କନକ ବ୍ୟୁରୋ: ରାତି ପାହିଲେ ୧୯ ମହାଯୁଦ୍ଧର ତୃତୀୟ ବିଗ୍ ଫାଇଟ୍ । ସମର ସଜ୍ଜା କରି ନିଜ ନିଜ କ୍ଷେତ୍ରରେ ପ୍ରସ୍ତୁତ ରହିଛନ୍ତି ସିପାହୀ । ଜନତା ଜନାର୍ଦ୍ଦନଙ୍କ ସାଥ୍ ପାଇଲେ ବିଜୟ ଧ୍ୱଜା ଉଡ଼ାବେ ବୋଲି ରଣନୀତି ପ୍ରସ୍ତୁତ କରିଛନ୍ତି ପ୍ରତିଦ୍ୱନ୍ଦିଙ୍କ ସୁପ୍ରିମୋ । ଆସନ୍ତା କାଲି ୬ ଗୋଟି ସଂସଦୀୟ କ୍ଷେତ୍ର ଯଥା, ସମ୍ବଲପୁର, କେଉଁଝର, ଢେଙ୍କାନାଳ, କଟକ, ପୁରୀ ଓ ଭୁବନେଶ୍ୱର ସହ ଏହା ଅଧୀନସ୍ଥ ୪୨ ଗୋଟି ବିଧାନସଭା ଆସନରେ ହେବ ତୃତୀୟ ପର୍ୟ୍ୟାୟ ବ୍ୟାଟେଲ୍ । ଆଉ ଜନତା ଜନାର୍ଦ୍ଦନ ନିଜ ନିଜ କ୍ଷେତ୍ର ପାଇଁ ସିପାହୀଙ୍କୁ ବାଛିବା ପାଇଁ ମତଦାନ ମୈଦାନକୁ ଓହ୍ଲାଇବେ ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତାକାଲିର ତୃତୀୟ ପର୍ଯ୍ୟାୟ ମହାଲଢ଼େଇରେ ୬ଟି ସଂସଦୀ କ୍ଷେତ୍ର ପାଇଁ ପ୍ରମୁଖ ଦଳର ୬୧ ଜଣ ପ୍ରାର୍ଥୀ ନିଜର ଭାଗ୍ୟ ପରୀକ୍ଷା କରିବେ । ଆଉ ସେମାନଙ୍କ ମଧ୍ୟରେ ୫୫ ଜଣ ପୁରୁଷ ଓ ୬ ଜଣ ମହିଳା ପ୍ରାର୍ଥୀ । ଏହି ନିର୍ବାଚନରେ ୬୧ ଜଣ ପ୍ରାର୍ଥୀଙ୍କ ମଧ୍ୟରୁ ୧୯ ଜଣ ଜାତୀୟ ଦଳର, ୬ ଜଣ ରାଜ୍ୟସ୍ତରୀୟ ଦଳର, ୨୭ ଜଣ ଅନ୍ୟାନ୍ୟ ଦଳର ହୋଇଥିବାବେଳେ ୯ ଜଣ ସ୍ୱାଧୀନ ପ୍ରାର୍ଥୀ ନିର୍ବାଚନରେ ପ୍ରତିପକ୍ଷଭାବେ ସାମ୍ନାସାମ୍ନି ହେବେ ।
ସେହିଭଳି ସଂସଦୀୟ କ୍ଷେତ୍ରକୁ ସୁରକ୍ଷା ଦେବାପାଇଁ ୪୨ଟି ବିଧାନସଭା ଗଡ଼ରେ ସାମ୍ନାସାମ୍ନି ହେବେ ୩୫୬ ଜଣ ପ୍ରାର୍ଥୀ । ଆଉ ସେମାନଙ୍କ ମଧ୍ୟରେ ୩୧୮ ଜଣ ପୁରୁଷ, ୩୭ ଜଣ ମହିଳା ଓ ଜଣେ ତୃତୀୟ ଲିଙ୍ଗ ପ୍ରାର୍ଥୀ ଅଛନ୍ତି । ଏହି ନିର୍ବାଚନରେ ୩୫୬ ଜଣ ପ୍ରାର୍ଥୀଙ୍କ ମଧ୍ୟରୁ ୧୨୧ ଜଣ ଜାତୀୟ ଦଳର, ୪୨ ଜଣ ରାଜ୍ୟସ୍ତରୀୟ ଦଳର, ୯୦ ଜଣ ଅନ୍ୟାନ୍ୟ ଦଳର ହୋଇଥିବାବେଳେ ୧୦୩ ଜଣ ସ୍ୱାଧୀନ ପ୍ରାର୍ଥୀ ରହିଛନ୍ତି ।
ଅନ୍ୟପଟେ ଆସନ୍ତାକାଲିର ତୃତୀୟ ପର୍ଯ୍ୟାୟ ଫାଇଟ୍ ୧୦,୪୬୪ ବୁଥରେ ୪୭ଲକ୍ଷ ୯୯ ହଜାର ୩୦ ଜଣ ପୁରୁଷ ଭୋଟର, ୪୪ଲକ୍ଷ ୫୬ହଜାର ୭୨୯ ଜଣ ମହିଳା ଭୋଟର ଓ ୧୧୬୩ ଜଣ ତୃତୀୟ ଲିଙ୍ଗ ଭୋଟରଙ୍କୁ ମିଶାଇ ମୋଟ ୯୨ ଲକ୍ଷ ୫୬ ହଜାର ୯୨୨ ଜଣ ଭୋଟର ସେମାନଙ୍କର ମତଦାନ ସାବ୍ୟସ୍ତ କରିବେ । ଆଉ ୨୦୧୯ କୁରୁକ୍ଷେତ୍ରରେ ନିଜ ନିଜ ଅଞ୍ଚଳର ସିପାହୀଙ୍କୁ ବାଛିବେ ଜନତା ।