କନକ ବ୍ୟୁରୋ: ଯୋଜନା ପାଲଟିଛି ପ୍ରହସନ । ଗରିବ,ବୃଦ୍ଧ ଓ ବିଧବାଙ୍କ ପାଇଁ ସରକାରଙ୍କ ପକ୍ଷରୁ ମିଳୁଛି ସହାୟତା । ହେଲେ ସଠିକ୍ ଜାଗାରେ ସଠିକ୍ ଲୋକ କିନ୍ତୁ ବଞ୍ଚିତ ହେଉଛନ୍ତି ଏହି ସବୁ ସୁବିଧା ପାଇବାରେ । ସେମିତି ଏକ ଉଦାହରଣ ଦେଖିବାକୁ ମିଳିଛି କେନ୍ଦ୍ରାପଡ଼ା ଆଳି ବ୍ଲକ ଅଞ୍ଚଳରେ । ଆଳିର ମାଣିଆ ପଞ୍ଚାୟତରେ ବିଧବା ଭତ୍ତା ମିଳୁଛି ସଧବା ମାନଙ୍କୁ । ଜଣେ କି ଦୁଇ ଜଣ ନୁହେଁ ଏହି ଅଞ୍ଚଳରେ ୧୭ଜଣ ମହିଳାଙ୍କୁ ପ୍ରତି ମାସରେ ମିଳୁଛି ବିଧବା ଭତ୍ତା ।
Kanak News is now on WhatsApp
Join and get latest news updates delivered to you via WhatsApp
ସବୁଠୁ ବଡ଼ କଥା ହେଲା ଏହି ପଂଚାୟତରେ ଖୋଦ୍ ସରପଞ୍ଚଙ୍କ ସମ୍ପର୍କୀୟ ମହିଳା ମାନେ ବି ସାମିଲ ଅଛନ୍ତି । ତେବେ ସ୍ୱାମୀ ଜୀବିତ ଥାଇ କିଭଳି ଏହି ମହିଳା ମାନଙ୍କୁ ବିଧବା ଭତ୍ତା ମିଳୁଛି ତାକୁୁ ନେଇ ଉଠୁଛି ପ୍ରଶ୍ନ? ତା ସହିତ ଭତ୍ତା ପାଇଁ ସ୍ୱାମୀଙ୍କର ମୃତ୍ୟୁ ପ୍ରମାଣ ପତ୍ର ଦେଇ ଆବଦେନ କରିବାକୁ ହୁଏ । ହେଲେ ଏମାନଙ୍କ ସ୍ୱାମୀ ଥାଇ କିଭଳି ମୃତ୍ୟୁ ସାର୍ଟିଫିକେଟ ମିଳଲା ? କିଭଳି ଓ କାହା ସହାୟତାରେ ଏମାନଙ୍କୁ ଭତ୍ତା ଦିଆଯାଉଛି ? ଏସବୁ ନେଇ ଉଠିଛି ପ୍ରଶ୍ନ । ଯେଉଁଠି ଅସହାୟ ବିଧବା ମହିଳାଟିଏ ଏସବୁରୁ ବଞ୍ଚିତ ହେଉଛି ସେଠି ସବୁ ଥାଇ ବି ସ୍ୱଚ୍ଛଳ ଅବସ୍ଥା ଥିବା ଲୋକ ହାତେଇ ନେଉଛନ୍ତି ସମସ୍ତ ସୁବିଧା । ଯାହାର ଦୃଢ ତଦନ୍ତ ଦାବି ହୋଇଛି ।