ପୁରୀର ନେତା ହେବ କିଏ ? ତୃତୀୟ ପର୍ଯ୍ୟାୟ ନିର୍ବାଚନରେ କେଉଁ ନେତା ମନ ଜିତିବେ ଜନତାଙ୍କର

କନକ ବ୍ୟୁରୋ : ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ରହିଛି । ଚଳିତ ପର୍ଯ୍ୟାୟରେ ରାଜ୍ୟରେ ମୋଟ ୬ ଲୋକସଭା ଓ ୪୨ ବିଧାନସଭା ନିର୍ବାଚନମଣ୍ଡଳୀରେ ଭୋଟ ହେଉଛି । ତେବେ ପୁରୀ ଆସନ ଉପରେ ସମସ୍ତଙ୍କ ନଜର ରହିଛି । ଚଳିତଥର ବିଜେଡି ନିଜର ପୁରୁଣା ନେତା ପିନାକୀ ମିଶ୍ରଙ୍କୁ ପୁଣି ଥରେ ମୈଦାନକୁ ଓହ୍ଲାଇଥିବା ବେଳେ ବିଜେପି ନିଜର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କୁ ପ୍ରାର୍ଥୀ କରିଛି । ତେବେ କଂଗ୍ରେସ ମଧ୍ୟ ପଛରେ ନାହିଁ, ଦଳ ପୁରୀରେ ଏଥର ସତ୍ୟ ପ୍ରକାଶ ନାୟକଙ୍କୁ ପ୍ରାର୍ଥୀ କରିଛି । ତିନି ଦଳର ନେତାମାନେ ଅନେକ ଦିନ ତଳୁ ହିଁ ପୁରୀରେ ଲୋକମାନଙ୍କ ସହ ମିଶିବା ସହ ନିଜକୁ ଆଶୀର୍ବାଦ ଦେବା ପାଇଁ କହୁଥିଲେ । ତେବେ ଆଜିର ନିର୍ବାଚନରେ ଭୋଟର ନିଜର ନେତା ବାଛିବେ । କିଏ ସେମାନଙ୍କ ପ୍ରିୟ ନେତା ସେହି ପ୍ରାର୍ଥୀଙ୍କୁ ହିଁ ସେମାନେ ଭୋଟ ଦେବେ । କେବଳ ଅପେକ୍ଷା ରହିଛି ମେ’ ୨୩ କୁ । ସେହିଦିନ ହିଁ ଜଣାପଡିବ ପୁରୀ ଭୋଟ କାହାକୁ ନିଜର ନେତା ବାଛୁଛନ୍ତି ।

ପୁରୀ ଲୋକସଭା ନିର୍ବାଚନମଣ୍ଡଳୀ

୨୦୧୪ର ଲଢେଇ

– ମୈଦାନରେ ଥିଲେ ମୋଟ ୭ ପ୍ରାର୍ଥୀ

– ମୋଟ ଭୋଟର ସଂଖ୍ୟା – ୧୪ ଲକ୍ଷ ୨ ହଜାର ୩୦୮

– ମତ ଦେଇଥିଲେ – ୧୦ ଲକ୍ଷ ୩୯ ହଜାର ୪୮୭

– ଭୋଟଦାନ ହାର – ୭୪.୦୧%

୨୦୧୪ର ଫଳାଫଳ

ପ୍ରାର୍ଥୀ ଦଳ ଭୋଟ ପ୍ରତିଶତ ଫଳାଫଳ

ପୀନାକି ମିଶ୍ର ବିଜେଡି       ୫୨୩୧୬୧ ୫୦.୩୩% ବିଜୟୀ

ସୁଚରିତା ମହାନ୍ତି କଂଗ୍ରେସ ୨୫୯୮୦୦ ୨୫.୦୦% ପରାସ୍ତ

ଅଶୋକ ସାହୁ ବିଜେପି ୨୧୫୭୬୩ ୨୦.୭୬% ପରାସ୍ତ

କିଏ ମାରିଥିଲା ବାଜି?

