୨୫ ବର୍ଷରେ ରାଜ୍ୟରେ ୯ଥର ହେଲାଣି ମରୁଡ଼ି । ଜଳବାୟୁ ପରିବର୍ତ୍ତନକୁ ଦାୟୀ କଲେ ପାଣିପାଗ ବିଶେଷଜ୍ଞ । ଭୟଙ୍କର ଭାବେ ପ୍ରଭାବିତ ହୋଇପାରେ ଚାଉଳ ଉତ୍ପାଦନ ।
କନକ ବ୍ୟୁରୋ: ରାଜ୍ୟରେ ୨୫ ବର୍ଷ ମଧ୍ୟରେ ୯ ଥର ହେଲାଣି ମରୁଡି । ଜଳବାୟୁ ଅଭାବ ଯୋଗୁ ଉପଜିଛି ଏପରି ସ୍ଥିତି । ଯେଉଁ କାରଣରୁ ଫସଲହାନୀ ହୋଇ କ୍ଷତିଗ୍ରସ୍ତ ହେଉଛନ୍ତି ଚାଷୀ । ବୈଜ୍ଞାନିକଙ୍କ ମତରେ ବର୍ତ୍ତମାନର ବର୍ଷାର ସ୍ଥିତିକୁ ଦେଖି ପଞ୍ଚାୟତସ୍ତରରେ ବର୍ଷା ମନିଟରିଂ କରାଯାଇ ଯୋଜନା ପ୍ରସ୍ତୁତ କରିବା ଆବଶ୍ୟକ । ରାଜ୍ୟ କୃଷି ନିର୍ଦ୍ଦେଶାଳୟ ପକ୍ଷରୁ ଜାରି ହୋଇଥିବା ସୂଚନା ଅନୁସାରେ ୧୯୯୬, ୧୯୯୮, ୨୦୦୦, ୨୦୦୨, ୨୦୧୦, ୨୦୧୧, ୨୦୧୫ ରାଜ୍ୟରେ ମରୁଡି ହୋଇ ଚାଉଳ ଉତ୍ପାଦନ ବାଧାପ୍ରାପ୍ତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
୧୯୯୬ରୁ ୨୦୦୦ ମସିହା ପର୍ଯ୍ୟନ୍ତ ରାଜ୍ୟରେ ହାରାହାରି ୧୫୦୨.୫ ମିଲିମିଟର ବର୍ଷାର ଆବଶ୍ୟକତା ଥିଲା କିନ୍ତୁ ଏହି ସମୟରେ କମ୍ ବର୍ଷା ଯୋଗୁ ଉତ୍କଟ ମରୁଡି ହୋଇଥିଲା । ୧୯୯୬ ଓ ୧୯୯୮ ମସିହାରେ ୩୮.୨୭ ଲକ୍ଷ ମେଟ୍ରିକ୍ ଟନ୍ ଓ ୧୯୯୮ରେ ୪୮.୮୫ ଲକ୍ଷ ମେଟ୍ରିକ୍ ଟନ୍ ଚାଉଳ ଉତ୍ପାଦନ ହୋଇଥିଲା । ଯାହାକି ୧୯୯୭ ମସିହାଠାରୁ ୧୦ ଲକ୍ଷ ମେଟ୍ରିକ୍ ଟନ୍ କମ୍ । ଓଡ଼ିଶାରେ ଏପରି ମରୁଡି ସ୍ଥିତି ପାଇଁ ଜଳବାୟୁ ପରିବର୍ତ୍ତନକୁ ଦାୟୀ କରିଛନ୍ତି ପାଣିପାଗ ବିଶେଷଜ୍ଞ । ପଞ୍ଚାୟତ ସ୍ତରରେ ଡାଏନାମିକ୍ କଣ୍ଟିଜେନ୍ ପ୍ଲାନିଂ ହେଲେ ଅନାବୃଷ୍ଟିରୁ ରକ୍ଷା ମିଳିବ । ଯେଉଁଥିରେ ମାଟି ଅନୁସାରେ କେଉଁ ପ୍ରକାର ଫସଲ କରାଯିବା ଉଚିତ ଏହାକୁ ନେଇ ପରାମର୍ଶ ଦିଆଯାଇପାରିବ ।