ବିପଦ ସଙ୍କୁଳ ଅବସ୍ଥାରେ ଜଗନ୍ନାଥ ସାଗର ରାସ୍ତା । କୋଟି କୋଟି ଟଙ୍କା ବ୍ୟୟରେ ଚାଲିଛି  ପୁନରୁଦ୍ଧାର । କାମ ନସରୁଣୁ ଦବିଗଲା ରାସ୍ତା 

କନକ ବ୍ୟୁରୋ : ଜୟପୁର ସହରର ଲାଇଫ ଲାଇନ ଜଗନ୍ନାଥ ସାଗରର ପୁନରୁଦ୍ଧାର କାମ ଚାଲିଛି । ହେଲେ ୩୦ ଭାଗ କାମ ସରିନଥିଲେ ବି ସାଗର ଦେଇ ଯାଇଥିବା ରାସ୍ତା ସମ୍ପୁର୍ଣ୍ଣ ରୁପେ ଦବିଗଲାଣି ।  ବିପଦ ସଙ୍କୁଳ ଅବସ୍ଥା ଦେଖି ଜୟପୁର ପୌର ପାଳିକା  ବୋର୍ଡ଼ ଲଗାଇବା ସହ ୨୪ ଘଂଟିଆ ରାସ୍ତାକୁ ଜଗିବା ପାଇଁ ସୁରକ୍ଷା ଗାର୍ଡ଼ ଯୋଗାଇଛନ୍ତି । ଏନେଇ କୋଟି କୋଟି ଟଙ୍କା ଖର୍ଚ୍ଚ ହୋଇଛି ହେଲେ କାମ ଆଖିଦୃଶିଆ କରାଯାଉନି । ।  ବର୍ଷା ଆଗରୁ କାମ ସରିବ ବୋଲି କୁହାଯାଥିଲେ ବି କାମ ସରିବା ତ ଦୁରର କଥା ଏ ଯାଏଁ  ୩୦ ଭାଗ କାମ ବି ସରିନି । ରାସ୍ତା ଦବିଯାଇଥିବା ବେଳେ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ .ଦେଖିବାକୁ ମିଳିଛି ।

ଜଗନ୍ନାଥ ସାଗର ଜୟପୁର ସହରର ଲାଇଫ ଲାଇନ । ଏହାର ପୁନରୁଦ୍ଧାର ପାଇଁ ୧୪ କୋଟି ଟଙ୍କା ସରକାରଙ୍କ ତରଫରୁ ଆସିଛି ।  ବର୍ତମାନ ପର୍ଯ୍ୟନ୍ତ ୪ କୋଟି ଖର୍ଚ୍ଚ ହୋଇଛି । ଆହୁରି ୧୦ କୋଟି ଟଙ୍କା ରହିଛି । ଲଗାତର ବର୍ଷା ଜିଲ୍ଳାରେ ଜାରି ରହିଥିବାରୁ ଏହି ରାସ୍ତା ଦବିଗଲା । ତଥାପି କାମ ଜାରି ରହିବ ।  ଆସନ୍ତା ବର୍ଷ ବର୍ଷା ଆଗରୁ ଏହାକୁ ସାରିବାକୁ ଚେଷ୍ଟା କରିବାକୁ ମିଳିଛି ପ୍ରତିଶ୍ରୁତି । ଜଗନ୍ନାଥ ସାଗରର ପୁନରୁଦ୍ଧାର ପାଇଁ ଅନେକ ବାର ପ୍ଳାନ ତିଆରି ହୋଇଛି । ଏହାର ଖୁବଶୀଘ୍ର କାମ ସରିଲେ ପୁଣି ଥରେ ସାଗରର ସୗନ୍ଦର୍ଯ୍ୟ ଫେରି ଆସିବ । ଯାହାକୁ ସମସ୍ତଙ୍କ ଅପେକ୍ଷା ରହିଛି ।