କନକ ବ୍ୟୁରୋ : ଏପ୍ରିଲରୁ ବିଏସ-୪ ଗାଡି ପଂଜୀକରଣ ବନ୍ଦ । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ରାଜ୍ୟରେ ଆସନ୍ତା ଏପ୍ରିଲ ପହିଲାରୁ ବିଏସ-୪ ଗାଡି ପଂଜୀକରଣ ବନ୍ଦ କରିଦିଆଯାଇଛି । ପରିବେଶ ପ୍ରଦୂଷଣକୁ ଦୃଷ୍ଟିରେ ରଖି ଏଭଳି ନିଷ୍ପତି ନିଆଯାଇଛି । ଏପ୍ରିଲ ପହିଲା ପରେ ବଜାରକୁ ବିଏସ-୬ ଗାଡି ଆସିବ । ତେଣୁ ମାର୍ଚ୍ଚ ୩୧ ପରେ ଗାଡି କିଣିବା ବେଳେ ସତର୍କ ହୋଇ ଗାଡି କିଣିବାକୁ ପରିବହନ ବିଭାଗ ପରାମର୍ଶ ଦେଇଛି । କାରଣ ଏପ୍ରିଲ ପହିଲାରୁ ଆଉ ବିଏସ-୪ ଗାଡି ପଂଜୀକରଣ ହୋଇପାରିବ ନାହିଁ । ବର୍ତମାନ ରାସ୍ତାରେ ଗଡୁଥିବା ପ୍ରାୟ ୨ ଚକିଆ ଓ ଚାରି ଚକିଆ ଯାନ ଗୁଡିକ ବିଏସ୍-୪ ମଡେଲର ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଏହି ଯାନ ଗୁଡିକ ଦ୍ୱାରା ଅଧିକ ପ୍ରଦୂଷଣ ହେବାରୁ ଏହି ଗାଡିକୁ ବନ୍ଦ କରିିବା ଲାଗି କେନ୍ଦ୍ର ସରକାର ନିଷ୍ପତି ନେଇଥିଲେ । ଏଥିପାଇଁ ସମସ୍ତ ଗାଡି କମ୍ପାନୀଗୁଡିକୁ ଚଳିତ ବର୍ଷ ସେପ୍ଟେମ୍ବର ୩ ତାରିଖ ପର୍ଯ୍ୟନ୍ତ ବିକ୍ରି ଲାଗି ସମୟ ଦିଆଯାଇଥିଲା । ଏହା ବିରୋଧରେ କିଛି ଗାଡି ମାଲିକ ସୁପ୍ରିମକୋର୍ଟଙ୍କ ଦ୍ୱାରସ୍ତ ହୋଇଥିଲେ । ସୁପ୍ରିମକୋର୍ଟ ଶୁଣାଣି କରି ସମୟସୀମା ମାର୍ଚ୍ଚ ୩୧ ଯାଏ ବଢାଇଥିଲେ ।