କନକ ବ୍ୟୁରୋ : ନୟାଗଡ଼ର କୁନି ଝିଅ ପରୀ ମୃତ୍ୟୁ ପଛରେ କିଏ, ଆଉ ମୃତ୍ୟୁର କାରଣ କ’ଣ, ଏହି ଦୁଇଟି ପ୍ରଶ୍ନର ଉତରକୁ ଏବେ ସାରା ଓଡ଼ିଶା ଅପେକ୍ଷା କରି ରହିଛି । ଆଉ ଏହି ରହସ୍ୟ ଉପରୁ ପଦା ହଟାଇବା ପାଇଁ ଉଦ୍ୟମ୍ ଜାରି ରଖିଛି ଏସ୍ଆଇଟି । ଖୋଦ୍ ଏସ୍ଆଇଟି ମୁଖ୍ୟ ଅରୁଣ ବୋଥ୍ରାଙ୍କ ନେତୃତ୍ୱରେ ଯାଂଚ୍ ଚାଲିଛି, ଚଢ଼ାଉ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ାଉ ଏହାରି ଭିତରେ ପରୀ ମୃତ୍ୟୁର ଅଭିଯୁକ୍ତ କୁହାଯାଉଥିବା ବାବୁଲି ନାୟକଙ୍କ ଘରେ ଚଢ଼ାଉ କରିଛି ଏସଆଇଟି ଟିମ୍ । ଘରେ ଯାଂଚ୍ କରିବା ସହ ଉଭୟ ବାବୁଲି ଓ ତାଙ୍କ ପୁଅଙ୍କୁ ପ୍ରାୟ ଏକ ଘଂଟା ଧରି ଜେରା କରିଥିଲା ଏସଆଇଟି । ଆଉ ଏହାରି ବିଜୟ ବେହେରା ଓ କାହ୍ନୁ ବେହେରାଙ୍କୁ ଉଠାଇ ନେଇ ଜେରା କରାଯାଇଛି ।
ପ୍ରଶ୍ନ ହେଉଛି-ନୟାଗଡ଼ ପୁଲିସ୍ କରୁଥିଲା କ’ଣ? କେମିତି ତଦନ୍ତର ପରିଚାଳନା କରୁଥିଲେ ନୟାଗଡ଼ ଏସ୍ପି? କୁନି ଝିଅର ମୃତ ଦେହ ଅଖାରେ ମିଳିଲା । ଘଟଣା କେତେ ସମ୍ବେଦନଶୀଳ । ସମ୍ବେଦନଶୀଳତାକୁ ବୁଝିବାରେ କାହିଁକି ବିଫଳ ହେଲେ ଏସ୍ପି? ପରୀ ମୃତ୍ୟୁ ଘଟଣାକୁ ୪ ମାସ ବିତି ଯାଇଥିଲେ ମଧ୍ୟ ନୟାଗଡ଼ ପୁଲିସ୍ର ଶୀଥିଳତା ଯୋଗୁଁ ମାମଲା ଏତେ ବାଟକୁ ଆଗେଇ ଗଲା ବୋଲି ଚର୍ଚ୍ଚା ହେଉଛି । ଆଉ ଏହି ପୁରା ପ୍ରକ୍ରିୟା ଭିତରେ କାଠଗଡ଼ାକୁ ଚାଲି ଆସିଛି ନୟାଗଡ଼ ପୁଲିସ୍ । ଏବଂ ନୟାଗଡ଼ ଏସ୍ପି ।
ଏପଟେ ଘଟଣାର ନିରପେକ୍ଷ ତଦନ୍ତ ପାଇଁ ରାଜ୍ୟ ସରକାର ଗଠନ କରିଥିବା ଏସ୍ଆଇଟି, ଯଦପୁର ଗାଁରେ ଘର ଘର ବୁଲି ଲୋକଙ୍କ ସହଯୋଗ ମାଗିଛି । ଟିମ୍ର ୫ ଜଣିଆ ସଦସ୍ୟ ଗାଁ ଲୋକଙ୍କୁ ହତ୍ୟାକାଣ୍ଡ ସମ୍ପର୍କରେ ଜାଣିଥିବା ତଥ୍ୟ ପଚାରିବୁଝିଛନ୍ତି ।
ଆଉ ଏହାରି ଭିତରେ ପରୀ ମୃତ୍ୟୁ ଘଟଣାକୁ ନେଇ ଏସ୍ଆଇଟି ମୁଖ୍ୟ ରଖିଛନ୍ତି ବଡ଼ ବୟାନ । ଅରୁଣ ବୋଥ୍ରା କହିଛନ୍ତି- ଦୁଇ ସପ୍ତାହ ଭିତରେ ସବୁ ସ୍ପଷ୍ଟ ହୋଇଯିବ । ତଦନ୍ତ ଉପରେ ଲୋକଙ୍କ ଭରସା ରହିଛି ବୋଲି କହିଛନ୍ତି-ଏସ୍ଆଇଟି ମୁଖ୍ୟ ।
ଏସ୍ଆଇଟି ମୁଖ୍ୟଙ୍କ ଏହି ଦମ୍ଭୋକ୍ତି ବେଶ ଗୁରୁତ୍ୱ ରଖୁଛି କାରଣ ମାମଲାକୁ ନେଇ ରାଜ୍ୟରେ ରାଜନୀତି ତୀବ୍ର ହୋଇଛି । ଆଉ ଏପଟେ ନୟାଗଡ଼ ପୁଲିସର ଶୀଥିଳତା ପୁଲିସ୍ର କାର୍ଯ୍ୟା ଦକ୍ଷତାକୁ ନେଇ ବଡ଼ ପ୍ରଶ୍ନ ଛିଡ଼ା କରିଛି ।