ଆଜିଠାରୁ ଭୁବନେଶ୍ୱରରେ ତୃତୀୟ ପର୍ଯ୍ୟାୟ ସେରୋ ସର୍ଭେ । ବିଏମସି ଓ ଆରଏମଆରସିର ମିଳିତ ତତ୍ୱାବଧାନରେ ହେବ ନମୁନା ସଂଗ୍ରହ : ଜଣାପଡିବ, କେତେ ଲୋକଙ୍କ ଦେହରେ ତିଆରି ହୋଇଛି ଆଂଟିବଡି
କନକ ବ୍ୟୁରୋ : ଆଜିଠାରୁ ଭୁବନେଶ୍ୱରରେ ଆରମ୍ଭ ହେବ ତୃତୀୟ ପର୍ଯ୍ୟାୟ ସେରୋଲୋଜିକାଲ ସର୍ଭେ । ବିଏମସି ଓ ଆରଏମଆରସିର ମିଳିତ ତତ୍ୱାବଧାନରେ ମୁନସିପାଲିଟି ଅଂଚଳରେ ହେବ ସର୍ଭେ । ଭୁବନେଶ୍ୱରରେ ଏବେ ଦିନକୁ ୪ ହଜାର ନମୁନା ପରୀକ୍ଷା କରାଯାଉଛି । ପୂର୍ବରୁ ଦୁଇଟି ପର୍ଯ୍ୟାୟରେ ଭୁବନେଶ୍ୱରରେ ସେରୋ ସର୍ଭେ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ପର୍ଯ୍ୟାୟ ପ୍ରଥମ ଭାଗରେ ଜୁନ୍ ମାସରେ ସଂକ୍ରମଣକୁ ନେଇ ସାଧାରଣ ବର୍ଗର ୧୬୦୦ ନମୁନା ସଂଗ୍ରହ କରାଯାଇଥିଲା, ସେଥିରୁ ମାତ୍ର ୧.୪ ପ୍ରତିଶତ ଲୋକଙ୍କ ଦେହରେ କୋଭିଡ୍-୧୯ ଭୂତାଣୁ ବିରୋଧରେ ଲଢ଼େଇ ପାଇଁ ଆଂଟବଡି ବା ରୋଗ ପ୍ରତିରୋଧ ଶକ୍ତି ତିଆରି ହୋଇଥିଲା । ଦ୍ୱିତୀୟ ଭାଗରେ ଅତି ସମ୍ବେଦନଶୀଳ ବର୍ଗର ୯୦୦ ନମୁନା ସଂଗ୍ରହ କରି ପରୀକ୍ଷା କରାଯାଇଥିଲା, ସେଥିରୁ ୧.୪ ପ୍ରତିଶତରୁ ସାମାନ୍ୟ ଅଧିକ ଲୋକଙ୍କ ଦେହରେ ରୋଗ ପ୍ରତିରୋଧ ଶକ୍ତି ତିଆରି ହୋଇଥିବା ଜଣାପଡିଥିଲା ।
ତେବେ ଭୁବନେଶ୍ୱରରେ ସଂକ୍ରମଣ ହାର ପୂର୍ବ ଅପେକ୍ଷା କମ୍ ହେଉଥିବାରୁ ବର୍ତମାନ କେତେ ଲୋକଙ୍କ ଦେହରେ ଆଂଟିବଡି ତିଆରି ହୋଇଛି ତାହା ଜାଣିବାକୁ ଉଦ୍ୟମ କରାଯିବ । ସରଳ ଭାଷାରେ କହିବାକୁ ଗଲେ ଏହା ଦ୍ୱାରା କେତେ ଲୋକ ଅଜାଣତରେ କରୋନା ଭୂତାଣୁରେ ଆକ୍ରାନ୍ତ ହୋଇ ସୁସ୍ଥ ହୋଇଛନ୍ତି । ଆଉ ସେମାନଙ୍କ ଦେହରେ କରୋନା ବିରୋଧରେ ଲଢ଼େଇ ପାଇଁ ରୋଗ ପ୍ରତିରୋଧ ଶକ୍ତି ସୃଷ୍ଟି ହୋଇଛି ।