କୋଭିଡ୍ ପରିଚାଳନା ନେଇ ଓଡିଶାକୁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ପ୍ରଶଂସା : ମହାମାରୀ ସମୟରେ କୋଭିଡକୁ ସଠିକ୍ ଭାବେ ପରିଚାଳନା କରିଛି ଓଡିଶା; ସଠିକ୍ ପରିଚାଳନା ପାଇଁ ମୃତ୍ୟୁହାର କମ୍, ସୁସ୍ଥହାର ଅଧିକ ରହିଛି
କନକ ବ୍ୟୁରୋ : ଭଲ କୋଭିଡ ପରିଚାଳନା ପାଇଁ ଓଡିଶାକୁ ପ୍ରଂଶସା କରିଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ । ସଙ୍ଗଠନ ପକ୍ଷରୁୁ କୁହାଯାଇଛି, ମହାମାରୀ ସମୟରେ କୋଭିଡକୁ ଠିକ୍ ଭାବେ ପରିଚାଳନା କରିପାରିଛି ଓଡିଶା । ଠିକ ପରିଚାଳନା ଯୋଗୁଁ ରାଜ୍ୟରେ ମୃତ୍ୟୁହାର କମ ଓ ସୁସ୍ଥହାର ଅଧିକ ରହିଛି । କରୋନା ମୁକାବିଲା ପାଇଁ ଗ୍ରାମ ପଂଚାୟତକୁ ସାମିଲ କରାଯାଇ ପରିଚାଳନାକୁ ବିକେନ୍ଦ୍ରୀକରଣ କରାଯାଇପାରିଛି । ଉଚ୍ଚ ଟେଷ୍ଟିଂ କୌଶଳ ସହ ପ୍ରଭାବଶାଳୀ ଢଙ୍ଗରେ ରୋଗୀଙ୍କ ଯତ୍ନ ନିଆଯାଇପାରିଛି ବୋଲି କହିଛି ବିଶ୍ୱସ୍ୱାସ୍ଥ୍ୟ ସଙ୍ଗଠନ । ଓଡିଶା ଦେଶର ପ୍ରଥମ ରାଜ୍ୟ ଭାବେ କୋଭିଡ କେୟାର ସେଂଟର ପ୍ରତିଷ୍ଠା କରି ଲୋକଙ୍କୁ ସ୍ୱାସ୍ୱ୍ୟ ସୁବିଧା ଯୋଗାଇଦେଇପାରିଛି । କୋଭିଡ ସମୟରେ ପ୍ରବାସୀ ଶ୍ରମିକଙ୍କ ଆଗମନକୁ ଠିକ ଭାବେ ପରିଚାଳନା କରିଛି ଓଡିଶା ।
Kanak News is now on WhatsApp
Join and get latest news updates delivered to you via WhatsApp
World Health Organisation has praised #Odisha’s effective governance & community-based strategies to fight against #COVID19. WHO has highlighted the early containment measures, dedicated covid hospitals, ramped up testing and decentralised management of the pandemic through GPs. https://t.co/2HpEC3qwX7
— CMO Odisha (@CMO_Odisha) September 30, 2020
ସବୁଠାରୁ ବଡକଥା ହେଲା, କୋଭିଡ ପରିଚାଳନାରେ ମିଶନ ଶକ୍ତିକୁ ସାମିଲ କରାଯାପାରିଛି । ମନ୍ତ୍ରୀସ୍ତରୀୟ କମିଟି ଗଠନ କରାଯାଇ ସାମାଜିକ ଦୂରତା, ସଚେତନତା, ଚିକିତ୍ସା କ୍ଷେତ୍ରରେ ଠିକ ନିଷ୍ପତି ନିଆଯାଇଛି । ଆଉ ଏସବୁର ଠିକ ଭାବେ ତଦାରଖ ବି ହୋଇପାରିଛି । ଓଡିଶାର ଟେଷ୍ଟି ଷ୍ଟ୍ରାଟେଜିକୁ ବି ପ୍ରଂଶସା କରିଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ।