ସ୍ୱାଭିମାନ ଅଞ୍ଚଳରେ ଦିବ୍ୟାଙ୍ଗ ଶିଶୁଙ୍କ ପାଇଁ ହେବ ସ୍ୱତନ୍ତ୍ର ସ୍କୁଲ । ମାଲକାନଗିରିର ବଣ୍ଡାଘାଟି, ଅଞ୍ଚଳରେ ସ୍ଥିତି ଅନୁଧ୍ୟାନ କଲେ ଭିନ୍ନକ୍ଷମ କମିଶନ ଅଧ୍ୟକ୍ଷା ସୁଲୋଚନା ଦାସ
କନକ ବ୍ୟୁରୋ : ସ୍ୱାଭିମାନ ଅଂଚଳରେ ହବ ସ୍ୱତନ୍ତ୍ର ଭିନ୍ନକ୍ଷମ ବିଦ୍ୟାଳୟ। ଆଗାମୀ ୪ ମାସ ମଧ୍ୟରେ ଭିନ୍ନକ୍ଷମଙ୍କ ଲାଗି ସ୍ୱତନ୍ତ୍ର ସେନ୍ସସ କରାଯାଇ ଭିନ୍ନକ୍ଷମ ମାନଙ୍କୁ ସମସ୍ତ ସୁବିଧା ସୁଯୋଗ ଯୋଗାଇବା ଲାଗି ଅଣ୍ଟା ଭିଡିଛି ଭିନ୍ନକ୍ଷମ କମିଶନ। ବିଶେଷ କାରି ମାଲକାନଗିରି ଜିଲ୍ଲାର ଭିନ୍ନକ୍ଷମ ମାନେ ନିଜ ଅଧିକାର ସମ୍ପର୍କରେ ଅବଗତ ନ ଥିବାରୁ ସରକାରୀ ସୁବିଧା ର ଲାଭ ଉଠାଇ ପାରୁ ନାହାନ୍ତି, ତେଣୁ ସ୍ୱାଭିମାନ ଅଂଚଳ, ବଣ୍ଡା ଘାଟି ସହ ପୁରା ମାଲକାନଗିରି ଜିଲ୍ଲା ଏବେ କମିଶନଙ୍କ ଫୋକସରେ।
Kanak News is now on WhatsApp
Join and get latest news updates delivered to you via WhatsApp
ସ୍ୱାଭିମାନ ଅଂଚଳ ଧୁଳିପୁଟ ପଂଚାୟତ ମାରିଗୁଡା ଗାଁର ଲକ୍ଷ୍ମଣ ହନ୍ତାଳ । ସାତ ବର୍ଷ ଧରି ସଜ୍ଜାଶାୟୀ, ପିଲାଟି ଦୁନରୁ ମୁଣ୍ଡରେ ଟ୍ୟୁମର । ଟ୍ୟୁମର ଅସ୍ତ୍ରୋପଚାର ପରେ ମଧ୍ୟ ଆଉ ଚାଲି ପାରି ନଥିଲେ ଲକ୍ଷ୍ମଣ । ତେବେ ବିଳମ୍ବରେ ହେଉ ପଛେ, ଏବେ ଲକ୍ଷ୍ମଣଙ୍କ ପରି ଦିବ୍ୟାଙ୍ଗ ମୁହଁରେ ହସ ଫୁଟିବା ଆରମ୍ଭ ହୋଇଛି। ଭିନ୍ନକ୍ଷମ କମିଶନ ଅଧ୍ୟକ୍ଷା ସ୍ୱାଭିମାନ ଅଂଚଳ ଗସ୍ତ କରି ଲକ୍ଷ୍ମଣଙ୍କ ପରି ଅନେକ ଦିବ୍ୟାଙ୍ଗଙ୍କୁ ଟ୍ରାଇ ସାଇକଲ ଓ ଭିନ୍ନକ୍ଷମ ଭତ୍ତା ପ୍ରଦାନ କରିଛନ୍ତି ।
ସ୍ୱାଭିମାନ ଅଂଚଳର ୯ ଟି ଗ୍ରାମ ପଂଚାୟତ ସହ ଦୁର୍ଗମ ବଣ୍ଡା ଘାଟିରେ ଏବେ ବି ଅନେକ ଦିବ୍ୟାଙ୍ଗଙ୍କୁ ଚିହ୍ନଟ କରାଯାଇ ପାରିନାହିଁ। ନିଜ ଅଧିକାର ସମ୍ପର୍କରେ ଅବଗତ ନୁହଁନ୍ତି ଆଦିବାସୀ। ତେଣୁ ବଣ୍ଡା ଘାଟି ଓ ସ୍ୱାଭିମାନ ଅଂଚଳରେ ସ୍ବତନ୍ତ୍ର ଜନ ଅଭିଯୋଗ ଶୁଣାଣି ଓ ସଚେତନତା ଶିବିରର ଆୟୋଜନ କରି ପ୍ରତିଶୃତି ଦେଲେ ଭିନ୍ନକ୍ଷମ କମିଶନ ଅଧ୍ୟକ୍ଷା ସୁଲେଚନା ଦାଶ।
ଅନ୍ୟ ଜିଲ୍ଲା ତୁଳନାରେ ମାଲକାନଗିରି ଜିଲ୍ଲାରେ କମିଶନ ନିକଟରେ ସବୁ ଠାରୁ କମ ଅଭିଯୋଗ ହୋଉଛି । ଆଉ ମାଲକାନଗିରି ଜିଲ୍ଲାରୁ ଆସି ଥିବା ୩ ଅଭିଯୋଗର ଶୁଣାଣି କରି ଫଇସଲା କରିଛି କମିଶନ।