ମାଓବାଦୀ ନାଁରେ ନିଜ କମ୍ପାନୀର ଏଚ୍ଆର ମୁଖ୍ୟଙ୍କୁ ଧମକଦେବା ପଡ଼ିଲା ମହଙ୍ଗା, ଯୁବକ ଗିରଫ
ଚିଠି ସହ ଧମକପୂର୍ଣ୍ଣ କଲ କରି କରୁଥିଲେ ବ୍ଲାକମେଲିଂ
କନକ ବୁରୋ : ମାଓବାଦୀ ନାଁରେ ନିଜ କମ୍ପାନୀର ସାଇଡ୍ ଇନଚାର୍ଜ ଓ ଏଚ୍ଆର ମୁଖ୍ୟଙ୍କୁ ଧମକପୂର୍ଣ୍ଣ କଲ କରିବା ଓ ରେଜେଷ୍ଟ୍ରି ପୋଷ୍ଟ ମାଧ୍ୟମରେ ଧମକପୂର୍ଣ୍ଣ ଚିଠି ଦେଇ ପୁଲିସହାତରେ ଧରାପଡ଼ଛନ୍ତି ଘରୋଇ କମ୍ପାନୀର କର୍ମଚାରୀ । ଗିରଫ ଯୁବକ ହେଲେ ଯୁଧିଷ୍ଠିର ପ୍ରଧାନ । ସେ ବେଦାନ୍ତ କାରଖାନାରେ ଠିକା କାମ କରୁଥିବା ସିମେନ୍ସ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ରେ ଫିଟର ଭାବରେ କାର୍ଯ୍ୟ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ, ଜୁଲାଇ ୨୯ ତାରିଖରେ ସିମେନ୍ସ ଇଣ୍ଡିଆ ପ୍ରାଇଭେଟ ଲିମିଟେଡ୍ କମ୍ପାନୀର ସାଇଡ୍ ଇନଚାର୍ଜ ଅବତୁର ଖାନଙ୍କ ପାଖକୁ ରେଜେଷ୍ଟ୍ରି ପୋଷ୍ଟରେ ଏକ ଚିଠି ଆସିଥିଲା । ଏହି ଚିଠିଟି ପଶ୍ଚିମ ଓଡ଼ିଶା ମାଓବାଦୀ ସଂଗଠନ ନାଁରେ ଆସିଥିଲେ । ଏଥିରେ କମ୍ପାନୀରେ କାମକରୁଥିବା ପଶ୍ଚିମ ଓଡ଼ିଶାର ଯୁବକମାନଙ୍କୁ ବିଭିନ୍ନସୁବିଧା ସୁଯୋଗ ଯୋଗାଇ ଦେବାସହ ମାଓ ସଂଗଠନକୁ ଟଙ୍କା ଦେବାକୁ କୁହାଯାଇଥିଲା । ପରେମୋବାଇଲରେ ବାରମ୍ବାର ତାଙ୍କ ପାଖକୁ ଧମକ୍ ଆସୁଥିଲା । ମାଓବାଦୀ ସଂଗଠନକୁ ଟଙ୍କା ନ ଦେଲେ ତାଙ୍କୁ ଜୀବନରେମାରି ଦେବାକୁ ଧମକ ଆସିବାରୁ ଅବତୁର ତାଙ୍କ ପରିବାର ସହ ଗାଁ ସାଲେପୁରକୁ ପଳାଇଥିଲେ ।
ଏହାପରେ ସେହି କମ୍ପାନିର ଏଚ୍ଆର ମୁଖ୍ୟ ରଂଜିତ ମହାପାତ୍ରଙ୍କୁ ସମାନ ମାଓବାଦୀର ପରିଚୟ ଦେଇ ଚିଠି ପଠାଇବା ସହ ଫୋନରେ ଧମକ ଓ ଅର୍ଥ ଦାବି କରାଯାଇଥିଲା । ଏହାକୁ ନ ମାନିଲେ ତାଙ୍କୁ ହତ୍ୟାକରି କଟାମୁଣ୍ଡ ଜଙ୍ଗଲରେ ଫିଙ୍ଗିଦେବେ ବୋଲି ଧମକ ମିଳିଥିଲା । ଏନେଇ ଅବତୁର ଓ ରଂଜିତ ବଡ଼ମାଲ ଥାନାରେ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁକରି ତଦନ୍ତ କରି ଯୁଧିଷ୍ଠିରଙ୍କୁ ଗିରଫ କରିଛି । ଯୁଧିଷ୍ଠିର ନିକଟରୁ ୨ଟି ମୋବାଇଲଫୋନ୍, ଆଧାରକାର୍ଡ, ଡିଏଲ୍, ବେଦାନ୍ତ ଗେଟପାସ୍, ହେମନ୍ତ ଚୌଧୁରୀ ନାମରେ ଥିବାଗୋଟିଏ ଆଧାରକାର୍ଡ଼ ଜବତ ହୋଇଛି ।