କନକ ବ୍ୟୁରୋ : ବିଚ ରାସ୍ତାରେ ଜଣେ ମହିଳାଙ୍କୁ ଲଣ୍ଡା କରି ମୁହଁରେ କଳା ବୋଳି ଅକଥନୀୟ ନିଯ୍ୟାତନା ଦେଇଥିଲେ । ଏଭଳି ଘଟଣା ଦେଖିବାକୁ ମିଳିଛି ପଟ୍ଟାମୁଣ୍ଡାଇ ଅଂଚଳରେ । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଖବର ଅନୁସାରେ, ଏହି ଅଂଚଳର ଜଣେ ମହିଳା ଲୋକଙ୍କ ଠାରୁ ଲୋନ ନାଁରେ ଟଙ୍କା ଠକିନେଇଥିଲେ । ପରବର୍ତୀ ସମୟରେ ଲୋନ ନଦେବାରୁ ଉତ୍ୟକ୍ତ ଲୋକେ ଆକ୍ରୋଶ ଶିକାର ହୋଇଥିଲେ ମହିଳା । ଲୋକେ ମହିଳାଙ୍କୁ ବିଚ ରାସ୍ତାରେ ଲଣ୍ଡା କରିଥିଲେ । ଏନେଇ ମହିଳା ଜଣଙ୍କ ପଟ୍ଟାମୁଣ୍ଡା ଆଦର୍ଶ ଥାନାରେ ଅଭିଯୋଗ କରିଥିଲେ । ଘଟଣା ସ୍ଥଳରେ ଆଇଆଇସି, ଏସଡିପିଓଙ୍କ ନେତୃତ୍ୱରେ ଏକ ଟିମ୍ ଘଟଣା ସ୍ଥଳରେ ପହଂଚି ୧୦ ଜଣ ମହିଳାଙ୍କୁ ଗିରଫ କରିଛନ୍ତି । ତେବେ ଆଇନର ଆଶ୍ରୟ ନ ନେଇ ଲୋକଙ୍କ ଏଭଳି କାମକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ବେଲତଳ ଗ୍ରାମର ଜଣେ ମହିଳା ସେହି ଗ୍ରାମର ମାଝିସାହିର କେତେକ ସ୍ବୟଂସହାୟକ ଗୋଷ୍ଠୀର ମହିଳାମାନଙ୍କୁ ବ୍ୟାଙ୍କରେ ଋଣ କରାଇଦେବାର ପ୍ରତିଶ୍ରୁତି ଦେଇଥିଲେ । ଏଥିପାଇଁ ପ୍ରାୟ ୨୦ ଜଣ ମହିଳାଙ୍କଠାରୁ ୧୨ଶହ ଲେଖାଏ ଟଙ୍କା ନେଇଥିଲେ । ମାତ୍ର ଋଣ ନ ହେବାରୁ ଉକ୍ତ ମହିଳାମାନେ ସେମାନଙ୍କ ଟଙ୍କା ଫେରସ୍ତ ମାଗିଥିଲେ । ମହିଳା ଜଣକ ଏହି ଟଙ୍କା ଫେରାଇବାରେ ଅସମର୍ଥ ହୋଇଥିଲେ । ଫଳରେ ଗତ ଶୁକ୍ରବାର ଦିନ ମହିଳାମାନେ ମିଶି ଉକ୍ତ ମହିଳାଙ୍କୁ ଗାଁ ଦାଣ୍ଡରେ ଲଣ୍ଡା କରି ମାଡ଼ ମାରିବା ସହ ମୁହଁରେ ଚୂନକାଳୀ ବୋଳି ଦେଇଥିଲେ । ଅଭିଯୁକ୍ତମାନେ ତାଙ୍କଠାରୁ ମଙ୍ଗଳସୂତ୍ର, କାନଫୁଲ, ଏଟିଏମକାର୍ଡ, ନଗଦ ୨୫ଶହ ଟଙ୍କା ଛଡାଇ ନେବା ସହିତ ତାଙ୍କୁ ଉଲଗ୍ନ କରି ମାଡ଼ ମାରିଥିବା ସେ ଅଭିଯୋଗରେ ଦର୍ଶାଇଛନ୍ତି । ପୁଲିସ ଘଟଣାର ତଦନ୍ତ କରିବା ସହିତ ଏଥିରେ ସଂପୃକ୍ତ ଥିବା ୧୦ ମହିଳାଙ୍କୁ ଗିରଫ କରି କୋର୍ଟଚାଲାଣ କରିଛି ।