ଚାଷୀ ଆନ୍ଦୋଳନକୁ ନେଇ ସେଲିବ୍ରେଟି ମାନେ କରିଥିବା ଟ୍ୱିଟ୍ ଉପରେ ଯାଞ୍ଚ କରିବେ ମହାରାଷ୍ଟ୍ର ସରକାର । ବିଜେପି ଚାପରେ ଏମିତି କରିଥିବା ନେଇ କରାଯାଉଛି ସନ୍ଦେହ
କନକ ବ୍ୟୁରୋ : ଦିଲ୍ଲୀ ସୀମାରେ ଚାଷୀ ଆନ୍ଦୋଳନକୁ ନେଇ ଏବେ ସାରା ଦେଶର ରାଜନୀତି ସରଗରମ ରହିଥିବା ବେଳେ ଏହାକୁ ନେଇ ଟ୍ୱିଟ୍ କରିଥିବା ସେଲିବ୍ରେଟି ମାନେ ଏବେ ଯାଂଚ ପରିସରଭୂକ୍ତ ହେବେ । ସେମାନେ କାହା ଚାପରେ ଏଭଳି ଟ୍ୱିଟ୍ କରିଛନ୍ତି ସେ ନେଇ ତଦନ୍ତ କରାଇବେ ମହାରାଷ୍ଟ୍ର ସରକାର । ଏନେଇ ଅଲଇଣ୍ଡିଆ କଂଗ୍ରେସ କମିଟି ସଦସ୍ୟ ତଥା ମୁମ୍ବାଇ କଂଗ୍ରେସର ପ୍ରବକ୍ତା ସଚିନ୍ ସାୱନ୍ତ ଅଭିଯୋଗ କରିଛନ୍ତି କି ବିଜେପି ଚାପରେ ସେଲିବ୍ରେଟି ମାନେ ଏଭଳି ଟ୍ୱିଟ୍ କରିଛନ୍ତି । ସଚିନ୍ ସାୱନ୍ତ ଅଭିଯୋଗ ପରେ ମହାରାଷ୍ଟ୍ର ସରକାରରେ ଗୃହମନ୍ତ୍ରୀ ଥିବା ଅନିଲ ଦେଶମୁଖ କହିଛନ୍ତି କି ରାଜ୍ୟ ଇଣ୍ଟେଲିଜେନ୍ସ ଏଜେନ୍ସି ଏହି ମାମଲାର ଯାଂଚ କରି ବାସ୍ତବ ଘଟଣା ଉପରେ ଖୋଳତାଡ କରିବ ।
Kanak News is now on WhatsApp
Join and get latest news updates delivered to you via WhatsApp
ଏହି ଖବର ପ୍ରଚାରିତ ହେବା ପରେ ବିଜେପି ନେତା ରାମ କଦମ୍ ଟ୍ୱିଟ୍ କରି ପ୍ରଶ୍ନ କରିଛନ୍ତି କି, ଦେଶର ହିତ ପାଇଁ ସେଲିବ୍ରେଟି ମାନେ ଟ୍ୱିଟ୍ କରିବା କ’ଣ ଅପରାଧ କି ? । କଂଗ୍ରେସ ଏହି ସେଲିବ୍ରେଟି ମାନଙ୍କୁ କ୍ଷମା ମାଗି ନିଷ୍ପତ୍ତି ପ୍ରତ୍ୟାହାର କରିନେବା ଉଚିତ ବୋଲି ସେ କହିଛନ୍ତି ।
ବିଜେପି ନେତା ଦେଶମୁଖ କହିଥିଲେ କି, କ’ଣ ସେଲିବ୍ରିଟିମାନଙ୍କ ଟୁଇଟ କୌଣସି ଚାପ ହେତୁ ସାମ୍ନାକୁ ଆସିଛି କି? ଆମର ଇଣ୍ଟେଲିଜେନ୍ସ ଏଜେନ୍ସି ଏହି ଘଟଣାର ଯାଞ୍ଚ କରିବେ? କେମିତି ଅକ୍ଷୟ କୁମାର ଓ ସାଇନା ନେହୱାଲଙ୍କ ଟୁଇଟ ସମାନ ଥିଲା ତାହା ମଧ୍ୟ ଦେଖାଯିବ?
ଚାଷୀ ଆନ୍ଦୋଳନ ସମର୍ଥନରେ ପପ ଷ୍ଟାର ସିଙ୍ଗର ରିହାନାଙ୍କ ଟ୍ୱିଟ ପରେ ବିଭିନ୍ନ ବଲିଉଡ ଓ ଖେଳ ଜଗତର ସେଲିବ୍ରିଟି ଟ୍ୱିଟ କରିଥିଲେ । ଏହି କ୍ରମରେ ବଲିଉଡ ଅଭିନେତା ଅକ୍ଷୟ କୁମାର, ଅଜୟ ଦେବଗନ, ଲତା ମଙ୍ଗେସକର, ସଚିନ ତେନ୍ଦୁଲକର, ବିରାଟ କୋହଲି, ସୁନୀଲ ସେଟ୍ଟୀ ସମେତ ଅନେକ ସେଲିବ୍ରିଟି ଟ୍ୱିଟ୍ କରିଥିଲେ। ଏହି ଟ୍ୱିଟରେ ସେମାନେ ଇଣ୍ଡିଆ ଟୁଗେଦର ଓ ଇଣ୍ଡିଆ ଏଗେନଷ୍ଟ ପ୍ରୋପାଗଣ୍ଡା ହ୍ୟାସଟ୍ୟାଗ ଦେଇଥିଲେ। କଂଗ୍ରେସ ପ୍ରତିନିଧି ମଣ୍ଡଳ ଆଜି ଗୃହମନ୍ତ୍ରୀ ଅନିଲ ଦେଶମୁଖଙ୍କ ସହ ଅନଲାଇନ ବୈଠକରେ ଏହି ପ୍ରସଙ୍ଗ ଉଠାଇଥିଲେ।