ଦେଶରେ ରହିଛି ଏମିତି ଷ୍ଟେସନ: ଯାହାର ନାହିଁ କୌଣସି ନାଁ, ଜାଣନ୍ତୁ ଏହାର ପଛର କାରଣ
କନକ ବ୍ୟୁରୋ: ପ୍ରତିଦିନ ଅନେକ ଲୋକ ଟ୍ରେନରେ ଯାତ୍ରା କରିଥାନ୍ତି । ସେଥିପାଇଁ ଟ୍ରେନକୁ ଭାରତର ଜୀବନ ରେଖା ବୋଲି କୁହାଯାଏ । ଆଉ ଟ୍ରେନରେ ଯିବା ପାଇଁ ଆମେ ଟିକେଟ କରିଥାଉ । ଯେଉଁଥିରେ ଆମ ଯାତ୍ରା ଆରମ୍ଭ ଆଉ ଗନ୍ତବ୍ୟ ସ୍ଥଳର ଠିକଣା ଲେଖାଥାଏ । ଯାହାକୁ ଆମେ ଷ୍ଟେସନ କହିଥାଉ । ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଦେଶରେ ଏମିତି କିଛି ଷ୍ଟେସନ ରହିଛି ଯାହାର କୌଣସି ନାଁ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏହା ଶୁଣିବା ପରେ ଆପଣଙ୍କ ମନରେ ନିଶ୍ଚେ ପ୍ରଶ୍ନ ଆସୁଥିବ କେମିତି ବିନା ନାଁରେ ଗୋଟିଏ ଷ୍ଟେସନରେ ଲୋକମାନେ ପହଞ୍ଚି ପାରୁଛନ୍ତି । ହଁ ଆଜ୍ଞା ଆମ ଦେଶରେ ଏମିତି ଦୁଇଟି ଷ୍ଟେସନ ରହିଛି । ଯାହାକି ଆମ ରାଜ୍ୟ ଓଡିଶାର ପଡୋଶୀ ରାଜ୍ୟରେ ରହିଛି । ଗୋଟିଏ ଷ୍ଟେସନ ପଶ୍ଚିମବଙ୍ଗର ବର୍ଦ୍ଦମାନ ଜିଲ୍ଲା ବାଙ୍କୁରା-ମେସଗ୍ରାମ ରେଳଖଣ୍ଡରେ ଅବସ୍ଥିତ । ସେହିପରି ଅନ୍ୟଟି ଝାଡଖଣ୍ଡ ରାଞ୍ଚି ଟୋଲି ରେଳଖଣ୍ଡରେ ରହିଛି । ଏହି ଦୁଇ ଷ୍ଟେସନକୁ କାହିଁକି ଏଯାଏଁ କୌଣସି ନାଁ ଦିଆଯାଇନାହିଁ । ତେବେ ଆସନ୍ତୁ ଜାଣିବା ଏହା ପଛର ରୋଚକ କାହାଣୀ ।
ପଶ୍ଚିମବଙ୍ଗ ବାଙ୍କୁରା-ମେସଗ୍ରାମରେ ଥିବା ଏହି ବିନା ନାଁର ଷ୍ଟେସନ ୨୦୦୮ରେ ତିଆରି ହୋଇଥିଲା । ଷ୍ଟେସନ ତିଆରି ହେବା ପରେ ଏହାର ନାଁ ରେନାଗଡ ଷ୍ଟେସନ ରଖାଯାଇଥିଲା । ତେବେ ଏହି ନାଁକୁ ନେଇ ଗାଁର ଲୋକମାନେ ବିରୋଧ କରିବା ସହ ଅଭିଯୋଗ କରିଥିଲେ । ସେବେଠୁ ଏହି ଷ୍ଟେସନର ନାଁକୁ ନେଇ ବିବାଦ ଲାଗି ରହିଛି । ଏଥିପାଇଁ ଏଯାଏଁ ଏହି ଷ୍ଟେସନର କୌଣସି ନାଁ ରଖାଯାଇ ନାହିଁ ।
ସେହିପରି ଝାଡଖଣ୍ଡର ରାଞ୍ଚିରୁ ଟୋରିବଲି ମଧ୍ୟରେ ଆସୁଥିବା ଷ୍ଟେସନର କୌଣସି ନାଁ ନାହିଁ । ଏହି ଷ୍ଟେସନର ନାଁ ନଥିବା ପଛରେ ଏକ ରୋଚକ କାହାଣୀ ରହିଛି । ୨୦୧୧ରେ ଯେତେବେଳେ ଏହି ଷ୍ଟେସନରେ ଟ୍ରେନ ଚାଲିଥିଲା, ସେତେବେଳେ ଏହି ଷ୍ଟେସନର ନାଁ ବଡକି ଚାମ୍ପି ରଖାଯାଇଥଲା । ହେଲେ ଏହି ନାଁକୁ ନେଇ ସେଠାକାର ଲୋକ ବିରୋଧ କରିଥିଲେ । ସେମାନଙ୍କ ଅନୁସାରେ ଷ୍ଟେସନ ତିଆରି ପାଇଁ ତାଙ୍କୁ ଅନେକ ଭୂମିକା ରହିଛି ତେଣୁ ଷ୍ଟେସନର ନାଁ କମଲେ ରଖାଯାଉ । ସେବେଠୁ ଏହି ବିବାଦ ଯୋଗୁଁ ଏଠାରେ ଷ୍ଟେସନ କୌଣସି ନାଁ ରଖାଯାଇ ନାହିଁ ।
ସ୍ଥାନୀୟ ଲୋକଙ୍କ ଉତ୍ତେଜନା ପାଇଁ ଏହି ଷ୍ଟେସନରେ କୌଣସି ସାଇନବୋର୍ଡ ମଧ୍ୟ ଲଗାଯାଇନାହିଁ । ଏଠାରୁ ଅନେକ ଯାତ୍ରୀ ପ୍ରତିଦିନ ଯିବାଆସିବା ମଧ୍ୟ କରିଥାନ୍ତି ।