ଚୋରି ପଇସାରେ ପ୍ରେମିକାକୁ ସୁନା ହାର ଉପହାର ଦେଉଥିଲା ଚୋର । ପୋଲିସ ହାତରେ ଧରାପଡ଼ିଲା ଡ଼ିକି ତାଡ଼ି ଲୁଟ୍ କରୁଥିବା ଲୁଟେରା ଗ୍ୟାଙ୍ଗ ।
କନକ ବ୍ୟୁରୋ : ଲୁଟ୍ ପଇସାରେ ପ୍ରେମିକାକୁ ସୁନା ହାର ଉପହାର । ସୁନା ଅଳଙ୍କାର ସହ ନଗଦ ଟଙ୍କା ଜବତ କଲା ବଲାଙ୍ଗୀର ସଦର ପୋଲିସ । ଏହି ଲୁଟେରା ଗ୍ୟାଙ୍ଗ ବିଭିନ୍ନ ସ୍ଥାନରୁ ଡ଼ିକି ତାଡ଼ି ଲୁଟ୍ କରିଥିବା ଅଭିଯୋଗ ହୋଇଛି । ଏହି ଲୁଟେରା ଗ୍ୟାଙ୍ଗର ମାଷ୍ଟରମାଇଣ୍ଡ ହେଉଛି ସୋନପୁର ସହରର ଦୟାସାଗର ଛତ୍ରିଆ ।
Kanak News is now on WhatsApp
Join and get latest news updates delivered to you via WhatsApp
ଗତ ଜୁଲାଇ ୧୭ ତାରିଖର ଏକ ଲୁଟ୍ ଘଟଣାର ଖୋଳତାଡ଼ କରୁକରୁ ପୋଲିସ ହାତରେ ଲାଗିଥିଲା ଏହି ଲୁଟେରା ଗ୍ୟାଙ୍ଗ । ବଲାଙ୍ଗୀର ଓ ସୋନପୁର ଜିଲ୍ଲାର ବିଭିନ୍ନ ଅଞ୍ଚଳରେ ଡ଼ିକି ଭାଙ୍ଗି ଲୁଟ୍ କରୁଥିବା ଏମାନେ ସ୍ୱୀକାର କରିଛନ୍ତି । ୩ଜଣ ଲୁଟେରା ଗିରଫ ହୋଇଥିବା ବେଳେ ସେମାନଙ୍କ ଠାରୁ ୧ ଲକ୍ଷ ୯୦ ହଜାର ଟଙ୍କା ଏବଂ ସୁନା ଗହଣା ଜବତ ହୋଇଛି । ଏହା ସହ ବାଇକ, ମୋବାଇଲ, ସିମକାର୍ଡ଼ ମଧ୍ୟ ଜବତ କରିଛି ପୋଲିସ ।
ଡ଼ିକି ତାଡ଼ି ଲୁଟ୍ କରିବାରେ ବ୍ୟବହାର କରୁଥିବା ଯନ୍ତ୍ରପାତି ମଧ୍ୟ ଜବତ କରିଛି ପୋଲିସ । ୩ଜଣ ଲୁଟେରାଙ୍କୁ କୋର୍ଟ ଚାଲାଣ କରାଯାଇଛି । ଲୁଟେରା ଦୟାସାଗର ଛତ୍ରିଆ ଲୁଟ୍ ପଇସାରେ ପ୍ରେମିକା ପାଇଁ ଦେଢ ଲକ୍ଷ ଟଙ୍କାର ସୁନା ଅଳଙ୍କାର ଉପହାର ଦେଇଥିଲେ । ଏହି ସୁନା ଅଳଙ୍କାରକୁ ଜବତ କରିଛି ପୋଲିସ ।