ମନ୍ଦିର ପୂଜକ ହେଲେ ସରପଞ୍ଚ ପ୍ରାର୍ଥୀ: ପ୍ରଚାର ବେଳେ ପୂଜକଙ୍କ ପାଦ ଧୋଇ ସ୍ୱାଗତ କଲେ ଲୋକେ

କନକ ବ୍ୟୁରୋ: ପଞ୍ଚାୟତ ନିର୍ବାଚନ ପାଇଁ ଗ୍ରାମାଞ୍ଚଳରେ ରାଜନୀତି ସରଗରମ ହୋଇଛି । ବିଭିନ୍ନ ପଂଚାୟତରେ ପ୍ରାର୍ଥୀମାନେ ଭୋଟରଙ୍କୁ ନିଜ ସପକ୍ଷରେ ଭୋଟ ଦେବା ପାଇଁ ବିଭିନ୍ନ ପନ୍ଥା ଅପଣାଉଛନ୍ତି । ପୁରୀ ଜିଲ୍ଲା ଗୋପ ବ୍ଲକ ନୂଆଖୋଲମରା ପଂଚାୟତରୁ ଆସିଛି ନିଆରା ଚିତ୍ର । ସରପଂଚ ପ୍ରାର୍ଥୀ ଭାବେ ମନ୍ଦିର ପୂଜକ ନିର୍ବାଚନ ଲଢୁଥିବାରୁ ଗାଁରେ ମିଳୁଛି ବିପୁଳ ସମର୍ଥନ ।

ସରପଂଚ ପ୍ରାର୍ଥୀ ଭାବେ ପୁରୋହିତ ଯଶବନ୍ତ ନାରାୟଣ ମିଶ୍ର ନିର୍ବାଚନ ଲଢୁଛନ୍ତି । ପୂଜକଙ୍କ ପାଦ ଧୋଇ ଲୋକେ ମୁଣ୍ଡିଆ ମାରୁଥିବା ବେଳେ ଫୁଲ ଚନ୍ଦନ ଦେଇ ଲୋକେ ସ୍ୱାଗତ କରୁଥିବା ଦେଖିବାକୁ ମିଳିଛି । ସୁଯୋଗ ମିଳିଲେ ଠାକୁରଙ୍କ ସେବା କରିବା ସହ ଜନସାଧାରଣଙ୍କ ସେବା କରିବେ ବୋଲି କହିଛନ୍ତି ପୂଜକ ।

ପଞ୍ଚାୟତ ନିର୍ବାଚନ ପାଇଁ ସରଗରମ ହୋଇଛି ଗାଁ ରାଜନୀତି । ପ୍ରାର୍ଥୀମାନେ ଏବେ ପ୍ରଚାର କରିବା ଆରମ୍ଭ କରିସାରିଲେଣି । କୋଭିଡ କଟକଣା ଭିତରେ ଘରକୁ ଘର ଯାଇ ପ୍ରଚାର କରୁଛନ୍ତି । ଆଉ ବିଜୟୀ ହେବା ପାଇଁ ନିଜ ନିଜ ରଣନୀତି ଆପଣାଉଛନ୍ତି ବିଭିନ୍ନ ରାଜନୈତିକ ଦଳ ।