ଆଇପିଏଲ ମହାସମର : ଚେନ୍ନାଇରେ ଚେନ୍ନାଇ ସୁପର କିଙ୍ଗସକୁ ହରାଇଲା କୋଲକତା ନାଇଟ ରାଇଡର୍ସ
କନକ ବ୍ୟୁରୋ : ଚେନ୍ନାଇରେ ଚେନ୍ନାଇ ସୁପର କିଙ୍ଗସକୁ ହରାଇଲା କୋଲକତା ନାଇଟ ରାଇଡର୍ସ । ଅଧିନାୟକ ନୀତିଶ ରାଣା ଏବଂ ରିଙ୍କୁ ସିଂଙ୍କ ଅର୍ଦ୍ଧଶତକ ବଳରେ ଚେନ୍ନାଇକୁ ୬ ୱିକେଟରେ ହରାଇଛି କୋଲକତା । ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ୬ ୱିକେଟ ହରାଇ ୧୪୪ ରନ କରିଥିଲା ଚେନ୍ନାଇ । ଚେନ୍ନାଇର କୌଣସି ବ୍ୟାଟର ଅର୍ଦ୍ଧଶତକ ମାରି ପାରିନଥିଲେ । କୋଲକତା ପ୍ରଥମ ୬ ଓଭରରେ ୩ ଟି ୱିକେଟ ହରାଇ ସଙ୍କଟରେ ପଡିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ହେଲେ ନୀତିଶ ରାଣା ଏବଂ ରିଙ୍କୁ ସିଂଙ୍କ ଅର୍ଦ୍ଧଶତକୀୟ ପାଳି ଯୋଗୁଁଁ ଚେନ୍ନାଇକୁ ୧୮ ଓଭର ୩ଟି ବଲରେ ହରାଇଥିଲା କୋଲକତା । ତେବେ ଏପର୍ଯ୍ୟନ୍ତ ଗୁଜରାଟ ୧୬ ପଏଣ୍ଟ ସହ ଟେବୁଲରେ ଶୀର୍ଷରେ ଥିବା ବେଳେ ଚେନ୍ନାଇ ୧୫ ପଏଣ୍ଟ ସହ ଦ୍ୱିତୀୟ, ମୁମ୍ବାଇ ୧୪ ପଏଣ୍ଟ ସହ ତୃତୀୟ, ଲକ୍ଷ୍ନୌ ୧୩ ପଏଣ୍ଟ ସହ ଚତୁର୍ଥରେ ଅଛି । ଅଧିକାଂଶ ଟିମ ହାତରେ ଆଉ ଦୁଇଟି ଲେଖାଏଁ ମ୍ୟାଚ ରହିଛି । ହାଇଦ୍ରାବାଦ, ଦିଲ୍ଲୀକୁ ଛାଡିଦେଲେ ଏବେବି ବାକି ୮ ଟି ଟିମ୍ ପ୍ଲେ ଅଫ ଦୌଡରେ ଅଛନ୍ତି ।