ବିଶ୍ୱ କ୍ଷୁଧା ସୂଚକାଙ୍କକୁ ନେଇ ଚିନ୍ତା କଲା ଭଳି ରିପୋର୍ଟ: ୯୪ରୁ ୧୦୧କୁ ଖସିଆସିଲା ଭାରତ
କନକ ବ୍ୟୁରୋ: ଆମ ଦେଶରେ କେତେ ଲୋକ ଭୋକିଲା ଅଛନ୍ତି ଏବଂ ଏ କ୍ଷେତ୍ରରେ ଆମ ଦେଶର ସ୍ଥିତି କଣ, ସେନେଇ ବିଶ୍ୱ କ୍ଷୁଧା ସୂଚକାଙ୍କ ଆମକୁ ଆଇନା ଦେଖାଇଛି । ଏହି ରିପୋର୍ଟ ଯାହା କହୁଛି, ତାହା ଆପଣ ବିଶ୍ୱାସ କରିପାରିବେ ନାହିଁ । ରିପୋର୍ଟରେ କୁହାଯାଇଛି, ଏହି କ୍ଷୁଧା ସୂଚକାଙ୍କରେ ଆମ ଦେଶ ପାକିସ୍ତାନ, ବାଂଲାଦେଶ ଓ ନେପାଳ ଠାରୁ ବି ପଛରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଆୟରଲ୍ୟାଣ୍ଡର ସର୍ବେକ୍ଷଣ ସଂସ୍ଥା ‘କନ୍ସର୍ନ ୱାଲ୍ଡ ୱାଇଡ’ ଏବଂ ଜର୍ମାନୀର ‘ୱେଲ୍ଟ ହଙ୍ଗର ହିଲ୍ଫେ’ ତରଫରୁ କରାଯାଇଥିବା ଗ୍ଲୋବାଲ ହଙ୍ଗର ଇନ୍ଡେକ୍ସ ଅର୍ଥାତ୍ ବିଶ୍ୱ କ୍ଷୁଧା ସୂଚକାଙ୍କରେ ଯେଉଁ ତଥ୍ୟ ସାମ୍ନାକୁ ଆସିଛି ତାହା ଅତ୍ୟନ୍ତ ଚିନ୍ତାଜନକ । ଆମେ ଅନେକ ସମୟରେ ଦେଶ କେତେ ଆଗକୁ ଯାଇଛି, କେତେ ପ୍ରଗତି କରିଛି ତାକୁ ନେଇ ଚର୍ଚ୍ଚା କରୁ ଏବଂ ଗର୍ବ ଅନୁଭବ କରୁ । କିନ୍ତୁ ଏହି ରିପୋର୍ଟ ଆମକୁ ଆଇନା ଦେଖାଇ ଦେଇଛି ।
– ୨୦୨୧ରେ ଭାରତର ବିଶ୍ୱ କ୍ଷୁଧା ସୂଚକାଙ୍କ ରହିଛି ୨୭.୫
– ଭାରତ ପଛରେ କେବଳ ଆଫଗାନିସ୍ତାନ, ନାଇଜେରିଆ, କଙ୍ଗୋ, ସୋମାଲିଆ ଭଳି ୧୫ଟି ଦେଶ ରହିଛି
– କ୍ଷୁଧା ସୂଚକାଙ୍କ ୫ ତଳେ ୧୮ ଦେଶ ରହିଛି
– ଚୀନ, ବ୍ରାଜିଲ୍ ଓ କୁଏତ ଭଳି ୧୮ଟି ଦେଶର ସୂଚକାଙ୍କ ୫ ତଳେ ରହିଛି
– ଭାରତର ସ୍ଥିତିକୁ ‘ଆଲାର୍ମିଂ’ ଅର୍ଥାତ୍ ଚିନ୍ତାଜନକ ବୋଲି କୁହାଯାଇଛି
– ବିଶ୍ୱ କ୍ଷୁଧା ସୂଚକାଙ୍କ ୪ଟି ମାପଦଣ୍ଡ ଉପରେ ନିର୍ଦ୍ଧାରଣ କରାଯାଏ ।
– ୫ ବର୍ଷରୁ କମ ପିଲାର ଉଚ୍ଚତା ଅନୁସାରେ କମ ଓଜନ
– ୫ ବର୍ଷରୁ କମ୍ ପିଲାର ବୟସ ଅନୁସାରେ କମ ଉଚ୍ଚତା
– ୫ ବର୍ଷରୁ କମ୍ ପିଲାର ମୃତ୍ୟୁହାର ଏବଂ ଅପପୃଷ୍ଟି
ଉଚ୍ଚତା ଅନୁସାରେ ୫ ବର୍ଷରୁ କମ୍ ବୟସର ପିଲାଙ୍କ ଓଜନ ଆମ ଦେଶରେ ଏକ ଚିନ୍ତାଜନକ ବିଷୟ । ୧୯୯୮ରେ ଏହା ୧୭ ଦଶମିକ ୧ ଥିବା ବେଳେ ୨୦୨୦ରେ ଏହା ୧୭ ଦଶମିକ ୩ ରହିଛି । ରିପୋର୍ଟରେ କୁହାଯାଇଛି, ଉଚତା ଅନୁସାରେ କମ୍ ଓଜନ ଭଳି ଅପପୃଷ୍ଟି ଆମ ଦେଶରେ ସବୁଠୁ ଅଧିକ । ଏ କ୍ଷେତ୍ରରେ ସାରା ବିଶ୍ୱରେ ଭାରତ ସବୁଠାରୁ ପଛରେ । ରିପୋର୍ଟରେ ଆହୁରି ମଧ୍ୟ କୁହାଯାଇଛି, କରୋନା ମହାମାରୀ ଏହି ସମସ୍ୟାକୁ ଆହୁରି ବଢାଇ ଦେଇଛି ।