ଟଳିଲା ତୃଣମୂଳ କଂଗ୍ରେସରେ ବଡ ସଙ୍କଟ : ଦଳରେ ରହିବେ ଶୁଭେନ୍ଦୁ ଅଧିକାରୀ
ମନ୍ତ୍ରୀ ପଦରୁ ଇସ୍ତଫା ଦେବା ପରେ ବିଜେପିରେ ମିଶିବା ନେଇ ଚାଲିଥିଲା ଚର୍ଚ୍ଚା
କନକ ବ୍ୟୁରୋ : ଟଳିଲା ତୃଣମୂଳ କଂଗ୍ରେସରେ ବଡ ବିବାଦ । ଦଳରେ ରହିବେ ପୂର୍ବତନ ମନ୍ତ୍ରୀ ତଥା ମମତାଙ୍କ ପରେ ନମ୍ବର ୨ କୁହାଯାଉଥିବା ଶୁଭେନ୍ଦୁ ଅଧିକାରୀ । ଶୁଭେନ୍ଦୁଙ୍କୁ ମନାଇବାରେ ସଫଳ ହୋଇଛି ତୃଣମୂଳ କଂଗ୍ରେସ ନେତୃତ୍ୱ । ଟିଏମସି ସାଂସଦ ସୌଗତ ରାୟ ଗତକାଲି ରାତିରେ ଏହି ସୂଚନା ଦେଇଛନ୍ତି । ସେ କହିଛନ୍ତି, ଶୁଭେନ୍ଦୁ ଦଳରେ ରହିବେ । ଏ ନେଇ ଥିବା ସବୁ ମନୋମାଳିନ୍ୟ ଦୂର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ସପ୍ତାହରେ ଶୁଭେନ୍ଦୁ ଅଧିକାରୀ ମନ୍ତ୍ରୀ ପଦରୁ ଇସ୍ତଫା ଦେବା ପରେ ବିଜେପିରେ ମିଶିବା ନେଇ ଚର୍ଚ୍ଚା ଜୋର ଧରିଥିଲା । ଏହାପୂର୍ବରୁ କୋଲାକାତାରେ ଶୁଭେନ୍ଦୁଙ୍କୁ ଭେଟିଥିଲେ ତୃଣମୂଳ କଂଗ୍ରେସ ନେତା ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଭଣଜା ଅଭିଷେକ ବାନାର୍ଜୀ । ଉଭୟଙ୍କ ମଧ୍ୟରେ ବୈଠକ ପ୍ରାୟ ଦୁଇଘଂଟା ଧରି ଚାଲିଥିଲା । ଏଥିରେ ଟିଏମସି ନେତା ସୁଦୀପ ବନ୍ଦୋପାଧ୍ୟାୟ ଓ ସୌଗତ ରାୟ ଉପସ୍ଥିତ ଥିଲେ ।
ଟିଏମସିର ପରାମର୍ଶଦାତା ପ୍ରଶାନ୍ତ କିଶୋରଙ୍କ ଦଖଲ ପରେ ଏହି ବୈଠକ ହୋଇଥିଲା । ଦଳରେ ସାଙ୍ଗଠନିକ କୌଶଳ ପାଇଁ ଶୁଭେନ୍ଦୁ ଅଧିକାରୀ ନିଜର ପତିଆରା ଜାହିର କରିଥିଲେ । ମମତାଙ୍କ ପରେ ସେ ଥିଲେ ଦଳର ନମ୍ବର-ଟୁ । ନନ୍ଦିଗ୍ରାମ ଆନ୍ଦୋଳନ ପରେ ଚର୍ଚ୍ଚାକୁ ଆସିଥିଲେ । ମମତା ବାନାର୍ଜୀଙ୍କ ଥିଲେ ସେ ପରାମର୍ଶଦାତା ।