ରିପୋର୍ଟରଙ୍କ ଉପରେ ଚିଡିଲେ ଆମେରିକା ରାଷ୍ଟ୍ରପତି । ଜୋ ବାଇଡେନଙ୍କ ଠାରୁ ଡୋନାଲ୍ଡ ଟ୍ରମ୍ପ ପରାଜୟ ସ୍ୱୀକାର କରିବେ କି ବୋଲି କରିଥିଲେ ପ୍ରଶ୍ନ
କନକ ବ୍ୟୁରୋ : ହ୍ୱାଇଟ ହାଉସ ଛାଡିବାକୁ ସଙ୍କେତ ଦେଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । କିନ୍ତୁ ଏଥିପାଇଁ ଏକ ସର୍ତ ରଖିଛନ୍ତି ଡୋନାଲ୍ଡ ଟ୍ରମ୍ପ । ଯଦି ଜୋ ବାଇଡେନଙ୍କୁ ଔପଚାରିକ ଭାବେ ଆମେରିକାର ରାଷ୍ଟ୍ରପତି ଘୋଷଣା କରାଯାଏ ତେବେ ସେ ହ୍ୱାଇଟ ହାଉସ ଛାଡିବାକୁ ପ୍ରସ୍ତୁତ ବୋଲି କହିଛନ୍ତି ଆମେରିକା ରାଷ୍ଟ୍ରପତି । କିନ୍ତୁ ଏହା ସହ ପୁଣି ଥରେ ଦୋହରାଇଛନ୍ତି ଯେ ସେ ପରାଜୟ ସ୍ୱିକାର କରିପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଇଲେକେଟୋରାଲ କଲେଜ ଜୋ ବାଇଡେନଙ୍କୁ ରାଷ୍ଟ୍ରପତି ଘୋଷଣା କଲେ ସେ ହ୍ୱାଇଟ ହାଉସ ଛାଡିବେ ବୋଲି ସାମ୍ବାଦିକଙ୍କ ପ୍ରଶ୍ନର ଉତରରେ କହିଛନ୍ତି ଟ୍ରମ୍ପ । ନିର୍ବାଚନରେ ଅନିୟମିତତା ବା ଜାଲିଆତି ହୋଇଥିବା ବାରମ୍ବାର ଅଭିଯୋଗ କରୁଛନ୍ତି ଟ୍ରମ୍ପ । ତେବେ ଜାଲିଆତି ନିର୍ବାଚନର ଫଳାଫଳକୁ ସେ ସ୍ୱିକାର କରିବେ ନାହିଁ ବୋଲି ପୁଣି ଥରେ ଦୋହରାଇଛନ୍ତି ।
୩ସପ୍ତାହରୁ ଅଧିକ ସମୟ ଧରି ନିଜର ପରାଜୟକୁ ଅସ୍ୱିକାର କରିଆସୁଛନ୍ତି ଟ୍ରମ୍ପ । ବିନା କୌଣସି ପ୍ରମାଣ ଦେଇ ସେ ବାରମ୍ବାର ନିର୍ବାଚନରେ ଜାଲିଆତି ହୋଇଥିବା ଅଭିଯୋଗ କରିଆସୁଛନ୍ତି । ଏବଂ ଏଥିପାଇଁ ନିର୍ବାଚନର ଫଳାଫଳକୁ ସ୍ୱିକାର କରିବା ମଧ୍ୟ ତାଙ୍କ ପାଇଁ କଷ୍ଟକର ବୋଲି କହିଛନ୍ତି । ଟ୍ରମ୍ପ ପରାଜୟକୁ ସ୍ୱିକାର ନକରିବାକୁ ନେଇ ସାରା ବିଶ୍ୱରେ ଏକପ୍ରକାର ଦ୍ୱନ୍ଦ୍ୱ ଦେଖାଦେଇଛି । ଏବେ ଟ୍ରମ୍ପଙ୍କ ସବୁଜ ସଙ୍କେତ ପରେ ସେ ଶାସନରୁ ହଟିବା ଏକପ୍ରକାର ନିଶ୍ଚିତ ବୋଲି ଚର୍ଚ୍ଚା ଆରମ୍ଭ ହୋଇଛି ।
ଗତ ତିନି ଦିନ ତଳେ ନବନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କୁ କ୍ଷମତା ହସ୍ତାନ୍ତର କରିବା ପ୍ରକ୍ରିୟା ଆରମ୍ଭ କରିବା ପାଇଁ ସବୁଜ ସଙ୍କେତ ଦେଇଥିଲେ ଡୋନାଲ୍ଡ ଟ୍ରମ୍ପ । ଆମେରିକାର ଜେନେରାଲ ସର୍ଭିସ ଆଡମିନିଷ୍ଟ୍ରେସନ ଯାହା ଚାହୁଁଛିି କରିପାରିବ ବୋଲି କହିଥିଲେ ରାଷ୍ଟ୍ରପତି ଟ୍ରମ୍ପ ।