ଏମିତି ହେବ ପଞ୍ଚାୟତ ନିର୍ବାଚନ ! ତାରିଣୀଙ୍କ ନାଁରେ କର୍ମୀଙ୍କୁ ଶପଥ ପାଠ କରାଇଲେ ବଦ୍ରି ପାତ୍ରଙ୍କ ପୁଅ ; ସୋସିଆଲ ମିଡିଆରେ ଭିଡିଓ ଭାଇରାଲ
କନକ ବ୍ୟୁରୋ : ପଞ୍ଚାୟତ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ ପ୍ରକ୍ରିୟା ଚାଲିଛି । ଆଉ ଏହି ସମୟରେ ଶେଷ ପର୍ଯ୍ୟାୟ ରଣନୀତି ପ୍ରସ୍ତୁତିରେ ଲାଗିପଡିଛନ୍ତି ରାଜନୈତିକ ଦଳ । ଭୋଟରଙ୍କୁ ଆକୃଷ୍ଟ କରିବା ପାଇଁ କର୍ମୀଙ୍କୁ ଏକାଠି କରି ଦେଉଛନ୍ତି ବିଜୟ ମନ୍ତ୍ର । କିଏ ପାଦୁକା ଛୁଆଇଁ ତ ଆଉ କିଏ ଭୋଗ ଛୁଆଇଁ ଶପଥପାଠ କରାଉଥିବା ଦେଖିବାକୁ ମିଳିଛି । ମୁଁ ସରପଞ୍ଚ…ଦଳ ବିରୋଧୀ କାମ କରିବୁ ନାହିଁ । ବିରୋଧୀଙ୍କ ଚାଲରେ ପଡିବୁ ନାହିଁ । ଏପରି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ପୂର୍ବତନ ମନ୍ତ୍ରୀ ବଦ୍ରି ପାତ୍ରଙ୍କ ପୁଅ କର୍ମୀଙ୍କୁ ମା’ ତାରିଣୀଙ୍କ ନାଁରେ ଶପଥପାଠ କରାଉଥିବାର ଭାଇରାଲ ଭିଡିଓରେ ଦେଖିବାକୁ ମିଳିଛି । ନିର୍ବାଚନରେ ଜିତିଲେ ଦଳର ମୁଖିଆ ଓ ନେତା ବଦ୍ରି ପାତ୍ରଙ୍କ ପ୍ରତି ଆନୁଗତ୍ୟ ପ୍ରକାଶ କରିବା କରିବା ସହ ଶୃଙ୍ଖଳା ଭଙ୍ଗ ନ କରିବାକୁ କର୍ମୀଙ୍କୁ ଶପଥପାଠ କରାଉଛନ୍ତି ପୂର୍ବତନ ମନ୍ତ୍ରୀ ବଦ୍ରି ପାତ୍ରଙ୍କ ପୁଅ । ମା’ ତାରିଣୀଙ୍କ ନାଁରେ ଏହି ଶପଥପାଠ କରାଯାଉଛି । ନିର୍ବାଚନ ମୈଦାନରେ ଥିବା ପ୍ରାର୍ଥୀ ସହ ଉପସ୍ଥିତ କର୍ମୀ ହାତ ଉଠାଇ ଏହି ଶପଥପାଠ କରୁଛନ୍ତି ।