କଟକ ବାଲିଯାତ୍ରା ବୁଲି ଆସୁଥିବା ଲୋକଙ୍କ ପାଇଁ ବଡ ଖବର । ଗାଡି ପାର୍କିଂ ପାଇଁ ସ୍ଥାନ ନାହିଁ ବୋଲି ଟ୍ୱିଟ୍ କଲା କମିଶନରେଟ୍ ପୋଲିସ
କନକ ବ୍ୟୁରୋ : କଟକ ବାଲିଯାତ୍ରା ବୁଲି ଆସୁଥିବା ଲୋକଙ୍କ ପାଇଁ ବଡ ଖବର । ଯଦି ଆପଣ ବାଲିଯାତ୍ରା ବୁଲିବାକୁ କଟକ ଆସୁଥାନ୍ତି ତେବେ କମିସନରେଟ ପୋଲିସର ଟ୍ୱିଟ୍ ଉପରେ ଥରେ ନଜର ପକାନ୍ତୁ । କାରଣ କଟକ ବାଲିଯାତ୍ରାରେ ଅସମ୍ଭବ ଭିଡ । ଏପରି ଭିଡ଼ ହୋଇଛି ଯେ ଗାଡ଼ି ପାର୍କିଂ ପାଇଁ ସ୍ଥାନ ନାହିଁ । ଏପରିକି ଟ୍ରାଫିକ୍ ଏତେ ଅସମ୍ଭାଳ ହୋଇଯାଇଛି ଯେ କମିସନରେଟ୍ ପୋଲିସ ହାତ ଟେକି ଦେଇଛି । ଗାଡ଼ି ପୂରା ଜାମ୍ ହୋଇଯାଇଥିବାରୁ ବର୍ତମାନ ଆଉ ଗାଡ଼ିକୁ ଅନୁମତି ଦିଆଯିବ ନାହିଁ ବୋଲି ଟ୍ୱିଟ୍ କରି କହିଛି କମିସନରେଟ୍ ପୋଲିସ । ଏଥିପାଇଁ କମିସନରେଟ୍ ପୋଲିସ ପକ୍ଷରୁ ଦୁଃଖପ୍ରକାଶ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
There is no further parking space anywhere in Cuttack for people visiting Bali Jatra. We are unable to let any more vehicles in today. Inconvenience is regretted. We will allow more vehicles as & when some space is available. @SarangiSudhansu @DCP_CUTTACK @sagarika_nath
— COMMISSIONERATE POLICE (@cpbbsrctc) November 17, 2019
ପାର୍କିଂ ପାଇଁ ସ୍ଥାନ ଖାଲି ହେବା ପରେ ଅନ୍ୟ ଗାଡ଼ିକୁ ଅନୁମତି ଦିଆଯିବ ବୋଲି କୁହାଯାଇଛି । ସେପଟେ ବାରଙ୍ଗ, ତ୍ରିଶୁଳିଆ, ଆଠଗଡ଼ ରାସ୍ତା ଅପରାହ୍ନ ୪ଟାରୁ ରାତି ୧୨ ଟା ଯାଏଁ ଟ୍ରାଫିକ ଜାମ୍ ରହିବ, ତେଣୁ ଏନଏଚ୍-୧୬ ରାସ୍ତାରେ ଯିବାକୁ ଆଡଭାଇଜରୀ ଜାରି କରିଛି କମିସନରେଟ୍ ପୋଲିସ ।