କନକ ବ୍ୟୁରୋ: ସ୍କୁଲରୁ ଚୋରି କରି କଳାପଟାରେ ଚୋର ଲେଖିଲା ଧୁମ୍ ଫର । ଆଉ ଏହି ଚୋରି ସ୍କୁଲ ପିଲା କରିଛନ୍ତି ବୋଲି କଳାପଟାରେ ଉଲ୍ଲେଖ ରହିଛି । ତେଣୁ ଯଦି ପାରୁଛ ତାହେଲେ ଧରିବାକୁ ଖୋଲା ଆହ୍ୱାନ କରିଛି ସଂପୃକ୍ତ ଚୋର । ନବରଙ୍ଗପୁର ଜିଲ୍ଲା ତେନ୍ତୁଳି ଖୁଂଟି ବ୍ଲକ ଖାତିଗୁଡ଼ା ପ୍ରକଳ୍ପ ଉଚ୍ଚ ବିଦ୍ୟାଳୟ ଗତ ଶୁକ୍ରବାର ରଥଯାତ୍ରା ପାଇଁ ଛୁଟି ଥିଲା । ହେଲେ ଶନିବାର ସ୍କୁଲ ଫାଟକ ଖୋଲିବା ବେଳେ ବିଦ୍ୟାଳୟର ମୁଖ୍ୟ ଫାଟକର ଚାବି ଭଙ୍ଗା ହୋଇଥିବା ଦେଖିବାକୁ ମିଳିଥିଲା । ଏମିତିକି ପ୍ରଧାନଶିକ୍ଷକଙ୍କ କକ୍ଷରେ ଥିବା ଦୁଇଟି ତାଲା ଭାଙ୍ଗି କମ୍ପ୍ୟୁଟର, ଜେରକ୍ସ ମେସିନ୍, ଏବଂ ସାଉଣ୍ଡ ବକ୍ସ ଆଦି ଅନେକ ସାମଗ୍ରୀ ଚୋରି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଚୋରି ହୋଇଥିବା ଏହି କମ୍ପ୍ୟୁଟରରେ ସ୍କୁଲର ବିଭିନ୍ନ ତଥ୍ୟ, ପରୀକ୍ଷା ସମ୍ବନ୍ଧୀୟ ତଥ୍ୟ ସହ ସ୍କୁଲ ଛାତ୍ର ଛାତ୍ରୀଙ୍କ ବିଭିନ୍ନ ତଥ୍ୟ ଥିଲା । ଏହାପରେ କଳାପଟାରେ ‘ଇଟ୍ସ ମି ଧୁମ-ଫର ଲେଖିଛି । ଏପରିକି ଚୋର ଜଣଙ୍କ କମିଙ୍ଗ୍ ଶୁନ୍, ସ୍କୁଲ ପିଲା ଧରିପାରିଲେ ଧର ଏବଂ ଆମେ ପୁଣି ଆସିବୁ ବୋଲି ଲେଖିଛି । ଏଥିସହ ବ୍ଲାକ ବୋର୍ଡ ରେ କିଛି ମୋବାଇଲ ନମ୍ୱର୍ ଲେଖିଛନ୍ତି । ଯେଉଁଥିରେ ସ୍କୁଲ ଶିକ୍ଷକଙ୍କ ନମ୍ୱର୍ ମଧ୍ୟ ରହିଛି । ରଥଯାତ୍ରା ପାଇଁ ସ୍କୁଲ ଛୁଟି ଥିବାରୁ ଶନିବାର ସକାଳେ ସ୍କୁଲ କର୍ତୃପକ୍ଷ ବିଦ୍ୟାଳୟରେ ପହଂଚିବା ପରେ ବିଭିନ୍ନ ସାମଗ୍ରୀ ଚୋରି ହୋଇଥିବା ଜାଣିବାକୁ ପାଇଥିଲେ । ଏଥିସହ ଚୋରମାନେ ବ୍ଲାକ୍ ବୋର୍ଡରେ ଲେଖିଥିବା ଲେଖାକୁ ଦେଖି ଆଶ୍ଚର୍ଯ୍ୟ ହୋଇଥିଲେ । ପରେ ଖାତିଗୁଡ଼ା ଥାନାରେ ସ୍କୁଲ କର୍ତୃପକ୍ଷ ଥାନାରେ ଅଭିଯୋଗ କରିବା ପରେ ପୁଲିସ ପହଂଚି ତଦନ୍ତ କରୁଛି ।