କନକ ବ୍ୟୁରୋ: ପୁରୀକୁ ବିଶ୍ୱ ଐତିହ୍ୟ ନଗରୀ ଭାବେ ଗଢି ତୋଳିବା ପାଇଁ ରାଜ୍ୟ ସରକାର କରିଥିବା ବ୍ଲୁ-ପ୍ରିଂଟ ଅନୁଯାୟୀ ଆରମ୍ଭ ହେବ କାମ । ହେରିଟେଜ କରିଡରର ଭୂମିପୁଜନ ପାଇଁ ହେଉଛି ସ୍ୱତନ୍ତ୍ର କାର୍ଯ୍ୟକ୍ରମ । ନଭେମ୍ବର ୨୨ରୁ ୨୪ ତିନି ଦିନ ଧରି ମହାଯଜ୍ଞ ଆୟୋଜନ କରୁଛି ଶ୍ରୀମନ୍ଦିର ପ୍ରଶାସନ । ମନ୍ଦିରର ଉତର ପାଶ୍ୱର୍ ମଠ ପାଖରେ ଯଜ୍ଞର ପୂର୍ଣ୍ଣାହୁତି ଯଜ୍ଞ ମଣ୍ଡପ ତିଆରି ଚାଲିଛି । ବଡ କଥା ହେଉଛି ୨୪ ତାରିଖରେ ମୁଖ୍ୟମନ୍ତ୍ରୀ ପୁର୍ଣ୍ଣହୁତିରେ ସାମିଲ ହେବା ସହ ଭୂମିପୁଜନ କରି ଆନୁଷ୍ଠାନିକ ଭାବେ କାର୍ଯ୍ୟ ଆରମ୍ଭ କରିବାକୁ ଯୋଜନା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ହେରିଟେଜ ଯୋଜନାରେ ଯାତ୍ରୀ ପରିକ୍ରମା ଯୋଜନାରେ କାକୁଡିଖାଇ ମନ୍ଦିର ସାମ୍ନା ମେଘନାଦ ପାଚେରୀ ସବୁଜ ବଳୟକୁ ଛାଡି ବ୍ୟାରିକେଡ ହେବ । ଶ୍ରଦ୍ଧାଳୁ ମାନେ ପାଦ ଧୁଆ କେନ୍ଦ୍ର ଦେଇ ସିଂହଦ୍ୱାରରେ ପ୍ରବେଶ କରିବେ । କାକୁଡି ଖାଇ ମନ୍ଦିର ପାଖରେ ଭୂତଳ ପାର୍କିଂ ଓ ଜିନିଷ ଘର ରହିବ । ଶ୍ରୀମନ୍ଦିର ଚୌହଦିର ଚାରି କୋଣରେ ଚାରୋଟି ସୁରକ୍ଷା ଓ ୱାଚ ଟାୱାର ନିର୍ମାଣ ହେବ । ପରିକ୍ରମା ପରିକଳ୍ପନାରେ ସାତୋଟି ଲେନ୍ ରହିବ । ଗୋଟିଏ ଲେନରେ ମେଘନାଦ ପାଚେରୀ କଡକୁ ଲାଗି ଉଦ୍ୟାନ ରହିବ । ଏହି ଉଦ୍ୟାନକୁ ଲାଗି ଭକ୍ତଙ୍କ ପରିକ୍ରମା ପଥ ନିର୍ମାଣ ହେବ । ଏହି ଦୁଇ ଲେନକୁ ଲାଗି ଠାକୁରଙ୍କ ପରିକ୍ରମା ପଥ ରହିବ ।