ବିଷାକ୍ତ ଛତୁ ଖାଇ ଗୋଟିଏ ପରିବାରର ୩ ଗୁରୁତର । ଉମରକୋଟର ଘଟଣା ।

କନକ ବ୍ୟୁରୋ: ବିଷାକ୍ତ ଜଙ୍ଗଲି ଛତୁ ଖାଇ ଗୋଟିଏ ପରିବାରର ତିନି ଜଣ ଗୁରୁତର। ନବରଙ୍ଗପୁର ଉମରକୋଟ କୁର୍ଷୀ ପଞ୍ଚୟତ କୁନାପପାଣି ଗାଁରେ ଏହି ଘଟଣା ଘଟିଛି। ମା’ ଓ ଦୁଇ ନାବାଳିକା ଗୁରୁତର ହୋଇଛନ୍ତି। ଜଙ୍ଗଲରୁ ଆଣିଥିବା ଛତୁ ଓ ଘରେ ପାଳ ଗଦାରେ ଫୁଟିଥିବା ଛତକୁ ମିଶାଇ ରାନ୍ଧି ଖାଇଥିଲେ। ଖାଇବାର କିଛି ସମୟ ପରେ ମା’ ହିରାମଣିଙ୍କୁ ଝାଡା ଓ ବାନ୍ତି ହୋଇଥିଲା। ଏହା ପରେ ଦୁଇ ଝିଅଙ୍କୁ ବାନ୍ତି ହୋଇଥିଲା। ସମସ୍ତଙ୍କୁ ଉମରକୋଟ ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି।