ଆସୁଛି ଟି-୨୦ ବଶ୍ୱକପ୍, ଫିଟ୍ ନାହାନ୍ତି ପାଣ୍ଡ୍ୟା ! ଭାରତୀୟ ଦ୍ରୁତ ଅଲରାଉଣ୍ଡରଙ୍କ ବିକଳ୍ପ ହେବେ କି ଏହି ଖେଳାଳି? ନ୍ୟୁଜ୍ By Kanak News Bureau On Oct 3, 2021 - 3:11 PM 366 Share କନକ ବ୍ୟୁରୋ: ଆଇପିଏଲ ମହାସମର ପରେ ପରେ ଆରମ୍ଭ ହୋଇଯିବ ଟି-୨୦ କ୍ରିକେଟ୍ ବିଶ୍ୱକପ୍ । ଆଉ ବିଶ୍ୱକପ୍ ପାଇଁ ପୂର୍ବରୁ ଟିମ୍ ଇଣ୍ଡିଆର ଦଳ ଘୋଷଣା ହୋଇସାରିଥିଲେ ବି ଏବେ ଅନେକ ଖେଳାଳି ଅଛନ୍ତି ଯେଉଁମାନେ ବିଶ୍ୱକପ୍ ପୂର୍ବରୁ ଭଲ ଫର୍ମରେ ନାହାନ୍ତି । ଏମିତି କି ୟୁଏଇରେ ଖେଳାଯାଉଥିବା ଆଇପିଏଲର ଦ୍ୱିତୀୟ ପର୍ଯ୍ୟାୟରେ ସେମାନଙ୍କ ଖେଳ ବେଶ୍ ନୈରାଶ୍ୟଜନକ ରହିଛି । ଆଉ ସେମାନଙ୍କ ମଧ୍ୟରୁ ଭାରତୀୟ ଦଳର ଦ୍ରୁତ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ନାଁ ବି ରହିଛି । Kanak News is now on WhatsApp Join and get latest news updates delivered to you via WhatsApp Join Now ଫିଟ୍ ନୁହନ୍ତି ପାଣ୍ଡ୍ୟା ଟିମ୍ ଇଣ୍ଡିଆର ସବୁଠୁ ବଡ ମ୍ୟାଚ୍ ବିଜେତା ଭାବରେ ବିବେଚିତ ଷ୍ଟାର୍ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ବର୍ତ୍ତମାନ ଫିଟ୍ ନୁହଁନ୍ତି ଏବଂ ତାଙ୍କ ଫିଟନେସକୁ ନେଇ ପ୍ରଶ୍ନ ଉଠିଛି । ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟ ଆରମ୍ଭରୁ କିଛି ମ୍ୟାଚ୍ ଖେଳି ପାରିନଥିଲେ ହାର୍ଦ୍ଦିକ ପାଣ୍ଡ୍ୟା ।ଏହା ପରେ ସେ ପଡ଼ିଆକୁ ଓହ୍ଲାଇନଥିଲେ ବି ପୂର୍ବ ଭଳି ତାଙ୍କ ପ୍ରଦର୍ଶନ ସେମିତି କିଛି ଖାସ୍ ନଥିଲା । କେବଳ ଏତିକି ନୁହେଁ, ହାର୍ଦ୍ଦିକ ଏପର୍ଯ୍ୟନ୍ତ ଆଇପିଏଲ ଦ୍ୱିତୀୟ ପର୍ଯ୍ୟାୟରେ ଏକ ଓଭର ବୋଲିଂ ମଧ୍ୟ କରିନାହାଁନ୍ତି । ଯାହା ପରେ ତାଙ୍କ ଫିଟନେସ ବିଷୟରେ କ୍ରମାଗତ ଭାବରେ ପ୍ରଶ୍ନ ଉଠିଛି । ହାର୍ଦ୍ଦିକଙ୍କ ବିକଳ୍ପ ବନିପାରନ୍ତି ଏହି ପ୍ଲେୟାର ଯେହେତୁ ହାର୍ଦ୍ଦିକ ପାଣ୍ଡ୍ୟାଙ୍କ ଫିଟନେସକୁ ନେଇ ପ୍ରଶ୍ନ ଉଠିଛି, ଆଉ ତାଙ୍କୁ ଟି -୨୦ ବିଶ୍ୱକପ ଦଳରୁ ଓହରିଯିବା ଉଚିତ ବୋଲି କ୍ରୀଡ଼ା ବିଶେଷଜ୍ଞମାନ ମତ ରଖୁଛନ୍ତି । କିନ୍ତୁ ଯଦି ହାର୍ଦ୍ଦିକ ବିଶ୍ୱକପରୁ ବାହାରିଛନ୍ତି, ତେବେ ତାଙ୍କୁ କିଏ ତାଙ୍କ ବିକଳ୍ପ ହେବ? ଏଭଳି କିଛି ଅଙ୍କକଷା ଭିତରେ ଗତକାଲିର ଚେନ୍ନାଇ ଏବଂ ରାଜସ୍ଥାନ ମଧ୍ୟରେ ଖେଳାଯାଇଥିବା ଦମଦାର ମ୍ୟାଚରୁ ଏକ ଖେଳାଳି ନାଁ ଚର୍ଚ୍ଚାକୁ ଆସିଛି । ରାଜସ୍ଥାନ ଅଲରାଉଣ୍ଡର ଶିବମ ଦୁବେ ପୁଣି ଥରେ ଟିମ୍ ଇଣ୍ଡିଆକୁ ଫେରିବାର ସୁଯୋଗ ପାଇପାରିବେ । ଶିବମ୍ ଦୁବେ ନିଜ ବ୍ୟାଟିଂ ଜରିଆରେ ରାଜସ୍ଥାନକୁ ବିଜୟୀ କରାଇଥିଲେ । ଆଇପିଏଲର ଶକ୍ତିଶାଳୀ ଟିମ୍ ଚେନ୍ନାଇ ବିପକ୍ଷରେ ମାତ୍ର ୪୨ ବଲରେ ଦୁବେ ୬୪ ରନ୍ ସଂଗ୍ରହ କରିଥିଲେ । ଏହି ଇନିଂସ ସମୟରେ ସେ ୪ଟି ଚୌକା ଓ ୪ଟି ଛକା ମାରିଥିଲେ । ଏହା ବ୍ୟତୀତ ଶିବମ୍ ଦୁବେ ମଧ୍ୟ ଭଲ ବୋଲିଂ କରନ୍ତି । ତେଣୁ ହାର୍ଦ୍ଦିକଙ୍କ ଭଲ ବିକଳ୍ପ ଯଦି କିଏ ହେବ ତାହା କେବଳ ଶିବମ୍ ଦୁବେ ବୋଲି ଆଲୋଚନା କରାଯାଉଛି । 366 Share FacebookTwitterGoogle+WhatsAppTelegramEmailPrint