ନକଲି ପୁଲିସକୁ ଗୋଡାଇ ପିଟିଲେ ଗ୍ରାମବାସୀ। ଗଞ୍ଜେଇ ଚାଲାଣ ଉପରେ ଚଢାଉ କରିବାକୁ କହି ଗାଁରେ ପଶୁଥିଲେ ନକଲି ପୁଲିସ

କନକ ବ୍ୟୁରୋ: ନିଜକୁ ପୋଲିସ ପରିଚୟ ଦେଇ ବାରମ୍ବାର ଗାଁକୁ ଆସୁଥିଲେ ଗୋଟିଏ ଟିମ୍ । ଗଂଜେଇ ଚୋରା ଚାଲାଣ ଉପରେ ଚଢାଉ କରିବାକୁ କହି ଲୋକଙ୍କ ଘରେ ପଶୁଥିଲେ । ଲୋକଙ୍କ ଡରାଇ ଧମକାଇ ଯାଞ୍ଚ କରିବା ଆଳରେ ଲୁଟ୍ କରୁଥିଲେ । ପରେ ଗାଁ ଲୋକଙ୍କ ହାବୁଡରେ ଧରାପଡିଯିବା ପରେ ନିର୍ଧୁମ ଛେଚା ଖାଇଛନ୍ତି ନକଲି ପୋଲିସ ହୋଇ ଗାଁରେ ପଶୁଥିବା ଲୁଟେରା । କନ୍ଧମାଳ ଫିରିଙ୍ଗିଆ ବ୍ଲକ ବାଳିଗଟା ଅଞ୍ଚଳରେ ଘଟିଛି ଏଭଳି ଘଟଣା । ମଙ୍ଗଳବାର ବିଳମ୍ବିତ ରାତିରେ ଗଞ୍ଜେଜ ଧରିବା ପାଇଁ ନିଜକୁ ପୋଲିସର ପରିଚୟ ଦେଇ ବାଳିଗଟା ଗାଁରେ ପଶିଥିଲେ ଲୁଟେରା ଟିମ୍ ।

ବିଭିନ୍ନ ଲୋକଙ୍କ ଘରେ ପଶି ଟଙ୍କା ସୁନା ଗହଣା ଲୁଟ କରୁଥିବା ଲୁଟ୍ କରୁଥିଲେ । ଲୁଟେରା ଗ୍ୟାଙ୍ଗକୁ ଗାଁଲୋକେ କାବୁ କରିବା ସହ ନିର୍ଦ୍ଧୁମ ମାଡ଼ ମାରିଛନ୍ତି । ଫିରିଙ୍ଗିଆ ଅଞ୍ଚଳର ସରଳ ଆଦିବାସୀମାନଙ୍କୁ ପୋଲିସ କହି ବିଭିନ୍ନ ମରଣାସ୍ତ୍ର ଦେଖାଇ ଟଙ୍କା ସୁନା ଲୁଟ କରିଆସୁଥିଲେ । ଖବର ପାଇ ଫିରିଙ୍ଗିଆ ଥାନା ଅଧିକାରୀ ତପନ କୁମାର ନାହାକଙ୍କ ଏକ ଟିମ୍ ଘଟଣା ସ୍ଥଳରେ ପହଞ୍ଚି ନକଲି ପୋଲିସକୁ ଥାନାକୁ ଆଣି ପଚରାଉଚରା କରିବା ସହ ଅଧିକ ତଦନ୍ତ ଜାରି ରଖିଛି ।