ସାଧାରଣ ଜନତାଙ୍କୁ ରେଳବାଇର ଉପହାର : ଜୁଲାଇରୁ ବଦଳିଯିବ ଏହି ବ୍ୟବସ୍ଥା, ମିଳିବ ବିମାନ ଭଳି ଅନୁଭବ ଏବଂ ଆହୁରି ଅନେକ ସୁବିଧା
ରେଳବାଇର ପ୍ରିମିୟମ ଟ୍ରେନ ଗୁଡିକରେ ଜୁଲାଇ ମାସରୁ ଖାଇବାର ମେନ୍ୟୁ ବଦଳିବାକୁ ଯାଉଛି । ପରମ୍ପରାଗତ ରୋଟି, ତରକାରୀ, ଭାତ, ଡାଲି ବଦଳରେ ଉଡାଜାହାଜ ଭଳି ସୀମିତି ମାତ୍ରାରେ ଉଚ୍ଚ ଗୁଣବତ୍ତାଯୁକ୍ତ ଏବଂ ସ୍ୱାଦିଷ୍ଟ ଖାଦ୍ୟ ଦିଆଯିବ । ଏହା ସହିତ ଟ୍ରଲି ସାହାଯ୍ୟରେ ଖାଦ୍ୟ ଯୋଗାଇ ଦିଆଯିବ । ଏହା ବ୍ୟତୀତ ସମସ୍ତ ମେଲ-ଏକ୍ସପ୍ରେସ ଟ୍ରେନରେ ନୂଆ ଡିଜାଇନର ମିନି ପେଣ୍ଟ୍ରି କାର ଲଗାଯିବ । ଏଥିରେ ଷ୍ଟୋରେଜ ଏବଂ ୱାଶିଂଗ ପାଇଁ ପର୍ଯ୍ୟାପ୍ତ ମାତ୍ରାରେ ସ୍ଥାନ ରହିବ । ଟ୍ରେନରେ ଖାଦ୍ୟପାନୀୟ ସେବାର ସମସ୍ତ ଦାୟିତ୍ୱ ଆଇଆରସିଟିସି ନିରୀକ୍ଷକଙ୍କ ହାତରେ ରହିବ ।
Kanak News is now on WhatsApp
Join and get latest news updates delivered to you via WhatsApp
ରେଳବାଇ ବୋର୍ଡର ଅଧ୍ୟକ୍ଷ ଅଶ୍ୱିନୀ ଲୋହାନୀଙ୍କ କହିବାନୁସାରେ, କ୍ୟାଟରିଙ୍ଗ କ୍ଷେତ୍ରରେ ସୁଧାର ଆଣିବା ପାଇଁ ମହତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଜୁଲାଇ ମାସରୁ ଏହି ଟ୍ରେନରେ ଉଡାଜାହାଜ ଭଳି ‘ରେଡି ଟୁ ଇଟ’ ସେବା ଆରମ୍ଭ କରାଯିବ । ଏହା ବ୍ୟତୀତ ଶତାବ୍ଦୀ ଏବଂ ରାଜଧାନୀର ମେନ୍ୟୁରେ ପରିବର୍ତ୍ତନ କରାଯିବ । ଜୁନ ମାସରୁ ସମସ୍ତ ଗରୀବ ରଥ ଟ୍ରେନଗୁଡିକରେ ମିନି ପେଂଟ୍ରି କାର ଲଗାଇବାର କାର୍ଯ୍ୟ ଆରମ୍ଭ ହେବ । ସେଥିପାଇଁ କୋଚରେ ଚାରିଟାରୁ ଗୋଟିଏ ଶୈାଚାଳୟକୁ ହଟାଇ ଦିଆଯିବ । ମେଲ-ଏକ୍ସପ୍ରେସ ଟ୍ରେନରେ ଖାଦ୍ୟପାନୀୟର ଗୁଣବତ୍ତା ବଜାୟ ରଖିବା ପାଇଁ ଆଇଆରସିଟିସିର କ୍ୟାଟରିଙ୍ଗ ନିରୀକ୍ଷକଙ୍କୁ ମୁତୟନ କରାଯିବ । ଠିକାଦାର ମାନେ ପ୍ରତ୍ୟେକ ଟ୍ରେନରେ ପିସଏସ ମେସିନ ବିତରଣ କରିବେ । ମୋଟ ୩ ହଜାର ପିଓଏସ କିଣାଯିବ । ଖାଦ୍ୟପାନୀୟ ବିକ୍ରିର ସାମାନ ପିଓଏସ ଦ୍ୱାରା କରାଯିବ ଏବଂ ଯାତ୍ରୀଙ୍କୁ ଏହାର ବିଲ ବି ଦିଆଯିବ ।
ଆଇଆରସିଟିସିର ସିଏମଡି ଏମ.ପି. ମଲଙ୍କ କହିବାନୁସାରେ, ଦେଶସାରା ମୋଟ ୬୮ଟି ବେସ କିଚେନ ନିର୍ମାଣ କରାଯାଉଛି । ଏହା ମଧ୍ୟରୁ ୧୬ର ନିର୍ମାଣ ପୁରା ହୋଇଯାଇଛି । ଡିସେମ୍ବର ୨୦୧୯ ପର୍ଯ୍ୟନ୍ତ ସମସ୍ତ ବେସ କିଚେନ ନିର୍ମାଣ କାର୍ଯ୍ୟ ସରିଯିବ । ଟ୍ରେନରେ ଭେଣ୍ଡରଙ୍କୁ ୟୁନିଫର୍ମ ଦିଆଯିବ ଓ ୟୁନିଫର୍ମରେ ନେମ ପ୍ଲେଟ ବି ରହିବ ।