ଏମିତି ଦ୍ୱୀପ, ଯେଉଁଠି ଘାସରେ ଘର ତିଆରି କରୁଛନ୍ତି ଲୋକ । ପକ୍କାଘରଠୁ ବି ଅଧିକ ଉପକାରୀ ଏହି ଘର । ଜାଣନ୍ତୁ କେଉଁଠି ଏହି ଦ୍ୱୀପ?
କନକ ବ୍ୟୁରୋ: ମଣିଷକୁ ବଞ୍ଚିବାକୁ ହେଲେ ଖାଦ୍ୟ, ବସ୍ତ୍ର ସହ ବାସଗୃହ ନିହାତି ଆବଶ୍ୟକ । ସେଥିପାଇଁ ଲୋକମାନେ ନିଜ ଘରକୁ ସବୁ ବେଳେ ମଜବୁତ ଭାବରେ ତିଆରି କରନ୍ତି, ଆଉ ଏହାର ଯତ୍ନ ମଧ୍ୟ ନିଅନ୍ତି । ଆଜି ଆମେ ଏମିତି ଏକ ଘର କଥା କହିବୁ ଯାହା ସିମେଣ୍ଟ, ଲୁହାରେ ନୁହେଁ ସମୁଦ୍ର ଘାସରେ ତିଆରି ହୋଇଛି । ଆଉ ଏହି ଘାସରେ ତିଆରି ଘର ବେଶ ମଜବୁତ । ଏହି ଘରେ ଜଙ୍ଗ ମଧ୍ୟ ଲାଗିନଥାଏ । ଆଉ ପ୍ରାକୃତିକ ବିପର୍ଯ୍ୟୟକୁ ମଧ୍ୟ ସାମ୍ନା କରିବାର ଶକ୍ତି ରଖିଛି ଏହି ଘର । ସବୁଠାରୁ ବଡ କଥା ହେଉଛି କି ଏହି ଘରେ ଅକ୍ସିଜେନର ଅଭାବ ଦେଖା ଦେଇ ନଥାଏ ।
Kanak News is now on WhatsApp
Join and get latest news updates delivered to you via WhatsApp
ଡେନମାର୍କର ଲଇସୋ ଦ୍ୱିପରେ ଏଭଳି ଅନେକ ଘର ତିଆରି । ସମୁଦ୍ର ଘାସରେ ଏହି ସବୁ ଘର ତିଆରି ହୋଇଛି । ଏହି ଘର ଅନେକ ବର୍ଷ ଯାଏଁ ମଜବୁତ ହୋଇ ରହିଥାଏ । ଭୂମିକମ୍ପରେ ମଧ୍ୟ ଏହି ଘରର କୌଣସି କ୍ଷତି ହୋଇନଥାଏ । ୧୭ ଶତାବ୍ଧିରୁ ଲୋକମାନେ ଏହି ଘର ତିଆରି ରହି ଆସୁଛନ୍ତି ।
ଲଇସୋ ଦ୍ୱୀପରେ ସମୁଦ୍ରରୁ ଲୁଣ ବାହାର କରି ଲୋକମାନେ ବ୍ୟବସାୟ କରିଥାନ୍ତି । ଏହି ଉଦ୍ୟୋଗକୁ ଆଗକୁ ବଢାଇବା ପାଇଁ ଅନେକ ଗଛ କାଟି ଦିଆଯାଉଛି । ତେଣୁ ଘର ତିଆରି କରିବାକୁ କାଠର ଅଭାବ ରହୁଛି । ସେଥିପାଇଁ ଏଠାରେ ସମୁଦ୍ର ଘାସରେ ଘର ତିଆରି କରାଯାଉଛି ।
ସେହିପରି ସମୁଦ୍ର ମଝିରେ ଘର ହୋଇଥିବାରୁ ଏଠାରେ ଆଉ ସୁବିଧା ମଧ୍ୟ ମିଳିଥାଏ । ଅନେକ ଥର ଏଠାରେ ଜାହାଜ ଦୁର୍ଘଟଣା ହୋଇ କୂଳରେ ଲାଗିଯାଏ । ସେହି ଭଙ୍ଗା ଜାହାଜ ଛାତରେ ଘାସ ରଖି ଘର ମଧ୍ୟ ତିଆରି କରିଥାନ୍ତି ଲୋକମାନେ । ୧୯୨୦ରେ ଏଠାରେ ସମୁଦ୍ର ଘାସରେ ଫଙ୍ଗଲ ଇନଫେକ୍ସନ ହୋଇଥିଲା । ଏହାପରେ ଏଠାରେ ଏହି ଘାସରେ ଘର ତିଆରି କରିବା ବନ୍ଦ କରିଦେଇଥିଲେ । ବର୍ତ୍ତମାନ ୧୮ ଶହ ଲୋକଙ୍କ ଜନସଂଖ୍ୟା ବିଶିଷ୍ଟ ଏହି ଦ୍ୱିପରେ ୩୬ ଏହି ଭଳି ଘର ରହିଛି ।
୨୦୧୨ରୁ ପୁଣି ଏଠାରେ ଏହି ଘାସ ତିଆରି ଘର ଆରମ୍ଭ ହୋଇଛି । ଆଉ ଏହି ଘର ଏଥିପାଇଁ ଖାସ କାରଣ ଏହି ଘରେ ନିଆଁ ଲାଗିନଥାଏ । ଜଙ୍ଗ କି ପୋକ ଜୋକ ମଧ୍ୟ ଲାଗିନଥାଏ । ଆଉ ସବୁଠାରୁ ବଡ କଥା ହେଉଛି କି ଏହି ଘର କାର୍ବନ ଡାଇଅକ୍ସାଇଡକୁ ଶୋଷଣ କରିଥାଏ । ଫଳରେ ଏହି ଘରେ ଅମ୍ଲଜାନର ଅଭାବ ମଧ୍ୟ ପଡିନଥାଏ ।