଯାତ୍ରୀଙ୍କ ଠାରୁ ୧.୫୫ କୋଟି ଟଙ୍କାର ଜରିମାନା ଅଦାୟ କରି ରେକର୍ଡ କରିଛନ୍ତି । ଚେନ୍ନାଇ ଡିଭିଜନରେ ମେଲ, ଏକ୍ସପ୍ରେସ, ସୁଫରଫାଷ୍ଟ ସହ ସମସ୍ତ ଟ୍ରେନରେ ଯାଞ୍ଚ କରାଯାଇଥିଲା । ବିଭାଗର ୩ ଯାଞ୍ଚ ଅଧିକାରୀ ୨୦୨୨-୨୩ ଆର୍ଥିକ ବର୍ଷରେ ଏକ କୋଟି ଟଙ୍କାରୁ ଅଧିକର ଜରିମାନା ଆଦାୟ କରିଛନ୍ତି । ନନ୍ଦ କୁମାରଙ୍କୁ ତାଙ୍କର ଏହି କାମ ପାଇଁ ପୁରସ୍କୃତ କରାଯାଇଛି । କେବଳ ନନ୍ଦ କୁମାର ନୁହନ୍ତି ଟିକେଟ ଇନସପେକ୍ଟର ସକ୍ତିୱେଲ ଜେକି ୧.୧୦ କୋଟି ଟଙ୍କାର ଜରିମାନା ଆଦାୟ କରିଛନ୍ତି । ତାଙ୍କ ପରେ ଇନସପେକ୍ଟର ରୋଜାଲିନ ଅରୋକିଆ ମେରୀ ୧.୦୩କୋଟିର ଜରିମାନା ଆଦାୟ କରିଛନ୍ତି ।