କନକ ବ୍ୟୁରୋ : ସମୟ ଗଡୁଛି । ସାରୁଅ ଜମି କେଳେଙ୍କାରି ବିବାଦ ଧୀରେ ଧୀରେ ଉଗ୍ର ହେବାରେ ଲାଗିଛି । କାରଣ ଏଠି ଜମି ବି ଯାଇଛି ଆଉ ଚାକିରି ବି ଯାଇଛି । ଏବେ ନ୍ୟାୟ ଦାବିରେ ଜମି ହରାଇଥିବା ଲୋକେ ରାଜଭବନ ଆଗକୁ ଓହ୍ଲାଇ ଆସିଛନ୍ତି । ସେମାନଙ୍କ କହିବା ହେଲା, ଆମ ଜମି ଫେରାନ୍ତୁ । ଗାଁ ଲୋକଙ୍କୁ ଓଡିଶା ଇନଫ୍ରାଟେକ ପ୍ରାଇଭେଟ ଲିମିଟେଡରେ ଚାକିରୀ ଦିଆଯାଉ । ଲକଡାଉନ ସମୟର ବକେୟା ଦରମା ଦିଆଯାଉ । କମ୍ପାନୀର ସ୍ଥାୟୀ ନିଯୁକ୍ତି ପ୍ରତିଶ୍ରୃତି ପାଳନ ହୋଇନାହିଁ । ଲକଡାଉନରେ କମ୍ପାନୀ ଦରମା ବି ଦେଇନାହିଁ
Kanak News is now on WhatsApp
Join and get latest news updates delivered to you via WhatsApp
ଏହାରି ଭିତରେ ସାରୁଅ ଜମି ହେରଫେର ଘଟଣାରେ ଓଡିଶା ଇନଫ୍ରାଟେକର ଜଣଙ୍କ ପରେ ଜଣେ ଉଚ୍ଚପଦସ୍ଥ ଅଧିକାରୀ ଗିରଫ ହୋଇସାରିଛନ୍ତି । ଗିରଫ ଓଡିଶା ଇନଫ୍ରାଟେକର ପାୱାର ଅଫ ଆଟର୍ଣ୍ଣି ଶିବପ୍ରସାଦ ଶ୍ରୀଚନ୍ଦନଙ୍କ ପତ୍ନୀ କହିଛନ୍ତି, ଶିବପ୍ରସାଦ ନିରିହ ଏବଂ ନିର୍ଦ୍ଦୋଷ । ଯାହା କିଛି କରିଛନ୍ତି କମ୍ପାନି କର୍ତୃପକ୍ଷଙ୍କ ନିର୍ଦ୍ଦେଶରେ କରିଛନ୍ତି । ତେଣୁ ବୈଜୟନ୍ତ ପଣ୍ଡା ଏବଂ ଜଗି ମଙ୍ଗତ ପଣ୍ଡାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ ।
ଆଇନର ଉଲ୍ଲଙ୍ଘନ କରି ସାରୁଅରେ ଓଡିଶା ଇନଫ୍ରାଟେକ ପ୍ରାଇଭେଟ ଲିମିଟେଡ ଅନୁସଚିତ ଜାତି ଓ ଜନଜାତିଙ୍କ ଜମି ହଡପ କରିଥିବା ଅଭିଯୋଗ ହୋଇଥିଲା । ଏହି ଘଟଣାରେ ଓଡିଶା ଇନଫ୍ରାଟେକ ପ୍ରାଇଭେଟ ଲିମିଟେଡର ସିଏଫଓ ମନୋରଂଜନ ଷଡଙ୍ଗୀ ଏବଂ ପାୱାର ଅଫ ଆଟର୍ଣ୍ଣି ଶିବ ପ୍ରସାଦ ଶ୍ରୀଚନ୍ଦନଙ୍କୁ ଗିରଫ କରାଯାଇଥିଲା ।