ପୋଲିସ ଗାଡିକୁ ଧକ୍କା ଦେଲା ଚୋରଙ୍କ ଟ୍ରକ୍ । ଡିଜେଲ୍ ଚୋରୀ ଅଭିଯୋଗରେ ଟ୍ରକକୁ ପିଛା କରୁଥିଲା ପୋଲିସ ଭ୍ୟାନ୍ ।
କନକ ବ୍ୟୁରୋ: ପୋଲିସ ଗାଡିକୁ ଧକ୍କା ଦେଲା ଚୋରଙ୍କ ଟ୍ରକ । ଡିଜେଲ୍ ଚୋରୀ ଅଭିଯୋଗରେ ଟ୍ରକକୁ ପିଛା କରୁଥିବା ପୋଲିସ ଗାଡିକୁ ଧକ୍କା ଦେଇଛି ଟ୍ରକ । ଦୁର୍ବୃତ୍ତମାନେ ଟ୍ରକ ଚଢାଇ ଦେବାକୁ ଉଦ୍ୟମ କରୁଥିବା ବେଳେ ଗଞ୍ଜାମ ଖଲ୍ଲିକୋଟ ଥାନା ଭେଜିପୁଟ ଫାଣ୍ଡି ପୁଲିସ ଅଳ୍ପକେ ବର୍ତ୍ତି ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଦୀର୍ଘ ଦିନ ହେଲା ୧୬ ନମ୍ବର ଜାତୀୟ ରାଜପଥ ଟୋଲଗେଟ୍ ଠାରେ ଦୁର୍ବୃତ୍ତମାନେ ଟ୍ରକରେ ଆସି ଡିଜେଲ ଚୋରୀ କରୁଥିବା ଅଭିଯୋଗ ହୋଇଥାଏ । ସେହି ଅଭିଯୋଗ ତଦନ୍ତ ପାଇଁ ଖଲ୍ଲିକୋଟ ଓ ରମ୍ଭା ପୁଲିସ ସେମାନଙ୍କ ପିଛା କରୁଥିଲେ । ଗତକାଲି ରାତିରେ ପୁଲିସ ଟୋଲଗେଟ୍ ପାଖରେ ଦୁର୍ବୃତଙ୍କ ପିଛା କରୁଥିବା ବେଳେ ଦୁର୍ବୃତମାନେ ପୁଲିସ ଗାଡିକୁ ଆକ୍ରମଣ କରିଥିବା ଅଭିଯୋଗ ହୋଇଛି । ରାତି ପ୍ରାୟ ୩ଟା ବେଳେ ଟ୍ରକ ଚଢାଇ ଦେବାକୁ ଉଦ୍ୟମ କରୁଥିବା ଅଭିଯୋଗ ହୋଇଛି । ପୁଲିସ ଭ୍ୟାନ ଭାଙ୍ଗି ଯାଇଛି ।