ସାବଧାନ ହୋଇଯାଆନ୍ତୁ ହ୍ୱାଟ୍ସଆପ ବ୍ୟବହାରକାରୀ । ନଚେତ ହୋଇପାରେ ଆପଣଙ୍କ ଡାଟା ଲିକ । ଦେଖନ୍ତୁ କେମିିତି ଆପଣଙ୍କ ତଥ୍ୟ ଚୋରି ହେବାର ରହିଛି ବିପଦ ।
କନକ ବ୍ୟୁରୋ: ସାବଧାନ ହୋଇଯାଆନ୍ତୁ ହ୍ୱାଟ୍ସଆପ ବ୍ୟବହାରକାରୀ । ନଚେତ ହୋଇପାରେ ଆପଣଙ୍କ ଡାଟା ଲିକ । ଆଉ ଆପଣ ପଡିପାରନ୍ତି ଅସୁବିଧାରେ । ଏବେ ଆପଣଙ୍କ ମନରେ ନିଶ୍ଚେ ପ୍ରଶ୍ନ ଆସୁଥିବ, କିପରି ଗୋଟିଏ ପ୍ରଇଭେସି ଆପରୁ ଆମ ଡାଟା ଚୋରି ହେବ । କାରଣ ହ୍ୱାଟ୍ସଆପରେ ଏଣ୍ଟ ଟୁ ଏଣ୍ଟ ଏସକ୍ରିପସନ ରହିଛି ଯାହା ୟୁଜର୍ସଙ୍କ ତଥ୍ୟକୁ ସୁରକ୍ଷିତ ରଖିଥାଏ । ହେଲେ ଏହାପରେ ବି ଡାଟା ଚୋରି ହେବା ଏକ ଅଜବ କଥା ବୋଲି ମନେ ହୁଏ । କିନ୍ତୁ ଏହା ସତ…
Kanak News is now on WhatsApp
Join and get latest news updates delivered to you via WhatsApp
ଅନେକ ସମୟରେ ଏଣ୍ଟ ଟୁ ଏଣ୍ଟ ଏସକ୍ରିପ୍ସନ ଥାଇ ମଧ୍ୟ ଡାଟା ଚୋରି ହେବା ଘଟଣା ସାମ୍ନାକୁ ଆସିଥାଏ । ଅନେକ ସେଲିବ୍ରିଟିଙ୍କ ହ୍ୱାଟ୍ସଆପ ତଥ୍ୟ ଚୋରି ହେବାର ଖବର ମଧ୍ୟ ଆସିଛି । ହେଲେ କେମିତି ? ଏହି ପ୍ରଶ୍ନ ଏବେ ସମସ୍ତଙ୍କ ମନରେ ଉଙ୍କି ମାରୁଛି । ତେବେ ଆସନ୍ତୁ ଜାଣିବା କିପରି ଚୋରି ହୋଇପାରେ ତଥ୍ୟ ।
ଆମେ ହ୍ୱାଟ୍ସଆପରେ କଥା ହେବା ସମୟରେ ସମସ୍ତ ତଥ୍ୟ ଗୁଗୁଲ ଡ୍ରାଇଭକୁ ଯାଇଥାଏ । ଆମେ ନିଜେ ହ୍ୱାଟ୍ସଆପ ଖୋଲିଲା ବେଳେ ନିଜ ଇମେଲ ଆଇଡିକୁ ଏହାସହ ଲିଙ୍କ କରିଥାଉ । ହ୍ୱାଟ୍ସଆପର ଚାଟ ବ୍ୟାକଅପ ସେଟିଙ୍ଗକୁ ଯାଇ ଆପଣ ଏହାକୁ ଦେଖି ପାରିବେ । ଅନେକ ଲୋକ ନିଜ ଚାଟକୁ ଅଟୋ ବ୍ୟାକଅପ କରିଦିଅନ୍ତି । ଯାହାଫଳରେ ପୁରୁଣା ମେସେଜ ଓ ଫଟୋ ଗୁଗୁଲ ଡ୍ରାଇଭକୁ ଚାଲିଯାଏ । ଆଉ ପରେ ଫୋନ ବଦଳାଇଲା ବେଳେ କିମ୍ବା ମେସେଜ ଖୋଜିଲେ ଏହା ସହଜରେ ମିଳିପାରେ ।
ହେଲେ ଏହି ସହଜ ଉପାୟ ହିଁ ତଥ୍ୟ ଲିକର ମୁଖ୍ୟ କାରଣ । ହ୍ୱାଟ୍ସଆପରେ ଏଣ୍ଟ ଟୁ ଏଣ୍ଟ ଏସକ୍ରିପ୍ସନ ରହିଥାଏ ହେଲେ ଗୁଗୁଲ ଡ୍ରାଇଭରେ ନୁହେଁ । ତେଣୁ ଗୁଗୁଲ ଡ୍ରାଇଭରେ ଯାହାବି ଷ୍ଟୋର ହୋଇ ରହୁଛି ତାହା ସୁରକ୍ଷିତ ନୁହେଁ । କାରଣ ଯଦି ଏଭଳି ସ୍ଥିତିରେ ୟୁଜର୍ସଙ୍କ ଇମେଲ ଆଇଡି ହାସଲ କରି ନିଆଯାଏ ତେବେ ଗୁଗୁଲ ଡ୍ରାଇଭରେ ଥିବା ଡାଟା ମଧ୍ୟ ସହଜରେ ଚୋରି ହୋଇଯିବ ।
ଏବେ ଆପଣ ଭାବୁଥିବେ କଣ ଏହି ଏଣ୍ଟ ଟୁ ଏଣ୍ଡ ଏସକ୍ରିପସନ । ଏହି ଏଣ୍ଡ ଟୁ ଏଣ୍ଡ ଏସକ୍ରିପସନ ମାଧ୍ୟମରେ ଆମ ତଥ୍ୟ ସୁରକ୍ଷିତ ରହିଥାଏ । ଏଣ୍ଡ ଟୁ ଏଣ୍ଡ ଏସକ୍ରିପ୍ସନ ଥିଲେ ହ୍ୱାଟ୍ସଆପରେ କଥା ହେବା ବେଳେ ମେସେଜ ପଠାଉଥିବା ଲୋକ ଓ ମେସେଜ ପଢୁଥିବା ଲୋକଙ୍କ ବ୍ୟତୀତ ତୃତୀୟ ଲୋକ ମେସେଜ ଦେଖିପାରନ୍ତିନି । ଆଉ ଏହାଫଳରେ ୟୁଜର୍ସଙ୍କ ଗୋପନୀୟତା ସୁରକ୍ଷିତ ରହିଥାଏ ।
ସବୁଠୁ ଭଲ ଖବର ହେଉଛି ଗୁଗୁଲ ଡ୍ରାଇଭ ମଧ୍ୟ ଏହି ଏଣ୍ଟ ଟୁ ଏଣ୍ଟ ଏସକ୍ରିପ୍ସନରେ କାମ କରୁଛି । ଅର୍ଥାତ ଆଗାମୀ ଦିନରେ ଗୁଗୁଲ ଡ୍ରାଇଭରେ ଡାଟା ମଧ୍ୟ ସୁରକ୍ଷିତ ରହିବ । ତେବେ ସେତେବେଳ ଯାଏଁ ଆମକୁ ଏଭଳି ଡାଟା ଲିକରୁ ବଞ୍ଚିବାକୁ ପଡିବ । ନଚେତ ଆମ ହ୍ୱାଟ୍ସଆପ ଡାଟା ଏଭଳି ଭାବେ ଚୋରି ହେବାର ସମ୍ଭାବନା ରହିଛି ।