– ବିଜେଡିର ପୀନାକି ମିଶ୍ର ନିର୍ବାଚନ ଜିତିଥିଲେ

– ୫ ଲକ୍ଷ ୨୩ ହଜାର ୧୬୧ ଖଣ୍ଡ ଭୋଟ ପାଇଥିଲେ ବିଜେଡି ପ୍ରାର୍ଥୀ

– କଂଗ୍ରେସ ପ୍ରାର୍ଥୀ ସୁଚରିତା ମହାନ୍ତିଙ୍କୁ ପରାସ୍ତ କରିଥିଲେ

– ୨ ଲକ୍ଷ ୬୩ ହଜାର ୩୬୧ ଭୋଟ ବ୍ୟବଧାନରେ ବିଜୟୀ ହୋଇଥିଲେ

– ୪ ଜଣ ପ୍ରାର୍ଥୀ ଅମାନତ୍ ହରାଇଥିଲେ

୨୦୧୯ର ଲଢେଇ

ବିଜେଡି: ପୀନାକି ମିଶ୍ର

କଂଗ୍ରେସ: ସତ୍ୟପ୍ରକାଶ ନାୟକ

ବିଜେପି: ସମ୍ବିତ ପାତ୍ର

୨୦୧୯–ବିଜେଡି: ପୀନାକି ମିଶ୍ର

– ୩ଥର ସାଂସଦ

– ୧୯୯୬ରେ କଂଗ୍ରେସରୁ ସାଂସଦ

– ୨୦୦୯ ଏବଂ ୨୦୧୪ରେ ବିଜେଡିରୁ ସାଂସଦ

– ସୁପ୍ରିମକୋର୍ଟ ଆଇନଜୀବୀ

୨୦୧୯– କଂଗ୍ରେସ: ସତ୍ୟପ୍ରକାଶ ନାୟକ

– କଂଗ୍ରେସର ନୂଆ ଚେହେରା

– ରାଜ୍ୟ କଂଗ୍ରେସ ମିଡିଆ ସେଲ୍ ଅଧ୍ୟକ୍ଷ

– ପରିଚିତ ସାମ୍ବାଦିକ

– ପ୍ରଥମଥର ନିର୍ବାଚନ ଲଢୁଛନ୍ତି

୨୦୧୯–ବିଜେପି: ସମ୍ବିତ ପାତ୍ର

– ଡାକ୍ତରରୁ ରାଜନୀତି

– ବିଜେପିର ଜାତୀୟ ମୁଖପାତ୍ର

– ଟିଭି ଡିବେଟ୍ର ଚର୍ଚ୍ଚିତ ବ୍ୟକ୍ତି

– ପ୍ରଥମଥର ଲୋକସଭା ପ୍ରାର୍ଥୀ

ନିର୍ବାଚନ ମଣ୍ଡଳୀ ତଥ୍ୟ

– ପୁରୀ, ବ୍ରହ୍ମଗିରି, ସତ୍ୟବାଦୀ, ପିପିଲି, ଚିଲିକା, ରଣପୁର, ନୟାଗଡକୁ ନେଇ ପୁରୀ ଲୋକସଭା ନିର୍ବାଚନ ମଣ୍ଡଳୀ

– ବ୍ରହ୍ମଗିରି, ପୁରୀ, ପିପିଲି, ରଣପୁର, ନୟାଗଡ ବିଜେଡି ଦଖଲରେ ରହିଛି ।

– ସତ୍ୟବାଦୀରେ ସ୍ୱାଧୀନ ପ୍ରାର୍ଥୀ ବିଜୟୀ ହୋଇଥିଲେ ।

– ଚିଲିକା ବିଜେପି ଦଖଲରେ ରହିଛି ।

– ୧୯୫୧ରେ ଗଠନ ହୋଇଥିଲା ନିର୍ବାଚନମଣ୍ଡଳୀ

– ପୀନାକି ମିଶ୍ର ୩ଥର ସାଂସଦ ( ଥରେ କଂଗ୍ରେସ, ୨ଥର ବିଜେଡି )

– ବ୍ରଜକିଶୋର ତ୍ରିପାଠୀ ୪ଥର ସାଂସଦ