ଘୋଡା ଥାଇ ଗୋଲେଇ ଛକର ହୋଇପାରିବ କି ଆଧୁନିକରଣ । ସାମ୍ନାକୁ ଆସିଲା ବିଶ୍ୱର ବହୁ ଉଦାହରଣ । ପ୍ରତିକାତ୍ମକ ମୂର୍ତିକୁ ରଖି କରାଯାଇ ପାରିବ ପୁନଃନିର୍ମାଣ
କନକ ବ୍ୟୁରୋ: ବିକାଶ ପାଇଁ ଅନେକ ବିକଳ୍ପ ରହିଛି । ସ୍ଥାନାନ୍ତରଣ ଓ ବିସ୍ଥାପନ ବାହାରେ ବିକାଶର ବାଟ ଖୋଜିବା ହେଉଛି ବର୍ତମାନ ସମୟର ଆହ୍ୱାନ । ଭୁବନେଶ୍ୱର ମାଷ୍ଟର କ୍ୟାନଟିନ୍ରେ ଥିବା ଘୋଡ଼ାର ସ୍ଥାନାନ୍ତରଣକୁ ବିରୋଧ ବଢ଼ୁଥିବା ବେଳେ ଏହାକୁ ନେଇ ଏକ ବିକଳ୍ପ ବାଟ ଦେଖାଛନ୍ତି ଟାଉନ୍ ପ୍ଲାନର । ଘୋଡ଼ାକୁ ସ୍ଥାନାନ୍ତର ନକରି ଭୁବନେଶ୍ୱର ସହରକୁ ଆହୁରି ସୁନ୍ଦର କରାଯାଇପାରିବ କି?
Kanak News is now on WhatsApp
Join and get latest news updates delivered to you via WhatsApp
ବିଶ୍ୱର ବଡ଼ ବଡ଼ ସହରରେ ଆଜି ବି ଦେଖିବାକୁ ମିଳେ ଗୋଲେଇ ଛକ । ଟ୍ରାଫିକ୍ ପରିଚାଳନାଠୁ ଆରମ୍ଭ କରି ଗୋଟିଏ ସହରର ଐତିହ୍ୟକୁ ପ୍ରଦର୍ଶିତ କରିବାର ଭରପୁର ସୁଯୋଗ ଆଣିଦିଏ ଏହି ଗୋଲେଇ ଛକ । ୧୯୬୬ ମସିହାରେ ଆରମ୍ଭ ହୋଇଥିବା ଏହି ବ୍ୟବସ୍ଥା ଆଜି ବି ସିଙ୍ଗାପୁର, ନ୍ୟୁୟର୍କ, ଲଂଣ୍ଡନ, ଭଳି ସହରରେ ରହିଛି ।
ଆଉ ଏହି ହେଉଛି ଆମ ରାଜଧାନୀ ସହର ଭୁବନେଶ୍ୱରର ମାଷ୍ଟରକ୍ୟାନ୍ଟିନ୍ର ଗୋଲେଇ ଛକ । ଯେଉଁଠି ରହିଛି ଘୋଡ଼ା । ଆଉ ଯାହାର ସ୍ଥାନାନ୍ତରଣକୁ ନେଇ ଏବେ ବିବାଦ ଉଠିଛି । ଉଭୟ କଂଗ୍ରେସ ଓ ବିଜେପି ନେତାମାନେ ଏହାର ପ୍ରତିବାଦ କରୁଛନ୍ତି । ବିଶ୍ୱରର ବଡ଼ ବଡ଼ ସହରରେ ଗୋଲେଇ ଛକର ଆଦର ବଢ଼ୁଥିବା ବେଳେ ଭୁବନେଶ୍ୱର ଗୋଟିଏ ପରେ ଗୋଟିଏ ଛକ ନିଶ୍ଚିହ୍ନ ହୋଇଯାଉଛି । ଆଜିର ଦିନରେ ରାଜମହଲ ଓ ରସୁଲଗଡ଼ ଗୋଲେଇ ଛକ ନିଜର ଅସ୍ତିତ୍ୱ ହରାଇ ସାରିଛି ।
ସ୍ମାର୍ଟସିଟି ଭୁବନେଶ୍ୱରକୁ ଆହୁରି ବିକଶିତ କରିବା ପାଇଁ ବିଏମ୍ସି ପକ୍ଷରୁ ନୂଆ ନୂଆ ଯୋଜନା କରାଯାଉଛି । ଆଉ ଏହି କ୍ରମରେ ମାଷ୍ଟରକ୍ୟାନ୍ଟିନ୍ର ଘୋଡ଼ାକୁ ସ୍ଥାନାନ୍ତରଣ ଲକ୍ଷ୍ୟ ରହିଛି । କିନ୍ତୁ ଟାଉନ୍ ପ୍ଲାନର୍ ପିୟୁଷ ରାଉତଙ୍କ କହିବା କଥା ହେଉଛି- ମାଷ୍ଟରକ୍ୟାନ୍ଟିନ୍ର ଗୋଲେଇ ଛକକୁ ନୂଆ ରୁପ ଦିଆଯାଇପାରିବ । ଆଉ ଘୋଡ଼ାର ସ୍ଥାନାନ୍ତରଣ ବି ଦରକାର ପଡ଼ିବନି । ଗଢ଼ା ସାମଗ୍ରୀକୁ ଭାଙ୍ଗିବା ସହଜ । କିନ୍ତୁ ପୁଣି ଥରେ ଗଢ଼ି ତୋଳିବା କଷ୍ଟ । ସେ ସହର ହେଉ କିମ୍ବା ସହରର କୌଣସି ଛକ ।