ଓଡିଶାର ମରୁଡି ପ୍ରଭାବିତ ଅଂଚଳରୁ ଆସିଲା ଅଭାବନୀୟ ଚିତ୍ର : କୂଅରୁ ପାଣି ନେଇ ଜମିରେ ପକାଉଛି ଚାଷୀ ; ଯେକୌଣସି ଉପୟରେ ତଳି ବଂଚାଇ ରଖିବାକୁ ଉଦ୍ୟମ, ରାଜ୍ୟର ୧୧ଟି ଜିଲ୍ଲାରେ ସାଂଘାତିକ ସ୍ଥିତି

କନକ ବ୍ୟୁରୋ : ଶ୍ରାବଣରେ ମୌସୁମୀର ଦେଖାନାହିଁ । ଚାଷ ଜମି ଫାଟି ଆଁ କଲାଣି ।  ବର୍ଷା ଅଭାବରୁ ଚାଷ କାମ ବି ଆଗେଇପାରୁନି ।  ଫଳରେ ଚାଷୀ ଏବେ  ବର୍ଷାକୁ ଚାତକ ଭଳି ଚାହିଁରହିଛି ।  କମ ବର୍ଷା ଯୋଗୁଁ ରାଜ୍ୟର ୧୧ଟି ଜିଲ୍ଲାରେ ମରୁଡି ଆଶଙ୍କା ସୃଷ୍ଟି ହୋଇଛି । ବିଭିନ୍ନ ସ୍ଥାନରୁ ଜମି ଫାଟି ଆଁ କରୁଥିବା ଚିତ୍ର ସାମ୍ନାକୁ ଆସୁଛି । ଆପଣ ଯେଉଁ ଦୃଶ୍ୟ ଦେଖୁଛନ୍ତି  ସେହି ଦୃଶ୍ୟ ହେଉଛି ଗଞ୍ଜାମ ଜିଲ୍ଲାର ।

କମ ବର୍ଷା ଯୋଗୁଁ ଏହି ଜିଲ୍ଲାରେ ବି  ମରୁଡି ଆଶଙ୍କା ସୃଷ୍ଟି ହୋଇଛି । ଚାଷୀ ଧାନ ତଳି ପକାଇଥିଲେ ବି ପାଣି ଅଭାବରୁ ତଳି ପୋଡିବାକୁ ବସିଲାଣି ।  ଆଉ ଏହି ସମୟରେ ଚାଷୀ ଘରୁ ପାଣି ଆଣି ତଳିରେ ପକାଉଥିବା ଦେଖାଦେଇଛି ।