କନକ ବ୍ୟୁରୋ: ସୁନ୍ଦରଗଡ ବଡଗାଁ ଫରେଷ୍ଟ ରେଞ୍ଜର ହେଲେବାହାଲ କଲରାପତରିଆ ବାଘର ଉତ୍ପାତରେ ଗାଁ ଲୋକେ ବେହାଲ ହୋଇଛନ୍ତି । ବିଲମାଳରେ କଲରାପତରିଆ ବାଘ ବୁଲୁଛି । ଗାଁ ବାରିପଟେ ପଶିବା ଫଳରେ ଲୋକଙ୍କ ଭିତରେ ଛନକା ପଶିଛି । ଗାଁ ଲୋକେ ଦେଖି ପାଟି କରିବା ଯୋଗୁଁ ଏକ ବୁଦା ଭିତରେ ପଶିଯାଇଛି । ଆଉ ବାଘର ଆତଙ୍କ ଦେଖି ବନବିଭାଗ ବି ସତର୍କ ହୋଇଛି । ବାଘର ଗତିବିଧି ଉପରେ ଲକ୍ଷ୍ୟ ରଖାଯାଇଛି । ବାଘରୁ ଧରିବା ଲାଗି ଜାଲ ବିଛାଯାଇଛି । ବାଘ ଯେଭଳି ଧରାପଡିବ ସେ ନେଇ ସବୁ ବନ୍ଦୋବସ୍ତ ହୋଇଛି । କିନ୍ତୁ କଲରାପତରିଆ ବାଘ ଧରାପଡୁନାହିଁ । ଟ୍ରାଙ୍କୁଲାଇଜ ଟିମ ବି ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନୂଆପଡା ଭରୁଆମୁଣ୍ଡା ପଞ୍ଚାୟତର ଲୋଡ୍ରା ଗାଁରେ ବି କଲରାପତରିଆ ବାଘ ଆଥଙ୍କ ଦେଖାଦେଇଛିା ସୁନାବେଡା ଅଭୟାରଣ୍ୟ ଭିତରେ ଥିବା ଲୋଡ୍ରା ଗାଁରେ ଲୋକେ କଲରାପତରିଆ ବାଘ ବୁଲୁଥିବା ଦେଖିଛନ୍ତି । ଲୋକେ ଏ ନେଇ ବନବିଭାଗକୁ ଖବର ଦେବା ପରେ ବନବିଭାଗ କର୍ମଚାରୀ ବାଘ ଗତିବିଧି ଉପରେ ନଜର ରଖିଛନ୍ତି । ଏହି କଲରାପତରିଆ ବାଘ ସ୍ଥାନୀୟ ଅଞ୍ଚଳରେ ପଶୁ ଶିକାର କରୁଛି । ଏହି ବାଘ ଗର୍ଭବତୀ ଥିବା ବନବିଭାଗ କର୍ମଚାରୀ କହିଛନ୍ତି । ସିସିଟିଭି ଲଗାଇ ବାଘର ଗତିବିଧି ଉପରେ ନଜର ରଖାଯାଇଛି । ଲୋକେ ଆତଙ୍କିତ ନ ହେବାକୁ ବନବିଭାଗ ଲୋକଙ୍କୁ ପରାମର୍ଶ ଦେଇଛନ୍ତି ।