ମୋଟୁ ଥାନାରେ ୨ ଯୁବକଙ୍କୁ ଥାର୍ଡ ଡିଗ୍ରୀ ଘଟଣା । ଏସଆଇଙ୍କ ବଦଳି କଲେ ଏସପି ।
କନକ ବ୍ୟୁରୋ: ମାଲକାନିଗିରି ମୋଟୁ ଥାନାରେ ଅଭିଯୁକ୍ତଙ୍କୁ ଥାର୍ଡ ଡିଗ୍ରୀ ମାମଲା । ଏସଆଇ ସୋମନାଥ ଦଳବେହେରାଙ୍କର ହେଲା ବଦଳି । ସୋମନାଥଙ୍କୁ ସଦର ମହକୁମା ପୋଲିସ ମୁଖ୍ୟାଳୟକୁ ବଦଳି କରିଛନ୍ତି ଏସପି । ତେବେ ଚୋରି ମାମଲାରେ ଅଭିଯୁକ୍ତଙ୍କୁ ୪ ଦିନ ଥାନାରେ ମାଡ ମରାଯାଇଥିବା ନେଇ ଅଭିଯୋଗ ହୋଇଥିଲା । ଏହାପରେ ସମ୍ପୃକ୍ତ ଏଏସଆଇଙ୍କୁ ବଦଳି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସମ୍ପୂର୍ଣ୍ଣ ଘଟଣା ଥିଲା କିଛି ଏପରି, ମାଲକାନଗିରି ମୋଟୁ ଥାନା ଅନ୍ତର୍ଗତ ଏମପିଭି ୮୨ ଗାଁରେ ଏକ ଚୋରି ଘଟଣାକୁ କେନ୍ଦ୍ର କରି ଗତ ବୁଧବାର ଦିନ ଖାପ ପଞ୍ଚାୟତ ବସିଥିଲା । ୨ ଯୁବକ ବିପ୍ଳବ ହାଲଦାର ଓ ବିଶ୍ୱଜିତ ବିଶ୍ୱାସଙ୍କୁ କୋଟପାଡ ଓ ଆନ୍ଧ୍ରରେ ଦାଦନ ଖଟୁଥିବା ବେଳେ ସେମାନଙ୍କୁ ଡାକି ଖାପ ପଞ୍ଚାୟତରେ ହାଜର କରାଯାଇଥିଲା । ଖାପ ପଞ୍ଚାୟତରେ ମାମଲାର ସମାଧାନ ନହେବାରୁ ପୁଲିସକୁ ଖବର ଦେଇଥିଲେ ଗାଁର ବଡପଣ୍ଡାମାନେ । ବଡବଡିଆଙ୍କୁ କଥା ଶୁଣି ପୁଲିସ ଗତ ଗୁରୁବାର ଦିନ ସକାଳୁ ୨ ଯୁବକଙ୍କୁ ମୋଟୁ ଥାନାକୁ ୪ ରାତି ନିସ୍ତୁକ ମାଡ ମାରିବା ସହ ମୁଣ୍ଡପିଛା ୫୦ ହଜାର ଟଙ୍କା ଦାବି କରିଥିବା ଅଭିଯୋଗ ହୋଇଛି ।
ଅନ୍ୟପଟେ ବିନା କୌଣସି ଏଫଆଇଆରରେ ୨ ଜଣ ଯୁବକଙ୍କୁ କାହିଁକି ୪ ଦିନ ଥାନାରେ ଅଟକ ରଖି ନିର୍ଯାତନା ଦିଆଗଲା ବୋଲି ପଚରାଯାଇଥିବା ପ୍ରଶ୍ନର ଅଜବ ଉତ୍ତର ରଖିଛନ୍ତି ମୋଟୁ ଆଇଆଇସି । ଗାଁ ଲୋକ ମାଡ ମାରୁ ଥିବା ବେଳେ ପୋଲିସ ଉଦ୍ଧାର କରିଥିବା କହିଛନ୍ତି ମୋଟୁ ଆଇଆଇସି ଅଶୋକ ବିଶୋଇ ।