କନକ ବ୍ୟୁରୋ: ଠାକୁରଙ୍କ ଗହଣା ଚୋରୀ କରିନେଇଥିଲା ପାଠୁଆ ଚୋର । ହେଲେ ଭୋଗ କରିପାରିଲାନି,୯ ବର୍ଷ ପରେ ଆଣି ଫେରାଇଦେଇଗଲା। ପ୍ରାୟଶ୍ଚିତ୍ତ ପାଇଁ ୧୦୦ ଟଙ୍କା, ଦକ୍ଷିଣା । ବାବଦକୁ ଦେଇଗଲା ୨୦୦ ଟଙ୍କା । ଇଂରାଜୀରେ ଚିଠି ଲେଖି ଥୋଇଦେଇଗଲା ଗହଣା ଜରି । ଏକଥାର ପ୍ରମାଣ ଖୋଦ୍ ଚୋରୀ କରିଥିବା ବ୍ୟକ୍ତି ଜଣକ ଦେଇଛି । ଠାକୁରଙ୍କ ଗହଣା ସିନା ଚୋରୀ କରିନେଲା ହେଲେ ଭୋଗ କରିପାରିଲାନି କି ବିକ୍ରି ମଧ୍ୟ କରିପାରିଲାନି । ତା ସହ ଓ ତା ପରିବାର ନାହିଁନଥିବା ହଇରାଣ ହେଲେ ଦୁଃଖ ପରେ ଦୁଃଖ ମାଡିଆସିଲା । ଏସବୁ ଠାକୁରଙ୍କ ଗହଣା ଚୋରୀ କରିଛି ବୋଲି ଘଟୁଥିବା ଅନୁଭବ କରିବା ପରେ ପଶ୍ଚାତାପ କରିବାକୁ ଯାଇ ଠିକଣା ଜାଗାରେ ଅର୍ଥାତ୍ ମନ୍ଦିର ମାର୍ଫତରେ ଥିବା ବ୍ୟକ୍ତିଙ୍କ ଚଉରା ପାଖରେ ସବୁତକ ଗହଣା ସହ ଇଂରାଜୀରେ ଲେଖା ଚିଠିଟି ଥୋଇଦେଇଗଲା । ତା ସାଙ୍ଗରେ ପାୟଶ୍ଚିତ ପାଇଁ ଠାକୁରଙ୍କ ନାଁରେ ୧୦୦ ଟଙ୍କା ସାଙ୍ଗକୁ ଦକ୍ଷିଣା ବାବାଦକୁ ୨୦୦ ଟଙ୍କା ମଧ୍ୟ ରଖିଦେଇଗଲା । ଏହା ଅଞ୍ଚର୍ଯ୍ୟ ଲାଗୁଥିଲେ ବି ପୁରା ସତ । ଏଭଳି ଘଟଣା ଘଟିଛି ରାଜଧାନୀ ଉପକଣ୍ଠ ଧଉଳି ସ୍ଥିତ ଗୋପୀନାଥପୁର ମନ୍ଦିର ନିକଟରେ ।
Kanak News is now on WhatsApp
Join and get latest news updates delivered to you via WhatsApp
ସ୍ଥାନୀୟ ବାସିନ୍ଦାଙ୍କ କହିବା ମୁତାବକ, ୨୦୧୪ରେ ଶ୍ରୀ ଗୋପୀନାଥଙ୍କ ଠାକୁରଙ୍କ ପାଖରେ ଯଜ୍ଞ ଚାଲିଥିବାବେଳେ ଠାକୁରଙ୍କ ମୁକୁଟ ସହ ରୂପା ଛତି ସବୁକିଛି କେହି ଚୋରୀ କରିନେଇଗଲା । ବହୁ ଷଖାଜାଖୋଜି ଚାଲିଲା । ଏଥିପାିଁ ଥାନାରେ ଏତଲା ବି ଦିଆଗଲା । ହେଲେ କିଛି ଲାଭ ହେଲନି । ସମୟ ଗଡିଚାଲିଲା । ଏ ଘଟଣାକୁ ୯ ବର୍ଷ ବିତିଗଲାଣି । ହେଲେ ଚୋର ଆଖିକୁ ନିଦ ନାହିଁ । କେମିତି ନେଇ ଠାକୁରଙ୍କ ଗହଣା ଫେରାଇ । ଶେଷରେ ଦୁଇ ଦିନ ତଳେ ମନ୍ଦିର ପରିଚାଳନା ଦାୟିତ୍ୱରେ ଥିବା ଜଣେ ବ୍ୟକ୍ତଙ୍କ ଚୁରା ପାଖରେ ଗହଣା ଜରି ସହ ୩୦୦ ଶହ ଟଙ୍କା ଓ ନିଜ ସହ ଘଟିଥିବା ସବୁ ଅଘଟରକୁ ବର୍ଣ୍ଣନା କରି ଲେଖିଥିବା ଚିଠି ଖଣ୍ଡେ ଥୋଇଦେଇ ଯାଇଛି । ସେ ଚିଠି ପୁଣି ଇଂରାଜୀରେ ହାତ ଲେଖା ଏ ଚିଠିକୁ ଦେଖନ୍ତୁ । ଏହାକୁ ଲେଖିଛି ଖୋଦ୍ ଚୋରୀ କରିଥିବା ଲୋକ । ଚିଠି ପୁଣି ଇଂରାଜୀରେ ଲେଖାହୋଇଛି ।
ଇଏ ହେଉଛି ସେ ଚିଠି ଯାହାକୁ ଲେଖିଛି ଖୋଦ୍ ଚେରୀ କରିଥିବା ବ୍ୟକ୍ତି । ଏ ଚିଠିରେ ଲେଖାହୋଇଛି, ‘ମୁଁ ୨୦୧୪ରେ ଠାକୁରଙ୍କ ଅଳଙ୍କାର ଚୋରୀ କରିନେଇଥିଲି । ହେଲେ ଏହାକୁ ଭୋଗ କରିପାରିଲି ନାହିଁ । ଏଇ ୯ ବର୍ଷ ଭିତରେ ମୁଁ ବହୁତ କଷ୍ଟ ପାଇଲିଣି । ଏ କର୍ମ ପାଇଁ ମୁଁ ଘୋର ଅନୁତାପ କରୁଛି । ତେଣୁ ଦେବାଶିଷ ମହାନ୍ତିଙ୍କ ଘର ଅଗଣାରେ ସବୁ ଅଳଙ୍କାରକୁ ଫେରାଇ ଦେଇ ଯାଉଛି । ତା ସହ ପ୍ରାୟଶ୍ଚିତ ପାଇଁ ୧୦୦ ଟଙ୍କା ଓ ଦକ୍ଷିଣା ଭାବେ ୨୦୦ ଟଙ୍କା ଦେଉଛି । ମୁଁ ମୋର ନାଁ , ଗାଁ ଠିକଣା କିଛି ଲେଖୁନାହିଁ ।’
ଅହୁରି ଆଶ୍ଚର୍ଯ୍ୟର କଥା ହେଉଛି ଦେବାଶିଷ ବାବୁ ଭୋରୁ ଉଠିବା ବେଳକୁ ଠାକୁୁରଙ୍କ ଗହଣା ଜରି ପାଖରେ ଏକ ନାଗ ସାପ ଫଣା ଟେକି ରହିଥିଲା । ସେ ଦେଖିବା ପରେ ଯାଇ ସାପଟି ପଳାଇଥିଲା ।
ଚୋର ଏପରି ଢଙ୍ଗରେ ଠାକୁରଙ୍କ ଗହଣା ଫେରାଇବା ଘଟଣା ପୁରା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।