ସପ୍ତାହେ ପରେ ବି କାବୁଲ ବିମାନବନ୍ଦର ବାହାରେ ଲକ୍ଷ ଲକ୍ଷ ଲୋକଙ୍କ ଗହଳି । ଦେଶ ଛାଡ଼ିବାକୁ ବ୍ୟସ୍ତ ଆଫଗାନିସ୍ତାନ ବାସିନ୍ଦା ।
କନକ ବ୍ୟୁରୋ: ଏବେ ବି ଜନସମୁଦ୍ର ସାଜିଛି କାବୁଲ ଏୟାରପୋର୍ଟ । ସପ୍ତାହେ ପରେ ବି ବିମାନ ବନ୍ଦରରେ ବାହାରେ ଲକ୍ଷ ଲକ୍ଷ ଲୋକ ଏକାଠି ହୋଇଛନ୍ତି । ଆଫଗାନସ୍ତାନ ଛାଡି ଯିବା ପାଇଁ ଲୋକଙ୍କ ଭିଡ ଜମିଛି । ଆଫଗାନିସ୍ତାନ ବାସିନ୍ଦାଙ୍କ ସହ ଅନ୍ୟ ଦେଶର ଲୋକ ମଧ୍ୟ ଏକାଠି ହୋଇଛନ୍ତି । ବିମାନ ବନ୍ଦରର ତାରବାଡ ବାହାରେ ଯେତିକି, ତାରବାଡ ଭିତରେ ମଧ୍ୟ ସେତିକି ଲୋକଙ୍କ ଭିଡ ଦେଖିବାକୁ ପଡିଛି । ବିମାନରେ ଅନ୍ୟ ଦେଶକୁ ଚାଲି ଯିବା ପାଇଁ ଚାହିଁ ବସିଛନ୍ତି ଆଫଗାନ ବାସିନ୍ଦା ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଅନ୍ୟ ଦେଶର ଲୋକେ ବିମାନ ଧରିବା ପାଇଁ ଦିନ ଦିନ ଧରି ବିମାନ ବନ୍ଦର ଭିତରେ ଓ ବାହାରେ ରହିଛନ୍ତି । ଲୋକଙ୍କ ଗହଳି ଯୋଗୁ ଏୟାରପୋର୍ଟରେ ଛୋଟ ଛୋଟ ରନୱେ କରାଯାଇଛି । ଗୋଟିଏ ପରେ ଗୋଟିଏ ବିମାନକୁ ଛଡାଯାଉଛି । ଆଜି ସକାଳେ ମଧ୍ୟ କାବୁଲ ଏୟାରପୋର୍ଟରୁ ବଡ଼ ଖବର ଆସିଛି । ଭିଡ ନିୟନ୍ତ୍ରଣ ପାଇଁ ତାଲିବାନୀଙ୍କ ପକ୍ଷରୁ ଗୁଳି ଚାଳନା କରାଯାଇଛି । ଦେଶ ଛାଡି ଯିବାକୁ ଚାହୁଁଥିବା ଲୋକଙ୍କୁ ଭୟଭୀତ କରିବା ପାଇଁ ଗୁଳି ମାଡ କରାଯାଉଛି । ବ୍ରିଟିଶ ମିଲିଟାରୀ ପକ୍ଷରୁ ଦିଆଯାଇଥିବା ସୂଚନା ଅନୁସାରେ ତାଲିବାନୀଙ୍କ ଗୁଳି ଚାଳନା ପରେ ଦଳଚକଟା ହୋଇଥିଲା । ଦଳାଚକଟାରେ ପ୍ରାୟ ୭ ଜଣ ଆଫଗାନୀ ନାଗରିକଙ୍କ ମୃତ୍ୟୁ ହୋଇଛି ।
ଆଫଗାନ ସଂକଟ ଭିତରେ ବିଦେଶ ମନ୍ତ୍ରାଳୟ ପକ୍ଷରୁ ଆଫଗାନ ସ୍ପେଶାଲ ସେଲ୍ ତିଆରି କରାଯାଇଛି । ଏହି ସ୍ପେଶାଲ ସେଲକୁ ଗତ ୫ ଦିନ ମଧ୍ୟରେ ୨ ହଜାର ଫେକ୍ କଲା ଆସିଛି । ସେହିପରି ୬ ହଜାରରୁ ଅଧିକ ହ୍ୱାଟସଆପ୍ ମେସେଜ୍ର ଉତ୍ତର ଦିଆଯାଇଛି । ଏହାବାଦ୍ ୧୨ ଶହ ଇ-ମେଲ୍ର ରିପ୍ଲାଇ ମଧ୍ୟ ଦିଆଯାଇଛି ।