ଲଖିମପୁର ହିଂସାକାଣ୍ଡକୁ ନେଇ ସୁପ୍ରିମକୋର୍ଟଙ୍କ ନାଲି ଆଖି । ୟୁପି ସରକାର ଉପରେ ବର୍ଷିଲେ ସର୍ବୋଚ୍ଚ ନାୟାଳୟ
କନକ ବ୍ୟୁରୋ: ଲଖିମପୁର ହିଂସାକାଣ୍ଡରେ ସଠିକ୍ ଭାବେ ତଦନ୍ତ କରୁନି ଉତ୍ତରପ୍ରଦେଶ ସରକାର । ଘଟଣାକୁ ୧ ମାସରୁ ଅଧିକ ସମୟ ବିତିଯାଇଥିଲେ ବି ତଦନ୍ତ କରିବାରେ ବିଫଳ ୟୁପି ପୋଲିସ । ଯାହାକୁ ନେଇ ପୁଣିଥରେ ଉତ୍ତର ପ୍ରଦେଶ ସରକାର ଉପରେ ବର୍ଷିଛନ୍ତି ସର୍ବୋଚ୍ଚ ନ୍ୟାୟାଳୟ । ୟୁପି ସରକାର ଦ୍ୱାରା ଘଟଣାକୁ ନେଇ ପ୍ରସ୍ତୁତ କରାଯାଇଥିବା ଷ୍ଟାଟସ ରିପୋର୍ଟରେ କିଛି ତଥ୍ୟ ନଥିବାରୁ କ୍ଷୋଭ ପ୍ରକାଶ କରିଛନ୍ତି ସୁପ୍ରିମକୋର୍ଟ । ଷ୍ଟାର୍ଟସ୍ ରିପୋର୍ଟରେ କେବଳ ଅଧିକ ସାକ୍ଷୀଙ୍କୁ ରଖାଯାଇଛି । ଆଉ ଘଟଣାକୁ ନେଇ ଅନ୍ୟ କୌଣସି ତଥ୍ୟ ନାହିଁ । ଫଳରେ ସୁପ୍ରିମକୋର୍ଟ ୟୁପି ପୋଲିସ ଉପରେ ବର୍ଷିଛନ୍ତି । ପୁର୍ବରୁ ଲଖିମପୁର ଘଟଣାକୁ ନେଇ କେନ୍ଦ୍ର ସରକାରଙ୍କ ଉପରେ କ୍ଷୋଭ ପ୍ରକାଶ କରି ସାରିଛନ୍ତି ସୁପ୍ରିମକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ସୋମବାର ସୁପ୍ରିମକୋର୍ଟ ମୁଖ୍ୟ ବିଚାରପତି ଏନ.ଭି ରମଣା ଶୁଣାଣି କରି କହିଛନ୍ତି ଯେ, ୟୁପି ସରକାରଙ୍କ ପାଖରୁ ଏଭଳି ଆଶା କରାଯାଉନଥିଲା । ସେହିପରି ଘଟଣାର ତଦନ୍ତ କରୁଥିବା ଏସଆଇଟି ଟିମ୍ ଉପରେ ମଧ୍ୟ ବର୍ଷିଛନ୍ତି ସୁପ୍ରିମକୋର୍ଟ । ଗତ ଅକ୍ଟୋବର ମାସ ୩ ତାରିଖରେ ଲକ୍ଷିମପୁର କ୍ଷେରି ଠାରେ ହେଇଥିବା ହିଂସାକାଣ୍ଡରେ ୮ ଜଣ ଙ୍କ ଜୀବନ ଯାଇଥିଲା । ସେଥିରେ ୪ ଜଣ କୃଷକ ଥିଲେ । କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ରାଙ୍କ ଗାଡି କୃଷକଙ୍କ ଉପରେ ଚଢିଯିବା ଫଳରେ ୪ କୃଷକଙ୍କ ମୃତ୍ୟୁ ହୋଇଥିଲା । ଘଟଣାରେ ଆଶିଷ ମିଶ୍ରା ଗିରଫ ହୋଇ ପୋଲିସ ହେପାଜତରେ ଅଛନ୍ତି । ତେବେ ମାମଲାର ଯାଞ୍ଚ ସଠିକ୍ ଭାବେ କରାଯାଉ ନଥିବା କହିଛନ୍ତି ସୁପ୍ରିମକୋର୍ଟ ।
ବହୁଚର୍ଚ୍ଚିତ ଲଖିମପୁର ଖେରୀ ଘଟଣା ଉପରେ ଏବେ ମଧ୍ୟ ରାଜନୈତିକ ହଲଚଲ ଜାରି ରହିଛି । ଦେଖିବାକୁ ବାକି ରହିଲା ଏହି ମାମଲାରେ ଆଗକୁ ନ୍ୟାୟାଳୟଙ୍କ ରାୟ କଣ ରହୁଛି । ଏହି ମାମଲାର ଶୁଣାଣି ଆଗାମୀ ଶୁକ୍ରବାରରେ କରାଯିବ ।