ରାଜ୍ୟରେ ପ୍ରଥମଥର ପାଇଁ ଭୋଟ୍ ଦେଉଛନ୍ତି ୮ ଲକ୍ଷ ଭୋଟର୍ ! ଯୁବ ଭୋଟର ନିର୍ବାଚନରେ ନେଇପାରନ୍ତି ନିର୍ଣ୍ଣାୟକ ଭୁମିକା

କନକ ବ୍ୟୁରୋ : ପ୍ରଥମ ଥର ପାଇଁ ଭୋଟ୍ ଦେଉଥିବା ଭୋଟରଙ୍କ ହାତରେ ଏବେ ସ୍ମାର୍ଟ ଫୋନ୍ । ଜେନ୍-ଜେଡ୍ ବା ନୂଆ ପିଢ଼ିର ଏହି ଭୋଟର ଏବେ କେବଳ ମେନଷ୍ଟ୍ରିମ ମିଡିଆ ନୁହେଁ, ସୋସିଆଲ୍ ମିଡିଆରେ ଆସୁଥିବା ଖବରକୁ ବି ପରଖୁଛନ୍ତି । ତା’ ଭିତରେ ସେମାନେ ନେଉଛନ୍ତି ନିଷ୍ପତ୍ତି । ଚଳିତ ନିର୍ବାଚନରେ ସୋସିଆଲ୍ ମିଡିଆ ନୂଆ ଭୋଟରଙ୍କ ଉପରେ ଅନେକ ପ୍ରଭାବ ପକାଇବ ବୋଲି ଚର୍ଚ୍ଚା ହେଉଛି ।

ଏହି ନୂଆ ଭୋଟର ଏବେ ଏକ ନିର୍ଣାୟକ ଭୂମିକା ନେଇପାରନ୍ତି । ହାତରେ ସ୍ମାର୍ଟ ଫୋନ୍ ସାଙ୍ଗକୁ ଏମାନେ ଖବର ପାଇଯାଉଛନ୍ତି ସ୍ମାର୍ଟ ଫୋନରେ । କହିବାକୁ ଗଲେ ହାତରେ ରହୁଛିି ଟିଭି । ୧୮ରୁ ୨୫ ବର୍ଷର ଏହି ଭୋଟରମାନେ କେବଳ ମୁଖ୍ୟସ୍ରୋତ ମିଡିଆ ନୁହେଁ, ସୋସିଆଲ ମିଡିଆରୁ ବି ଖବର ପରଖି ଦେଖୁଛନ୍ତି ।

ଭାରତରେ ଏବେ ୪୩ କୋଟି ଲୋକଙ୍କ ହାତରେ ରହିଛି ସ୍ମାର୍ଟ ଫୋନ୍ । ୨୦୧୪ ନିର୍ବାଚନରେ ୫୪୩ଟି ଲୋକସଭା ଆସନରୁ ମାତ୍ର ୫ ପ୍ରତିଶତ ଭୋଟ୍ ବ୍ୟବଧାନରେ ଜିତିଥିଲେ ୯୨ ସାଂସଦ । ଜେନ୍-ଜେଡରେ ଏହି ଭୋଟରଙ୍କ ସଂଖ୍ୟା ହେଉଛି ଦେଶର ମୋଟ ଭୋଟରଙ୍କର ୯ ପ୍ରତିଶତ । ତେଣୁ ଏମାନେ ଯେ ଭୋଟରେ ଏକ ନିର୍ଣାୟକ ଭୂମିକା ନେବେ ତାହା ଅସ୍ୱୀକାର କରିହେବ ନାହିଁ ।

ପ୍ରଥମ ଥର ପାଇଁ ଭୋଟ୍ ଦେଉଥିବା ଭୋଟରଙ୍କ ହାତରେ ଏବେ ସ୍ମାର୍ଟ ଫୋନ୍ । ଜେନ୍-ଜେଡ୍ ବା ନୂଆ ପିଢ଼ିର ଏହି ଭୋଟର ଏବେ କେବଳ ମେନଷ୍ଟ୍ରିମ ମିଡିଆ ନୁହେଁ, ସୋସିଆଲ୍ ମିଡିଆରେ ଆସୁଥିବା ଖବରକୁ ବି ପରଖୁଛନ୍ତି । ତା’ ଭିତରେ ସେମାନେ ନେଉଛନ୍ତି ନିଷ୍ପତ୍ତି । ଚଳିତ ନିର୍ବାଚନରେ ସୋସିଆଲ୍ ମିଡିଆ ନୂଆ ଭୋଟରଙ୍କ ଉପରେ ଅନେକ ପ୍ରଭାବ ପକାଇବ ବୋଲି ଚର୍ଚ୍ଚା ହେଉଛି ।